隔離屋懷疑住左個痴線佬，我裝左個監視器發現佢竟然...: 8. 決戰倫敦金佬
我同lucy入到office之後.....已經覺得奇奇怪怪。
只係6點幾，成間公司一個人都冇...又會收工收得咁準時既...？
kelvin msg我去最高層既會議室入面就會見到佢。我帶住lucy一路係大廈入面差穿右插，一路發現有唔少海報都有kelvin個樣。
「跟住kelvin哥，平治冇甩拖！」
「入kelvin哥team，日日爆數！精神仔！」一路上都係啲九唔搭八既句子，重有啲用緊5p字，又刀又甘，重有句咩「賺左太多！比大家賺埋右！」
屌，肥絲大隻過左黎做金融雞呀？！
行到最入面，有間望落成200至300尺咁大既房，上面有個名牌寫住kelvin。我拖住lucy，敲左兩下門。
但等左陣都冇人回應.....
我再敲既時候，突然lucy好大力扯左我一下。我猛然回頭既時候，見到kelvin突然岀現係我後面，佢手上拎住支棒球棍正正對準我個頭揮動......
**************************************
哇屌......好撚痛.....我個頭痛到痴線.......
當我醒翻既時候，發現自己比人綁住係張公司大班椅度，我勉強抬起頭望望周圍，見到lucy暈左係我腳邊，完全冇反應....而我前面...企住kelvin同三個彪形大漢，但個個都上身爆肌下身排骨，估計應該係力威請翻黎既人。
kelvin見到我醒左，好痛恨咁行過黎，用盡全力摑左我三巴。
「死八婆！我明明話過唔想再見到你，你重夠膽同佢黎揾我！你以為你用個奸夫電話我就會唔知係你咩？！」
我屌！lucius究竟比左啲咩記憶佢，改到咁離譜都有？！
「當年我捉姦在床，見到大家紋哂身都知咩事啦！但我最容忍唔到，係你同佢係我張床搞完，佢重夠膽死着左我死鬼老母送比我對西瓜係我屋企行！呢一幕我呢世都唔會忘記！
你個八婆比完帽我戴就走左去，你知唔知當年幾多人笑我！！話我性無能先會搞到你同佢搞埋！」
佢一路講一路嬲到成個人震哂....睇黎lucius應該將成個劇本放左入佢個腦度....
隔左好一陣，佢先慢慢回復翻平靜，再係三個力威佬耳邊講左幾句，然後面帶微笑咁走左岀房。
.....咁...即係點？
房門關上之後，果三個力威佬開始set cam。其中一個重已經除哂佢啲衫褲，慢慢行緊過黎我度.....
喂！
............
喂！！
唔好呀你！
.........................
我唔想見到小力威呀....！救命呀！
................
成三個力威佬，今舖比埋屎眼都唔夠分.......
「Lucy!!!屌你老母醒呀！！lucy！」我不停用腳踼lucy個頭，佢重係成條死魚咁冇反應。
屌！真係冇撚用！唯有靠自己啦！
眼前既裸體力威佬已經一步步行緊過黎，一下就撕開左我件上衣。
拖得就拖先啦，我開始轉攻勢，苦苦懇求力威佬:「喂....咁乾點入呀，不如比翻啲前戲，過黎打翻個茄輪先呢.....」
裸體力威佬聽到之後，我見到佢即刻扯到行一行，再伸個頭埋黎....望我啦...快啲望住我....
點知佢望都冇望就伸條脷入黎！
哇屌....佢個口臭到鹹魚咁，如果要形容就好似加左過期腐乳撈埋肥婆西汁既味.....我差啲想嘔岀黎.....
頂唔順啦.....我一野咬落佢條脷度，佢痛到叫唔岀，雙眼狠狠咁怒視我！
係機會！
我即刻集中精神望住佢雙眼.....
「同我打低你後面兩個大隻佬，再解開我。」
佢神情變得呆滯，迷迷糊糊咁點左兩下頭，然後就裸體面向翻佢兩個同伴。
另外兩個力威仔仲未反應到，裸體威已經一個批爭打左落其中一個人既後頸度。一個力威仔一下子已經比瞬間ko！
「ching sickball!!!!」我忍唔住為佢歡乎！係有兩道喎！
點知.....我真係開心得太早。係裸體威打緊既時候，第二個力威仔察覺到佢有啲唔妥，反應快速咁拎起旁邊既macbook一下扑落裸體威度，裸體威成頭血，慢慢走前兩步就暈左。
「八婆！你做過咩黎！」淨翻既力威佬，怒氣沖沖咁走過黎，用頭先部macbook再一下扑落我個天靈蓋度.......
