今年暑假，我去咗“機場”打工: 四十六
在清新的早晨，最幸福不過的是，心愛的人就睡在旁邊。
小嵐側著身，面對著我睡得正香。
我用親吻喚醒她。
小嵐眼濛濛的張開眼，舉高手伸懶腰。
「嗯。。。你咁快睡醒喇？」
「嗯，係呀。」
「嘻嘻。。。你好唔好瞓呀？」
「嗯。。。好好瞓。」
「好瞓？咁錫我啦。。。」
語畢，小嵐笑住閉眼，嘟起嘴兒。
看得人心都甜了。
「傻妹！好瞓、同錫你，有咩邏輯關係？」
小嵐仍閉住眼嘟嘴，道。
「冇邏輯架。。。哈哈。。。咁你錫唔錫吖？」
「唔錫喎。」
我用食指同中指，作了一把交剪，夾住小嵐的嘴。
搞到小嵐嬲爆咁，拍我的手臂。
我掩住喊痛。
「哎呀。。。嘩。。。晨早流流就咁大力架？」
「哼！！！」
「好喇，怕咗你喇！錫喇錫喇。。。」
「邊個畀你錫喎！」
「你囉！」
「唔錫喇而家。哼！」
「黎啦。。。錫啦。。。」
「唔呀唔呀！！！」
小嵐想另轉身，我立即攬住佢。
然後，我倆又纏綿良久。
之後，我倆一齊沖涼，出街食野，行陣街。。。
小嵐每一次嘅笑容，都會打動入我心裡。
可以同小嵐，依種咁可愛嘅女仔拍拖，係我幾生修來嘅福氣。
返到公司，又係發仔企喺門面前台。
「喂。。。Hello。。。一齊返黎咁甜蜜蜜呀？」
「哈哈。。。係呀。。。」
小嵐不好意思的，撓到我手後。
此時，表哥亦碰巧走進來。
「喂。。。。。」
表哥一黎，就笑得衰衰格格咁，撓住我肩。
我已經知道表哥在想甚麼。
「點呀？笑得好衰呀你。」
「嘻嘻。。。係咩？？？我不嬲笑到咁，改唔到。。。」
「癡線。費事理你。。。」
我除下表哥的手。
望下笑得勁尷尬的小嵐。
之後我同表哥就入去更衣室，而小嵐都去換衫。
表哥一直咸咸濕濕咁望住我。
「喂。。。點啫，尋晚。。。吓？」
「咩點呀。。。唔知你講乜喎。。。」
雖則我唔講，但我卻忍唔住露出笑容。
「嗱。。。笑晒口咁，好開心喎。。。」
「你好八呀。。。做返啲正經野啦你。」
「喂，我喺度關心緊，我地家族偉大復興後代嘅事喎，咁都唔正經呀？」
「唉，你都癡癡地。。。」
此時，John哥走進來，向我們打招呼。
我心諗，多得John哥，終於唔駛再應付依個痴漢表哥。。。
「John哥。」我同表哥，向他點頭打招呼。
「喂。。。Hello。。。好彩你地喺度，唔駛周圍搵喇。邦仔呀，我有啲野想同你傾傾。」
「我？哦。。。好呀。」
我同John哥，走到上他的辦公室內。
閂埋門之後，我隨即問。
「John哥。咩事呀？」
「冇。。。想同你面對面，傾下風姐嘅事。」
「哦。。。」
「我老細，好驚會走漏風聲，搞大件事。」
「唔。。。放心啦，我冇同人講過。」
「小嵐同紫繞都係？」
「我叫過小嵐，唔好同人講，而紫繞咁有義氣，佢應承咗嘅話，都唔會同人講嘅。」
「嗯。。。咁又係。小嵐佢。。。冇事了呵？」
「佢好好，冇事。」
「咁就好喇。。。」
「係呢，John哥，咁你知唔知。。。點解風姐要咁做？」
紫繞講過，賣藥個Martin，講過佢冇要求風姐落藥。
咁究竟，風姐咁做係為乜。。。
只見John哥皺一皺眉，似有所思。
「John哥，你真係知道？」
「唉。。。同你講都OK嘅，但係都係嗰句啦，唔好再同其他人講。」
「哦。。。好！」
John哥稍稍壓低聲音。
「你記唔記得有次，你同風姐喺走廊嘈交，之後我黎調停嗰次。」
「記得。。。」
「我隔籬咪有個男人嘅。」
我腦海即刻記起，上次企喺John旁邊個肥男人。
