今年暑假，我去咗“機場”打工: 三十五

我攤喺床上。。。

究竟啱先發生嘅事，係咪真架。。。



風姐瞓喺我隔離，一隻手放在我胸口上。

「好正呀，遲啲仲黎唔黎多獲呀？」





我感覺到，有兩泡淚水喺我眼眶內滾動。。。



我沒答話。

風姐討個沒趣，拎起自己嘅衫，走去沐浴間。





臨入去之前，佢將我手機，同埋一條鎖匙擺喺枱面。



當我聽到花灑打開嘅一剎，我才清醒過來。





我用毛巾，沾了點水，抹抹下身。

再好似走難咁，著返好啲衫。

拎返手機，用鎖匙打開門走。




唔知係因為啱先嘅性愛太激烈，定係我已經失去咗靈魂。

我行步路都腳步踉蹌。。。


一路行，我一路反覆諗。



「冇事嘅，就當發咗場惡夢！唉。。。」

我落完樓梯，行返去前台。

表哥喺度玩緊手機。

睇黎客人仲係唔多。。。



見到我返黎之後，表哥緊張的問。

「喂，點呀點呀？傾咁耐嘅？」



「吓，冇。。。呀，好快傾完咗啦，我。。。去咗爆石咋嘛。」

「咁你同風姐傾咩黎呀？」

「冇。。。我咪求其咁hea應佢囉。」

「叻仔！咁樣就啱喇，咁佢有冇屌鳩你呀？」

「冇。。。我屌佢就有！」



仆街！！！一時口快快添！

我頓時好似wtsapp嗰隻掩口馬騮嘅emoji咁。





而表哥，就擺出一副不敢相信嘅表情。。。




「你咁夠薑呀？！愈黎愈叻仔喇！！！你屌得佢好甘呀？」



呼。。。表哥get到我用口屌風姐。。。

「哈哈。。。可以咁講嘅。。。我都屌到佢幾甘。哈哈。。。」



依個時候，穿住水手服嘅小嵐，走了過來。

我有啲羞愧得不敢直視佢。


「你地。。。傾緊咩呀？？？」

「冇呀。。。哈哈！啱先阿邦佢屌咗風姐呀！」

「喂！！！唔好講呀！。。。」

「吓？？？」



小嵐都係一副不敢相信嘅表情。

「阿邦。。。你鬧風姐黎呀？」

「吓。。。係呀。。。」



表哥一下攬住我肩。

「叻仔！等條臭閪咁撚囂張吖嗱！做得好呀！！！」



「哈哈。。。哈哈。。。」

我只有無盡的，尷尬的鳩笑。。。



小嵐：「係呢，你地好似。。。唔係好忙咁喎。。。」

語畢，小嵐稍低頭，搓著手指。



表哥把我推前。

「明喇明喇，隨便攞去啦！」



我同小嵐瞄一瞄對方。

然後小嵐羞澀的笑笑。


望住小嵐，我心諗。

唉，我已經係。。。一個玷污咗嘅男人。。。




小嵐拖住我手，再同表哥講。

「咁我地傾下計，阿邦一陣就返黎。」



表哥揚揚手。

「得啦得啦！去去去。。。唔駛咁早返架喇！」



小嵐笑笑的點頭，再拖住我離去。

小嵐拖住我走。

似乎，佢都留意到我，心不在焉。



「阿邦呀，咩事呀？係咪風姐搞到你唔開心呀？」

「吓。。。冇事呀。」

「係呀？。。。」

「嗯。」

對唔住呀小嵐，唔可以同你講。。。




我倆走到樓梯口。

由於小嵐條裙好短，佢行上樓梯時。

白滑幼嫩嘅大腿十分養眼。

我忍唔住偷望。



點知，望望下。。。

我突然醒起，風姐掀高條西裙嘅剎那。。。

即時成個人打咗個震，偷窺嘅欲望都隨即減退。

唉，睇黎風姐已經成為咗我嘅陰影。





我同小嵐，上到3樓，入咗一間偏內的房間。



我倆並肩坐在按摩床。

「係喇，小嵐，你搵我，咩事呀？」

「吓。。。冇呀，我想。。。上堂囉。」

