《純愛》平安夜的天使 (完): 第二章

第二章

「喂！阿遊！起身呀！起身返工啦！」

「比我瞓多陣啦！」

「唔得呀！只有我先可以瞓懶覺呀！你起身啦！」

「唉！怕咗妳呀！起咪起囉⋯」



我一擘大眼，Kelsey已經唔喺我身邊。
我輕嘆一口氣：「原來發夢⋯」

我再望一望周圍，嘗試諗返起琴晚發生嘅事⋯

我：「唔會嘅，邊有可能呀！」

正當我想起企起身嘅時候，我feel到自己左邊膊頭好似俾一個硬物壓住，於是就向左一望⋯

我：「咩料呀—」



原來唔係假嘅，Lavina個頭真係靠咗係我膊頭到⋯我聽到佢細細聲講咗句：「唔好走呀⋯」我都唔忍心叫醒佢，只好再等多一陣。喺等嘅同時，我收到電話message：「死仔遊！你今日返唔返㗎？老細！」睇黎金翅大鑊鳥⋯現加已經十一點幾，個人攰到一個點，完全開唔到工⋯我都返到去先覆返佢算⋯

「乞嗤！」睇黎係凍醒咗——難怪呀，成15度就只著件毛衣加短裙。

我：「你醒啦？」

Lavina擘大眼一見到我就突然面部通紅⋯




Lavina：「對、對、對唔住呀⋯」佢一講完就一支箭衝咗落去地鐵站，叫都叫唔切⋯

我：「唉⋯𡁻完鬆」

當我想企起身嗰陣，一張令人好懷念嘅學生證映入眼簾：
「周曉桐
24/12/1998
Hong Kong University student ID Card Number: XXXXXXXXXX」

我：「原來係師妹⋯而家啲大學生咁猖狂㗎？」唉⋯睇黎我老喇⋯

我攞起張卡，放咗入袋，然後戴起耳機，㩒入手機嘅音樂歌單。歌單隨機播起周杰倫的《夜曲》，我聽到一段歌詞：「日漸冰冷的回憶 走過的 走過的 生靈 啊 四周瀰漫霧氣 我在空曠的墓地 老去後還愛妳」

===========================================



我諗起當時Kelsey同我一齊聽呢一段歌詞嘅時候⋯⋯

Kelsey問我：「將來如果我某日突然死咗，你會唔會好似歌詞咁愛我一生直到老死呀？」

當時我無意識到佢講呢句嘢嘅重要性，所以我半講笑咁答佢：「我會彈住蕭邦的夜曲，等妳返黎我嘅身邊。」

佢聽到之後雙眼通紅，輕撫著我塊面：「如果係真嘅話，我唔想你等我⋯我想你開心⋯所以，just forget about me⋯」

我見佢就黎喊，就馬上黎個公主抱
，大叫：「公主喊呀！人黎！護駕！！」

我一邊抱一邊奸笑：「哈哈哈⋯⋯」

佢一邊扮嬲一邊遮住塊面：「你⋯你想點呀？我嗌㗎！」



我：「哈！你嗌啦！嗌破喉嚨都無人理你㗎！」

佢大叫：「放低我呀衰人！」

之後，我係一片吵鬧中抱咗佢入房⋯⋯
==========================================
「下一站，九龍；下一站，九龍；next station, Kowloon」
呢把耳熟能詳嘅聲音將我拉返黎現實，地鐵局促潮熱嘅空氣撲面而來，我感覺眼下面印咗兩道淚痕⋯⋯

「對唔住，因為我仲掛住妳。」



「生與死的界線橫越在兩顆心中間，就如當天她的靈魂與她淌血的軀體分離，再也不可能再次相擁。」