「我記得呀。。。風姐仲對佢好恭敬，好似係阿Sir黎架嘛。」
「嗯。。。嗰個叫梁Sir，專門係負責睇住我地依種生意。。。」
「咁。。。關佢事？」
「嗯。。。其實上次梁Sir黎巡完之後，同我，仲有風姐傾咗陣計，梁sir提過話。。。小嵐幾可愛。。。」
「吓？！可愛？」
我腦海中，個肥佬個樣即刻變得賤格猥瑣。。。
John哥再道。
「梁Sir嘅意思，真係純粹讚小嵐得意，點知風姐就諗錯隔籬。」
「咁。。。你意思係。。。風姐落藥，係因為佢想將小嵐。。。」
我而家總算明白，風姐咁做嘅原因！
我嬲到，不其然握緊拳頭。
「梁Sir之後有講明，佢從來冇要求過風姐咁做，我都信佢。」
「即係一切都係風姐佢搞出黎。。。」
「唉。。。其實風姐佢，一直都好想上位，但係今次佢咁做，真係太過份，所以上層都決定炒佢。」
「嗯。。。」
我舒出一口氣，緩和一下我的怒火。
「嗯。。。John哥，多謝你話我知。」
John哥用厚實的手，搭住我肩。
「唔怕同你講，我有諗過同唔同你講好，但我覺得今次件事，你有權知道個來龍去脈。」
「嗯。。。多謝你。。。」
「唔駛。。。」
而家終算搞清楚件事。。。
同John哥傾完之後。
我上返去3樓開工，而John哥就去前台搵發仔。
返到埋位之後，表哥即刻問。
「點呀？John哥搵你做咩？」
「冇呀。。。吹下啲閒計啫。」
「吓。。。就係咁簡單？」
「係呀。。。」
「咁算啦。。。咁講返。。。你尋晚。。。」
「表哥。。。我駛唔駛打畀姨媽傾下？」
表哥露出黑人問號。
「吓？打畀我阿媽做乜？」
「我想問下姨媽，佢個仔係咪長期缺乏家人嘅關懷，而家搞到癡咗線呀。。。」
「哎呀。。。我都係關心你啫，話我癡線？ ！！」
表哥又想偷襲我蟠桃，我即刻擋住再反撃。
點知佢一下攬住我條頸，屈到我彎下腰。
我努力掙扎，但奈何正處於下風，唔係咁易呀葉師傅。
此時在我面前，有一對修長白滑的美腿走來。
「你地又玩咩呀？我又玩！！！」
沿住長腿，到藍摺裙、水手服的望上去。
嘩。。。依個視角望Jessie真係一流！
「哈哈。。。Hello，Jessie。。。」
畀表哥掀住的我，勉強露出笑容。
「喂Jessie，我地玩緊撳傻仔，邊個畀人撳就係傻仔。」
「你就傻呀，放開我啦。。。」
點知，Jessie將手上嘅開工用具，放喺前台枱面。
「我又要玩！」
Jessie走埋過黎，撳我個頭。
搞到我一直彎住身，頭耷耷咁。
我距離Jessie條裙好近。。。
近到，如果我而家伸條脷出黎，應該就可以舔到Jessie大脾。。。
Jessie同表哥，撳住我一輪。
我一直近距離咁，對住Jessie對白滑靚腳。。。
其實我真係唔介意，請繼續撳住我啦。。。
Jessie：「哎呀，唔好玩喇，我驚阿邦就快斷氣喇。」
表哥：「好啦，放過你啦。」
「um。。。唔緊要喎，我。。。仲頂得順。」
臨尾，我再用痴漢視覺，望多幾眼！
然後，佢地縮咗手。
我唯有起返身。
Jessie笑得很燦爛。
「哈哈。。。你冇野吖嘛。。。」
「冇。。。」
「你地做乜冇啦啦，喺度撳住對方呀？」
「哦。。。玩下啫。」
表哥：「哈哈。。。同你講吖。個衰仔尋晚上咗小嵐屋企瞓，我咪問佢有冇開枝散葉，點知。。。嗚嗚。。。」
我用手掩住表哥把口，然後尷尬咁望住Jessie。
只見Jessie若有所思咁點點頭。
「哦。。。係咁呀。。。」
表哥掙開我隻手，又喺度問。
