簡介

Grad trip 原本應該係一件好開心嘅事,點解偏偏係我Grad trip 嗰陣先發生埋啲好似電影般的情節。 新手一名,求意見改進



Grad trip 原本應該係一件好開心嘅事,點解偏偏係我Grad trip 嗰陣先發生埋啲好似電影般的情節。
今年係我中六畢業,係我中學生涯最後一年,所以諗住同埋一班friend,一齊暢遊日本。有淘寶姐,姣婆step,吃貨同Cathy姐。我哋決定去日本玩11日,由大阪玩到東京。 初頭嗰幾日,我哋去大阪玩嗰陣,冇乜特別嘢發生。但當我地去到東京富士山下面嘅青木原森林,奇怪的事就發生了。我仲記得嗰日係6月8號,我哋五個人一齊係膠囊旅館出發到富士山。原本我哋計劃搭車上富士山觀光,點知淘寶姐突然話… 淘寶姐:「其實我真係唔明點解要去富士山觀光囉,大佬,大家去日本東京都去過富士山啦,都唔知去黎做乜鬼,根本就浪費時間!不如去富士山下面嗰個青木原森林探險啦!」
姣婆step:「都好喎!我去過日本咁多次,次次都有去富士山,其實又真係幾悶下!我贊成呢個提議啊!聽講青木原森林出咗名係自殺聖地,可能我哋行行下會搵到一條屍!正呀!」 吃貨,我同Cathy姐都冇出聲。因為我嗰陣呆咗一下……我從來冇去過一啲咁陰森嘅地方……但諗諗吓呢次係我人生第一次grad trip,去玩下都好嘅…費事到時爆瘡同姣婆step 嬲,唔理我地。 我仲記得,青木原森林個入口好難搵到,我哋足足用咗成一個鐘先搵到個入口… 姣婆step:「妖,搵左咁耐終於搵到入口啦!我哋可以入去一齊探險啦!如果你哋見到有屍體記得叫我去睇睇喎!」 淘寶姐:「得啦!廢話少講快啲入去啦!大家記得跟着我!一陣間迷路就唔關我事呀!」 我,吃貨同cathy姐都異口同聲地講 「OK madam!」淘寶姐係第一個行入青木原森林,之後就係姣婆step,再之後就係我,Cathy姐,吃貨。嗰日青木原森林好大霧,基本上唔係好睇得到前面嗰個人,所以我哋大家一個搭着一個嘅膊頭,費事到時走散左,要叫警察幫手搵就唔好啦。 點知行行吓,淘寶姐,姣婆step同吃貨突然消失咗。得返我同Cathy姐…… 我:「喂,點算啊!我哋好似走失左喎!淘寶姐,姣婆step同吃貨都消失咗!」 Cathy姐:「我啱啱明明仲感覺到吃貨係我後面架喎!」 係呢個時候我隱約見到Cathy姐嘅E Cup 大胸…我個心係咁bom bom bom bom 跳… 心諗:「頂,一心,喺呢個緊急關頭你仲諗埋嗰啲嘢!」我慢慢冷靜下來……… 我:「其實好似唔多對路喎………我明明記得我哋喺skype group plan緊去邊度嗰陣,淘寶姐同姣婆step 都話好想去富士山觀光㗎喎,點解佢哋會無啦啦想轉個行程呢?呢件事好似唔簡單……你話係咪呀Cathy姐?」 Cathy姐:「你咁講又好似係喎,又真係有啲奇怪…」 我行前一歩,睇吓周遭嘅環境,再轉身! 「Cathy姐呢?佢明明啱啱仲喺度㗎喎!點解而家又輪到佢唔見咗!死火!睇來我都凶多吉少………食屎………我唔想死住呀大佬。」 突然「砰」一聲,眼前一黑,我倒係地上,跟住我隱約好似聽到Cathy姐的慘叫聲,之後就失去晒知覺。 
已有 0 人追稿