《純愛》平安夜的天使 (完): 第四十一章(曉桐章一)

第四十一章 (曉桐章一)

「快啲出黎啦！啲嘢食凍哂啦！」

「嗯～」

我叫做周曉桐，有人叫我Lavina,曾經亦有人叫我⋯Angel，不過呢個名喺我離開咗香港之後就無人再咁叫我啦⋯

=================================



十二年前

「You name’s is way too popular, do you want to have another name or just keep it? Our system could potentially mix up your personal info with other students.」意思係「我個名太普遍，改個名以免資料出錯」⋯

「But I don't have any name...」

「It’s alright, tell me tomorrow then.」

「ok...」



返到屋企之後，我打電話俾喺當地嘅媽媽⋯

我：「阿媽，紐西蘭學校嗰邊話要我改英文名⋯」

媽：「咁咪改囉！做咩呀？唔講啦！我又要去心理醫生嗰邊呀⋯妳都好快啲過黎啦，醫生話家庭因素有助妳阿爸舒緩壓力㗎！係咁啦！」佢一講完就cut咗線⋯

我：「88⋯」我哋一家三口原本就好似一般香港家庭咁- 有車、有樓、有事業⋯ 媽咪打理屋企，而阿爸就負責公司嗰邊，一切都好完美⋯但直到我小學二年級開始，阿爸因被合伙人出賣，公司破咗產⋯ 阿爸用咗大量嘅錢去填返條數，但亦因為壓力過大嘅緣故，佢患咗躁鬱症，完全失哂控冇哂自我⋯亦使我哋一家人出現咗巨大嘅變化⋯

「爸爸⋯」



「妳走開阿女，我唔知⋯我唔知自己下一秒會⋯」「啪！」話口未完，佢就一掌打咗落黎，本身係想打落我到塊面到，但卻俾媽咪擋咗⋯

「阿女，妳出去先啦⋯」面上雖然擁住那熟悉嘅笑容，但喺身上各處嘅傷痕同地上嘅血跡，令我難以置信佢哋會變成咁⋯


有日我終於忍唔住，喊咗出黎⋯我好驚我屋企人會出咩事，我好驚⋯ 嗰啲一無所知嘅人仲喺我面前哈哈大笑，令我心中難受到極點⋯

「笑笑笑⋯有咩好笑呀⋯」

「根本無人可以明白我⋯」



「妳冇嘢吖嘛？洗唔洗帶妳去見miss呀？」






「家庭環境係人生最重要嘅一環，佢會指導你之後該行嘅係一條冤枉路，定係一條康莊大道」