「咁究竟有冇咩啫？」
Jessie亦望住我。。。
「係囉。。。有冇咩呀？」
「吓。。。我。。。尋晚。。。」
「喂！有冇人呀？等咁撚耐架？！！」
一把粗獷的男聲，打斷我們。
望過去。。。
在不遠的房間，係一個鬍鬚滿面嘅壯漢，從內探頭出來問。
Jessie即刻拎起開工工具，轉過身向壯漢。
「唔好意思。。。黎緊。」
壯漢見到Jessie，即刻心情好晒。
佢摸住下巴嘅鬍鬚，笑口淫淫咁道。
「哦。。。唔緊要，快啲黎啦，好心急呀。」
「係。。。」
Jessie回頭向我倆打個眼色，然後急急腳咁走過去。
走嘅時候，藍百摺裙左右搖曳。
Jessie去到房門口，個壯漢即刻搭住她肩。
個壯漢笑到成個董卓咁，粗蠻又淫穢。
門關上的一刻。。。
我個心好唔舒服。
Jessie入去之後。
我一直保持驚剔，連手機都冇乜點撳。
深怕Jessie會出咩事。。。
「我再沒勇氣。。。」
係小嵐打黎。
「喂。小嵐？」
「嗯。。。阿邦。」
「有咩事？」
「冇呀，打黎睇你下你做緊咩。」
「傻嘅咩，咪坐緊前台囉。」
「咁呀。。。咁我黎搵你得唔得呀？橫掂我都係休息室冇野做。」
「好呀。。。既然你咁掛住我。」
「哼！少少掛啦。」
「嘻嘻。。。咁你過黎啦。」
「嗯！」
收線之後。
小嵐好快就走過黎。
「阿邦。。。」
每次見小嵐著依套水手服，都會覺得佢可愛動人，又帶著性感。
表哥：「嘩，你地唔駛咁冤氣吓嘛。我駛唔駛迴避下？」
「迴你個頭咩。。。小嵐黎傾下計咋嘛，橫掂未有工開。」
「好啦，你地當我唔喺度得架喇。」
「不嬲當你冇到。」
「哎呀。。。咁寸？睇在你條女喺度，我畀面你！」
「超。」
我從前台下，拎出一張空圓椅。
「坐吖小嵐。」
「嗯。。。」
小嵐坐低之後，我同佢你眼望我眼，都唔知講咩好。
又低頭笑笑。
但咁樣，已經覺得好幸福。
小嵐開口講。
「係呢，阿邦呀。咁你今晚，返唔返屋企呀？」
「唔。。。依層。。。」
表哥望過來，道。
「尋晚姨仔打過黎搵你，我答咗佢，你喺朋友屋企瞓，叫佢唔駛擔心。」
「哦。。。咁講都OK。」
「咁你諗住今晚返唔返？我聽到姨仔把聲，好擔心你咁。」
「嗯。。。或者今晚返啦。」
「嗯。。。」
我再道。
「始終。。。佢地都係因為擔心我。。。」
「鈴鈴鈴鈴。。。」
一下有如火警鍾的鬧聲，從前台喇叭響出。。。
我：「咦？咩事呀？走火警呀？」
表哥：「唔係，走火警唔係咁聲。。。依個喇叭係。。。有女仔撳警鐘呀！！！」
「吓？邊個？」我緊張的問。
表哥望向電腦螢幕。
１２號房正閃著紅光。
１２號房。。。。。
咪Jessie入嗰間？
仆你個街！董卓！！！！！！
我即刻彈起身，繞過小嵐，再立馬向住房間衝去。
到門前，我第一時間想推門入去。
但係，道門唔知畀咩頂住咗，推唔開。
我彎低少少身，從玻璃窗望入去。。。
只見董卓正粗暴的，撕扯Jessie的衣服。
Jessie驚惶的掩住心口，哭得淒楚。
佢與我對上眼，大喊。
「阿邦。。。救命呀。。。嗚。。。」
仆你個街！！！！！
我用全身嘅力去撞門。
門縫有輕微的開合，但還是撞不開。
然後，我轉為用腳怒踢。
表哥亦跟我一齊踢。。。
但道門都係踢唔開！！！
Jessie的喊聲，從門縫傳來，愈發聲嘶。
「救我呀。。。阿邦。。。」
唔得喇！要快啲！！！！！
我望望周圍，睇下有咩工具幫手！
此時，小嵐為我，遞上一個滅火筒。
「阿邦，打爆塊玻璃啦！！！」