「上堂？」

「嗯。」



小嵐羞澀的，做出一個套弄的動作。










今次。。。仆街喇。


「um。。。唔駛啦，小嵐你而家都好叻啦。。。」

「唔係呀，我覺得，仲有好多野可以學架。」

「吓，其實，冇乜野學架喇。」

「唔係喎，阿邦你講過，有成二百幾種手勢架喎，仲話想學晒要兩年嘅。」

「吓？！我有講過啲咁嘅野？」


小嵐點點頭，雙眼圓滾的望住我。

「嗯，係呀。」



我望望下面嘅細佬。。。

啱啱同風姐，激烈嘅苦戰，已經令巨龍元氣大傷，仲未回復到。。。

巨龍唔能夠挺起，又點樣教小嵐喎。



最重要嘅係。。。

起唔到機。

我怕小嵐會知道我啱啱用過黎，會懷疑我。


就算小嵐信得過我。

但我咁後生就唔可以起機，我怕佢會當咗我係虧佬。





點鳩算好呀。。。


「啊，小嵐呀，你有冇帶嗰碌青瓜呀？」

「你係話。。。第一次教我用嗰支Gel？」

「係呀係呀，你有冇帶呀？」

「吓，但你唔係話。。。用嗰支教唔好咩。。。」



小嵐露出壞壞的笑容。。。



如果我唔係風姐！我一定已經除咗褲喇！！！！！



「um。。。我諗諗下，好似用嗰支會好啲，我可以專心啲吖嘛。哈哈。。。」

我已經數唔清，依個係我對小嵐講過嘅，第幾個謊話。



「嗯。。。係咁呀？但係。。。我今日冇帶。。。」

小嵐扁起小嘴。



「咁呀。。。咁不如下次先啦。。。」

「阿邦呀。。。」



小嵐走近我，然後將手放到我的大腿內側。。。

臉又哄得我好近。




「阿邦呀，不如用你嘅吖。。。」


如果平時。。。

我一定已經扯到定海神針咁！！！

但係。。。依一刻，我竟然仲未起機。。。

啊呀！！！！




我耷低頭，拒絕咗小嵐嘅索吻。。。



「阿邦呀。。。你做咩事呀？你唔開心呀？？？」

「我。。。。。」



點好呢，點樣拒絕小嵐呢。。。




「我。。。今日唔想教你呀。。。」

「點解嘅？」

「因為。。。因為。。。我唔鐘意咁樣教你。。。」

「吓？」




依一刻，我突然諗到一個方法。。。


「我。。。唔想！我唔想再教我女朋友打飛機呀！！！」



空氣突然凝結了。。。

小嵐預料唔到我咁答，錯愕的望住我。



我。。。接著道。

「我係一個男人黎架。。。要我教自己嘅女朋友，點樣去服侍其他男人。其實。。。」

「其實。。。」

「其實。。。我個心。。。會好痛。」




我唔知，點解講講下，會變咗咁。。。

但係，其實依段說話，都係我心底話。




「對唔住呀，阿邦。。。」

小嵐的語氣，瀰漫著悲傷。

唉。。。搞到小嵐唔開心添。。。

我真係依個世界上，最on9嘅男人！




「啊。。。小嵐。。。我唔係咁嘅意思架。」

小嵐扁起嘴，眼眶閃起淚光。




「係我唔啱。。。我冇諗到。。。你感受。。。對唔住呀阿邦。」



說完，小嵐的淚水，瞬間的在兩邊滑落。

我個心，扭作一團的痛。

我將小嵐擁入懷內。

「對唔住！對唔住！對唔住呀！！！小嵐，我一定係痴咗線，先講埋啲咁嘅野，你唔好喊啦。。。」



小嵐在我耳邊啜泣，每一下啜泣聲，都令我個心痛一下。

「嗚嗚。。。對唔住呀。。。阿邦。。。對唔住。。。」



小嵐把臉龐堆到我的肩膀上，痛哭起來。

我感受到，眼淚濕透進我肩膀的衣服，亦濕透進了我個心。



