最後的黃昏: 你也在看嗎？

我記得以前你最愛看周星馳，當我現在看著大台裏重播"回魂夜"，莫名有一種特別的歸屬感，無論是那首特別的配樂，還是每一句不同角色的台詞，也難以令我忘記，因為他一系列的電影，在那年暑假，也總是我倆一起看。
不如睇"回魂夜"囉！好冇？月澄問到
吓！周星馳啲戲，我已經睇咗n次咁多，就嚟連台詞都背到啦 ！我當時咁講，因為真係睇到可以背出嚟啦！
係咩，背嚟睇下，睇下有咩咁把炮！月澄又話
好呀！我哋輸賭，如果我背得哂，你就請我食一個禮拜免費午餐，如果我背唔哂嘅，我就.....任你駛成個月....咁好冇？唉！當時我又下巴輕輕，其實當初，我真係背到，但係又心軟，最後...佢真係駛足我成個月。
其實雖然嗰個月，係好辛苦，差唔多每日都做佢嘅外賣仔，不過每日見到佢，諗返轉頭，真係好幸福，係好罕有嘅幸福。
可惜現在卻只有自己一個，坐在空無一人的客廳裏，看著你最愛看的"回魂夜"
--如果我們也在無人之境，走到盡頭時，我們會再次見一面嗎？--