連續比人扑左兩次.....我感覺到頭頂痛到嘶心裂肺.....
我開始....眼花花.........眼前除緊褲既力威佬開始一分二...二分四.......
lucy........
救我......
............
呢度邊度黎..........
我醒翻已經發現.....有人裸住上身，一直揹住我行。
「醒啦？你好重。」係lucy把聲。
我望望自己，發現原本比撕爛既上衣，變左lucy件衫。
「發生咩事？頭先...我比人打暈左....但我下面唔痛既...姐係冇姦到？你點走岀黎？」諗起啱啱真係有啲驚魂未定...手心重一直標緊汗。lucy托一托我再繼續揹住我，然後略帶歉意咁同我道歉。
「都係我....冇左對眼淨翻既能力，同一個普通人差唔遠。我一醒翻，已經聽到我後面有解褲鍊既聲，我嗌你又冇反應，於是我...用念力將我本身帶係身把刀插落佢度。」
咁重手.....唔知個力威佬有冇死......
「....咁kelvin呢？」
「之後我聽到佢入左黎，見到房入面既情況，佢即刻過黎捉住我條頸壓左我落地....本來我就抖唔到氣，好彩比我摸到插係個男人身上把刀，我即刻抆起好大力界左佢一下.....我諗.....」
佢猶豫左一陣，再慢慢講，
「我應該切左佢下面...我聽到佢大嗌巨龍冇左....應該係指....下體....」
估唔到.....lucy岀手咁重.....位置真係精準...
之後，lucy伸手係褲袋拎左份野岀黎遞比我，
「俾你。」
係果對男女張樓契，上面有kelvin放棄物業既簽名....仲沾有少少血....我已經想象到頭先既畫面有幾血腥。
「我都話左....冇靈魂我收唔到....」
lucy細細聲咁講，十足十啲細佬仔做錯事驚比人鬧咁，真係...有小小啦...小小可愛。
我緊緊捉住呢張，用我地血汗換翻黎既契約。我望望lucy，發現佢一路揹住我行，但走既路完全係離屋企相反方向。
冇左我既輔助，佢又唔識搭車，靠佢自己揹住我離開棟大廈行到呢到....一定唔容易....
個天都已經黑哂，望下個電話，已經成凌晨1點.....lucy應該已經揹左我都一段長時間.....
我係佢背上落翻黎，再次拖翻實佢。
「跟住我。」
就係咁，我地兩個一殘一傷，一步一步互相依靠行翻屋企。
小情侶單野搞掂之後，我地發現....
咁辛苦揾埋命搏，個收取靈魂既數量同速度都係強差人意.....要追翻lucy同佢阿哥既差別，起碼一個星期都要收到7-8個靈魂先得....
而家我人就得一個，又要翻工揾食，lucy冇左我又收唔到靈魂.....
睇黎.....要諗下辦法先得.......
正當我煩惱緊既時候，lucy開左我屋企門入左黎。
自從上次生死關頭之後，我同lucy既關係都更進一步。而家佢已經開始會係我屋企自岀自入。
我地百無聊賴咁係梳化攤係度，我電話突然響起，係我細佬呀雄打黎...
佢話佢同劉牧師已經到左我屋企樓下，叫我開門。
未住.....
咩叫係我樓下？！
wtf？！
咪會比佢睇到lucy？！重有！個劉牧師又係咩一回事？！
劉牧師係我細佬教會識既，我都見過幾次，但我同佢完全唔熟嫁喎....如果佢睇到lucy身分既話....點算.....分分中唸幾句野係我屋企玩驅魔就麻撚煩....
唔係啦，我都係即刻讀心去睇下佢地想點....
「我都好耐冇見過阿雄家姐....借啲意今次上去望下佢隻白滑靚腳都好....」
我屌，唔聽猶自可，一聽雞皮都起，唔怪得以前劉牧師成日叫我去教會.....痴線嫁真係人面獸心.....
「叩叩叩叩...」死啦，咁快嫁！我望下lucy，佢應該聽到哂，但佢只係揮一揮手，示意我如常開門比佢地入黎。
好啦，既然佢都唔驚的話......
我唯有死死地氣去開門.......