我撫摸住小嵐嘅頭。

究竟要講咩氹返佢好？

我同自己講，我要一直都攬住依個傻妹，永遠唔要失去佢！！！



喊喊下，小嵐都摟住了我。

然後，哭得更厲害。。。




「小嵐呀，你之前咪畀個3個願望我嘅。。。」

「嗯。。。」

「第一個，我就要咗你陪我食宵夜啦。」

「嗯。。。」

「我諗到第2個願望要咩喇！」



小嵐啜泣兩下，應道。

「要。。。要咩呀？？？」



我摸摸小嵐頭。

「我要你！永遠都同我一齊！」



小嵐聽到後，稍稍停止了哭泣。

佢將臉龐，抽離開我肩。

再定神的望住我。



個傻妹，喊到眼又紅，臉又紅。

可愛得黎，又令人心痛。

「哼！唔制呀！！！」



聽到後，我溫柔的笑笑。

「冇得你唔制！你係我架喇！哈哈！」



我朝著她仲扁住嘅小嘴，親吻下去。

小嵐擦擦眼淚，別過頭。

「哼！」



我用手，從小嵐下巴向上，按住佢嘅臉頰。

櫻桃般的小嘴，隨即嘟起。

我再親吻她。



小嵐仍然唔配合，再用嘟起的嘴，不清不楚的道。

「嗚。。。嗚。。。唔錫呀！冇啦啦整喊人地！！！」



「哈哈。。。對唔住啦！Sorry！我錯喇！唔好嬲啦。。。」

我再嘟起貪婪的嘴。。。



小嵐用雙手捂住嘴巴。

「唔錫！唔錫呀！」



想反抗？？？

我用雙手，試圖拉開佢雙手。

點知，個傻妹好鬼大力，頑強的抵抗。




睇黎要出絕招喇！。。。


我偷偷地，用手吱佢條腰！

小嵐啊的一聲，並展露出笑容。。。



小嵐她淚眼汪汪嘅笑容，係只應天上有嘅美景。



我順勢將小嵐，按到床上。

再向佢發動強吻攻勢。

小嵐先是緊閉著嘴，不肯合作。



但我再吱佢兩下。

然後襯佢笑嘅時候，吻吮佢嘴唇。



這樣的對抗，持續了一會。。。

然後小嵐開始閉起眼，用手摟住我的頸項。

用舌頭回應我。。。




我同小嵐，維持住男上女下嘅姿勢，吻了很久。。。

我感覺到，本來被打敗了的巨龍，都拋開了束縛，重拾堅挺！


我同小嵐熱吻得咁上下。


我感覺到，我地兩個都愈來愈激動。。。

「嗯嗯嗯。。。阿邦呀。唔好啦。」


小嵐稍稍推開我，但我仲未冷卻到自己。

「吓。。。但係我。。。」


小嵐佢皺住眉咁，用雙手向我打咗個交叉。

「唔好啦，依度咁唔穩陣，陣間畀人見到咁點算呀。」

「咁。。。咁鍚多陣得唔得？」



小嵐露出暖烘烘的微笑。

「嘻嘻。。。好啦，鍚多一陣啦。」

小嵐伸出一隻食指，放在臉頰旁。



我慢慢將嘴唇靠近。


「我再沒勇氣向你。。。」電話鈴聲響起。

屌，邊撚個！？



我向小嵐尷尬一笑，然後拎出手機睇。

原來係死mk妹，紫繞！

諗返起，如果唔係佢亂咁黎。。。我就唔駛同風姐發生場咁嘅惡夢。。。



我帶住怒氣咁接聽電話。

「喂，點呀？！」

「喂。我驗咗支水喇，原來嗰支唔係迷姦水，係春藥呀！」

「哦，我知啦。」

「你點知架？」

「冇，估估下咋。」

「挑。咁而家點呀？」

「um。。。」



如果，而家再用依個方法逼走風姐。。。

而風姐條仆街一個惱羞成怒，爆晒我同佢嘅事出黎。。。

咁咪大撚獲？！！！！

咪喇，等我同風姐傾兩傾，探下佢口風先。



「um。。。不如等我同風姐傾下先。。。」

「喂喂喂！唔講住！我見到John哥，等我同佢講！！！」