「嗯！」
我接過手，表哥退後。
我揸住滅火筒，用盡全身嘅力氣。
對住道玻璃門，一下子揮落去！！！！！
「啪啦。。。。。」
玻璃門，整塊應聲碎裂。
原來個仆街董卓，用個門攝，攝住咗道門！
Jessie正掩住身體，曲坐在地。
喊到力竭聲嘶。
「嗚。。。嗚。。。」
而董卓，就愕然咁望我。
佢張開佢腥臭的嘴。
「駛唔駛咁誇呀？玩下啫。。。」
我憤怒咁望住佢。
「玩？玩你老母呀！！！」
「你講乜撚野呀！屌你老母！」
「我地實報警呀，你仆街啦！」
「報警？含撚啦！雞黎架咋！」
「你老母就雞呀！」
「你老母臭閪吖。。。」
董卓怒火衝衝咁走過來。
我緊握住手中嘅滅火筒。。。
董卓：「你老母臭化。。。」
董卓準備好開打姿態，走到我面前。
我向佢揮滅火筒。
但佢一下閃後，再突擊過來。
董卓伸手過來，想掐我條頸。
我向右閃開，再用滅火筒揮向佢。
滅火筒擊中佢手背。
「屌你老母吖！打撚死你個仆街！」
董卓暴走咁走來。
我又再揮滅火筒，但佢用手臀擋住。
再一下衝撲過黎。
我受唔住衝擊，畀佢撲喺地上。
表哥即刻趕過黎。
董卓快要向我揮拳時，表哥及時捉住佢拳頭。
「屌你老母吖！」
董卓用兩手，一下拉跌表哥，再向表哥臉上打。
我即刻踢向董卓塊臉。
董卓中我兩腿之後，掩面退後。
我亦立即拉表哥起身。
「喂喂喂。。。唔好打！！！」
John哥走來大喝。
他走到我們中間。
「唔好再打喇！」
董卓見到壯碩的John哥，亦不敢再輕舉妄動。
「喂！你係經理呀嘛。依兩條仆街仔打鳩我呀，你地點撚樣做生意架！」
John哥瞧瞧，仍在地上哭著的Jessie。
然後，John哥冇講野，只係死盯住董卓。
董卓這下有點慌。
「睥。。。睥乜鳩呀？吓？而家即係點計呀？」
John哥保持住眼神。
「我會同你計！」
然後，佢向我同表哥道。
「你地同埋Jessie出去先。」
「嗯。。 。」
小嵐首先走過去，扶起Jessie。
然後與Jessie走過來。
我：「John哥。。。咁。。。」
「得啦。你地走先啦。」
如今我地繼續留低，只會令件事唔知點收科，只好先走。
個董卓對住我地再鬧。
「仆街仔！我認撚住你呀！。。。」
「你仲未講夠呀？」
John哥冷冷的拋下這句。
氣勢足以令董卓收聲。
我地一行人走出門口，扶住Jessie走向休息室。
Jessie件水手服，已經被撕得東歪西破。
一邊Bra帶，都被扯斷了。
她仍一直攬住自己。
雖然情緒稍為平靜，但眼淚仍止不住的流。
Jessie。。。。。。
去到休息室門口。
小嵐：「得喇，我會睇住Jessie。你地唔好入黎喇。」
「嗯。。。」
臨入去前，我對Jessie講。
「Jessie冇事喇。唔駛驚。」
Jessie側臉望我，點點頭。
「嗯。。。」
然後小嵐陪住Jessie，走進休息室。
目送小嵐同Jessie入去之後。
我終於有時間，顧料下自己。。。
在剛才的混亂時，我右臂被玻璃劃傷了一條傷痕。
雖然傷口唔太深，但正在流血。
表哥：「喂，你ok吓嘛。」
「嗯。。。」
「行啦，返前台啦，嗰度有醫療箱，拿拿聲止血先。」
「好。」
去到前台，表哥為我消毒傷口。
「喂喂喂。。。好痛。」
「忍下啦，鬼叫你啱先咁勇咩。」
「啊。。。」
我望望表哥，佢臉上食咗董卓幾拳，都瘀青了一片。
表哥察覺到我的注視，道。
「妖，望夠未呀？你基架？」
「你塊面點呀？」
「冇野啦，少少痛。男人大丈夫，受得住喎！」
