《純愛》平安夜的天使 (完): 前傳一

前傳一

「請問邊位係梁敏晴嘅親屬？」

希望，是一隻妖怪⋯

「我係！」

失望，是它的雙胞胎⋯



「對唔住，我哋⋯ 盡曬力啦⋯」

「點解，點解係佢呀？」

「先生？」

「點解要咁對我呀？」我抓住醫生既衫令

「先生，請你節哀順變⋯」醫生無情嘅問答，如冷箭般射中我嘅心臟，我成身人跪咗係到⋯



「呀呀呀！！！！！！！」突然失去咗一生嘅最愛，使我整個人崩潰⋯

我個名叫何永遊，我係一個⋯⋯
啱啱失去最愛嘅人

12個鐘頭前

Kelsey:「喂，老公～你覺得呢件婚紗點呀？」
我同Kelsey去咗間婚紗鋪睇婚紗for準備影婚紗相



我：「嘩！」佢著住純白色嘅婚紗，除低咗佢平時嘅黑框眼鏡，帶咗con,化咗少少妝，就如天使般嘅降臨⋯

Kelsey扮嬲咁話:「嘩咩啫？你未見過靚女呀030」佢嘟嘴個樣好可愛⋯

我口不對心咁答：「靚女就無啦，豬頭就有個。」其實妳真係好靚，但我已經無機會再話比妳知⋯


Kelsey一邊小粉拳打我背脊，一邊話：「你個衰人，哼！唔嫁你唔嫁你唔嫁你唔嫁你唔嫁你⋯⋯」


我：「okok... 咁我走囉～」我慢慢咁走出個門口

Kelsey：「唔⋯⋯😢 衰人蝦我😢」佢嘅必殺技，我次次就係輸喺呢技手上

我：「好好好⋯⋯ 靚女乖，黎乖⋯」我錫咗佢額頭一下



Kelsey:「算你啦～衰人～」

我哋雖然只一齊咗兩年，但我哋都好愛對方，我哋有鬧過交；與其話鬧交，其實都係一啲意見同睇法上嘅交流，我哋唔會因為一向唔會為啲芝麻綠豆嘅事去噪。因為我哋都得知道：你借呢啲所謂嘅理由去噪只係用黎掩飾你已經變咗心嘅藉口，同埋我哋有類似嘅背景，佢嘅父母同我嘅一樣都係好常出國工作，所以我哋一拍即合⋯⋯ 我哋都想被人疼愛，同時亦都想為伴侶亦不惜一切⋯⋯ 我哋有相同嘅愛好，但亦有唔同嘅性格，佢好陽光，而我係較為悲觀；佢對前景好樂觀，亦我就覺得點都要留有一手準備。佢教識我要睇事樂觀啲，而佢就抄我留plan B比自己，直到今日都係⋯⋯

「其實愛係有條件，就係要對伴侶無條件嘅付出⋯」