仆街！！！！！！



「喂！咪呀你！喂喂？」

「。。。。。。」



未聽我講完，紫繞已經收咗線。


睇黎，連耶穌都阻止唔到，紫繞向John哥告御狀。。。

唉，唯有聽天由命。。。


「阿邦呀。。。咩事呀？做乜咁嘅樣？」

小嵐不解的望住我問。


「吓。。。冇呀。。。」

我彷彿抽空咗靈魂咁答。。。


「阿邦呀。」

「嗯？咩呀？」

「你。。。我覺得，你成日都好似。。。有野唔同我講咁嘅。。。」

「吓？」



我望向小嵐。

小嵐佢眼神有點落莫，不看著我。



唉，我都好想將我所有野同小嵐分享。

但依壇野，你叫我點樣開口。。。



「小嵐呀。。。我。。。」

小嵐望向我。



「我其實。。。」

我仲係唔知講咩好。

「我。。。。。」



「阿邦，我都係出返去做野先喇。」

「吓。。。哦。。。」

都好嘅，我始終開唔到口。。。



「拜拜。」

「拜拜。。。」


同小嵐揮手告別後。

我獨自留係房內，開始諗野。



我實在有好多事，冇向小嵐坦白。

多到連小嵐都察覺到我嘅隱瞞。

啲人成日話，情侶之間最緊要就係真誠。。。

唉，我真係一個差得離譜嘅男友。



仲有。。。

唔知紫繞佢，會點同John哥講。。。

又唔知John哥會點樣處理？

如果風姐佢，真係將我同佢嘅事，爆咗出黎嘅話。

唔知小嵐、Jessie會有咩反應呢。。。

唔知我可以做啲咩去補救呢。。。




唉。。。愈諗愈苦惱，而且唔會有答案。


坐咗陣，我落返去前台開工。



成程我都冇乜心機。。。

但係當表哥望向我嘅時候，我就以笑容相對。

我唔想連表哥都慰問我。



冇幾耐，我收到紫繞嘅電話。

我行埋一邊傾。




「喂。。。」

「喂！我同John哥講咗喇。」

「咁。。。John哥佢點講？」

「John哥話，遲啲會搵老細傾計。」

「係呀。。。」

「仲有呀，我跟住再追問佢，會唔會炒咗條臭閪？John哥話有機會。」

「哦。。。咁。。。」

「做咩呀？你好似唔多妥咁嘅？你唔開心咩？」

「唉。。。開心唔落。」

「做乜鳩啫你？咩事呀？」

「冇野喇，係咁啦。」



今次，我冇等紫繞佢答話，就收咗佢線。



當我轉面，諗住返埋位嘅時候。

我撞到Jessie。


「喂，咁啱嘅！」

Jessie拍一拍我膊頭，開朗的向我打招呼。。。


我堆起勉強的笑容。

「哈哈。。。Hello，咁啱嘅。。。」


Jessie佢，帶點疑惑咁望住我。

「阿邦，你唔開心呀？」



我愣一愣。

咁都睇得出？我明明笑住架喎。



我：「冇。。。冇呀。」

「阿邦，咩事呀？」



依一刻。。。

我其實，好想即刻攬住Jessie！

將我今晚發生嘅所有野，和盤托出。

將所有嘅負面情緒，通通釋放晒出黎。




但係，我唔能夠咁做。。。

有人話，男人之所以較女人短命，係因為男人壓抑更多的情緒。。。




「哈哈。。。我冇事喎。。。」

我繼續啞子吃黃蓮，有苦自己知。。。



而Jessie佢，個樣開始認真，雙手交疊於水手服的胸前。

「我睇得出你有事嘅！仲唔快啲同我講？！」




一再被Jessie睇穿的我，開始有點激動。

我感覺到，情緒快要決堤。。。

Jessie，求下你唔好逼我。。。