「但都真係幾瘀下喎。。。」
「挑！有幾瘀啫？」
表哥望望牆邊的鏡。
「屌！！！我個靚仔樣呀！今鋪會唔會毀容架？」
「唔緊要啦，毀唔毀容分別都唔大啦。」
「頂你個肺呀。」
然後，表哥成個女人咁，在鏡子前檢視傷勢。
而我就繼續包紥。
此時，John哥同董卓從房中出來。
睇黎John哥已經同董卓傾掂數。
佢地突登行去另一邊，免得與我地碰頭。
但董卓臨離去前，向我拋下一個兇惡嘅眼神。
我亦不甘示弱，回敬一個眼神給他。
表哥終於照完鏡返過來，道。
「喂，你啱先，好撚勇喎。」
「吓。。。係咩？」
「你打爆玻璃嗰下，我直情嚇親。」
「咁要咁做架啦，萬一Jessie出咩事咁點算。」
「咁又係。。。你。。。好緊張佢咁喎。」
「朋友黎架嘛！！！梗係緊張！」
「嗯。。。朋友朋友。。。你隻衰仔！」
「咩呀？！」
「冇野喇！」
之後，John哥行過黎，道。
「嘩。。。你地都好傷喎。」
啱先仲驚毀容嘅表哥，拍拍心口道。
「冇事喎，得架我地！」
我：「John哥，個個男人佢冇搵你麻煩吖嘛。。。」
「佢唔啱再先，佢都唔敢做咩啦。咦？Jessie佢點？」
「佢喺休息室。。。應該冇咩事。」
「嗯。。。咁國仔呀。陣間你搵啲野，封住道門，我搵人聽日整。」
表哥：「OK。」
我抱歉的道。
「唔好意思呀John哥，我整爛道門。。。」
John哥笑道。
「傻嘅咩！你唔咁做，Jessie有咩事點算！你做得好啱！仲好Man添！」
John哥嘅讚賞，搞到我都唔好意思。
「係咩？哈哈。。。」
John哥摸摸下巴，道。
「Jessie佢咁樣。。。陣間你地幫我同佢講，叫佢收工先，放屋企抖抖啦。」
「好！冇問題。」
我同表哥，喺雜物房入面，拎咗卷紅色膠紙出黎。
圍住道爛咗嘅玻璃門。
然後繼續工作。
客人未算多。
我一直拎住手機。
睇下小嵐或者Jessie有冇消息。
終於，等到小嵐走來。
我緊張問。
「咦？小嵐，Jessie佢點？」
「佢換好衫，啱啱落咗樓，佢啱先打過畀John哥，John哥叫佢走先。」
「係？咁快就走咗？」
「嗯。。。」
我個心，始終唔太放心，我向表哥道。
「表哥呀，我想送送Jessie，我驚個男人仲未走，畀佢見到Jessie唔知會點。」
「咦。你講得啱。我駛唔駛一齊去？」
「唔駛啦，我送Jessie搭的士，你幫我同John哥講聲吖。」
「OK。」
臨行前，小嵐捉捉我手。
「阿邦。。。你小心啲。」
我摸摸小嵐個頭。
「放心啦。冇事。」
「嗯。。。」
我急急腳咁，走落樓梯。
去到門口，問發仔見唔見小嵐。
發仔話Jessie走咗唔夠兩分鐘。
我即刻出門口。
望望兩邊方向。
唔知點解，我心裡凝住，Jessie今晚會想行尖東海旁。
我半信半疑的走向尖沙咀方向。
但好快，我就知道我感覺是對的。
Jessie高佻的身影，就在我前面不遠處。
「Jessie。」
Jessie她聽到我呼喚，停下了腳步。
我急步走前。
「呼呼。。。Jessie，我送你搭車吖。」
「嗯。。。」
我定眼望，Jessie佢眼眶通紅，臉頰還有淚痕。
「Jessie呀。。。唔好唔開心啦，冇事架喇。」
Jessie佢一下子，緊緊的攬住咗我。
「阿邦。。。我。。。真係。。。好驚呀。。。」
然後，Jessie放聲大哭出來。
我企定定的，畀Jessie攬住喊，喊咗好一陣子。
暖和的淚水，都沾濕了我的頸背。
「Jessie。。。」