「我真係冇野，我去做野先喇。」

「阿邦。。。」




我冇理會Jessie。

轉過身，徑自行返去前台。

而Jessie佢冇跟過黎。


我返埋位，繼續工作。


過程中，表哥依然沒有察覺出我不妥，佢比較關心今晚應該買咩波。

枉我同佢由細玩到大。。。



相反地，Jessie佢。

次次都能夠將我一眼睇穿。。。


可能因為咁，所以我知道喺佢面前，我所有嘅偽裝都係徒勞。

我索性做返自己。

依種感覺，好難得喺女仔身上得到。



而面對小嵐時。。。

我會刻意咁，表現得堅強同硬朗。

咁樣，反而冇喺Jessie面前咁自在同舒服。




唉，有時我都會諗，其實Jessie係咪更加好嘅女朋友之選。。。。。


臨收工前，我wtsapp小嵐。

問佢，係咪送佢返屋企。


但小嵐話紫繞約咗佢去食宵夜，唔駛等佢。。。


我心入面，其實有少少興幸。

因為今晚實在發生咗太多事，我好想一個人靜下，早啲返屋企。


收工之後，我拒絕埋表哥宵夜嘅邀請。





我一個人，走在旺角街頭，慢慢咁行去巴士站。

我心情放空，乜都冇諗。。。

或者係話，我乜都唔想再諗。



「咔嚓。」

一下清脆嘅快門聲，將我抽回現實。


咩事咩事？我東張西望，做乜撚野？？



只見，旁邊的Jessie，放下單反相機。



「哈哈，影到晒啦！仲話冇唔開心！」

Jessie穿著一貫的白Tee，短牛仔褲，很清爽。



我嘆出一口氣。。。

「我。。。。。」

事到如今，或者同Jessie講出黎，會令我心釋懷少少，冇咁辛苦。



但係Jessie正翻閱相片，好似未留意到我想講野。



「吖，阿邦你。。。估唔到都幾上鏡喎。」

「係咩？畀我睇下吖。」



被影嘅人，要求睇返張相應該好合理吧。

我走過去，望向Jessie的相機。


螢幕顯示的，是一隻粉紅色，流著淚的豬公仔。

我沒好氣的望住Jessie，假笑幾聲。

「哈。。。哈！」



Jessie莞爾一笑。

「嘻嘻。。。好似你呀。。。」

「唔似囉！似你就真！」

「哈哈，我有咁得意咩？」


Jessie模仿隻豬，整咗個扁嘴嘅喊樣。

睇到我，忍唔住笑出黎。


「笑返喇！」

Jessie指一指我，淘氣咁笑。


「係呀係呀，叻喇你！」

「嘻嘻，係幾叻架。」

「車！」


我扮嬲咁，繼續向前行。

Jessie走到我身旁，與我並肩走。



「阿邦呀。你。。。一個人嘅？」

「哦，係呀，小嵐話陪紫繞，我咁今日又有啲攰，咪返屋企囉。」

「哦。。。係呀。唔。。。算啦咁。」

「算？咩事呀？」


只見Jessie佢頭耷耷咁，有口難言。


「做咩事呀？」

「冇呀。。。有啲野想搵你幫手。」

「哦？咩事？」

「唔。。。你應成咗我先吖！」


我隨即需手另頭。

「吓，我冇錢架，你搵安信兄弟啦。」

「安你個頭咩！我都唔係問你借錢！」

「係呀？咁你想我幫你做咩？」

「總之，好小嘅事啦！你應成咗我先啦！」

「但係。。。」

說好的，早啲返屋企喎。



Jessie一下撓住我隻手，扯住我行。

「唔準諗呀！我唔理！我氹返你笑，你一定要幫我架喇！」

「吓。。。咁好啦。」



Jessie扯住我，行返出彌敦道，往尖沙咀方向行。。。


喺行緊嘅途中。

Jessie一直拎住部相機周圍影。

在街店上的貓、推紙皮的阿婆，色彩班爛的高樓大廈，通通都被Jessie攝入相機中。


我拍拍，正忙著捕捉影像的Jessie的膊頭，問。

「Jessie，你平時放工，都係咁周街影架？」

「唔係架。。。今晚想影多啲啫，遲啲去到外國，就冇得影架喇。」

「哦。。。」



係喎，Jessie遲啲會出國。。。

我續問。

「咁。。。你諗住會幾時去呀？」


Jessie放下相機，睇睇相片。

「嗯。。。我估兩個月之後啦。」

「吓，係呀。。。咁以後仲有冇得見你架？」

「唔知架，可能我一下畀人發掘咗，長居外國架喇！哈哈。」

「。。。。。」


一想到，以後要同Jessie相隔異地，我亦難掩傷感之情。

Jessie瞧瞧我。

「嘻嘻，講笑啫，應該去4年左右啫。」

「4年呀？都好耐。。。」

「嗯。係架！4年之後，我可能已經老到，你唔想同我講野添！」

「唔會囉，你都傻嘅。」



Jessie開朗的微笑，用手撥一撥，被風吹亂的髮陰。



無論幾多年，幾多十年。。。

Jessie永遠係我心入面嘅女神。


此時，我瞧到不遠處。

有個紥住孖辮的小妹妹，正拖住爸爸過馬路。

小妹妹左搖右擺，很用心的走每一步。

畫面可愛得，令人心裡泛起暖意。


我向Jessie，指指個小妹妹。

「Jessie呀，不如影下個妹妹吖。」

「咦，好呀。。。好得意呀。。。」


Jessie將鏡頭向住小妹妹。


小妹妹自覺的展開，燦爛的笑容。

笑容甜得，令人心都溶化。


儘管我沒看到Jessie的鏡頭，但我知道，依張一定係好靚嘅相。



「畀我睇下吖。」

「嗯。」

果然，Jessie完美捕捉了，小妹妹最可愛的一剎。



「影得好好呀！」

我豎起一隻大拇指。


「嘻，咁。。。都係多得你提我，去影個妹妹啫。」

「係架，我個人，係好有美感同修養架。」

我自信的抬起頭，挺著胸。




Jessie展起溫暖的微笑，點點頭。

「咁。。。搵你幫手就啱喇！」

「嗯？」


Jessie把鏡頭蓋，蓋住咗相機鏡頭。

然後拉住我，走進油麻地內街。

這裡有著一幢幢的舊樓，燈光都不太充足。



「喂？入黎依度做咩呀？不如出返大街啦。」

「冇呀，依度有間影樓，我想上去。。。」

「吓？但係咁夜啦喎，間影樓仲未閂咩？」

「閂咗架喇。所以咪要你幫手囉。」

「吓。。。」


唔通。。。

Jessie，要我同佢去爆格？

吓？搵我去爆房，仲可以啫。

但係爆格，好似唔係咁好喎。。。



Jessie拉住我，黎到一幢舊樓的大門鐵閘前。

Jessie從鐵閘縫間，往裡看。

我都望入去。



果然！

「天下看更，一樣瞓！」

更亭嘅阿叔，正撓住雙手，睡得正香。



然後，Jessie輕輕力的，試圖推開鐵閘。

但係鐵閘關得緊緊，要用鎖匙先開到。



Jessie轉過身，向我輕聲說。

「阿邦。。。我用卡片開閘，你幫我睇住個看更叔叔有冇醒吖。」

「吓。。唔好啦。。。你日頭再黎影咪得囉。」

「唔得架， 日頭影收好貴架嘛，我諗住影幾張啫。」

「但係好危險咁，無謂啦。。。」

「嗯。。。唔危險架，有咩事即刻走囉。你幫下我啦。。。」




依個世界，總有一些人，要求你幫忙的話，你永遠無法拒絕。

對我而言，Jessie係其中一個。