第四十六章(曉桐章四)

「真⋯真係要講呀⋯」

「講你就講啦!都過咗咁耐咯!」

阿遊佢依然猶豫緊講唔講好,我諗我當年對佢嘅影響太大⋯

遊:「我以前有鐘意過個女仔⋯喺我無同佢講我對佢嘅感受,佢就粒聲唔出去咗外國⋯我好後悔⋯」



我:「哦⋯sorry呀!提起你啲傷心事⋯」

遊:「算啦!都過咗咁耐咯!同埋佢都唔喺度,驚咩啫~哈哈⋯」你唔好呃我啦阿遊⋯你嘅眼神同動作都話咗俾我知你係介意緊喇!點解⋯ 對唔住⋯

遊:「做咩呀?」腦中浮現出同阿遊以前一齊嘅回憶,雖少但珍貴⋯ 喺嗰一刻,我感覺到眼裹灸熱嘅眼淚開始湧出,就黎忍唔住⋯ 我不斷嘗試抹去,但越流越多⋯而我嘅喉嚨亦開始無意識咁發出哭聲⋯無盡嘅心痛,令我難以呼吸⋯

我:「冇⋯冇嘢呀⋯唔好意思呀⋯我入一入洗手間先⋯」我馬上衝入廁所,我唔想俾佢見到咁樣嘅我,我唔想佢擔心我⋯但係個心就好似俾千萬嘅箭雨不斷狠狠咁刺穿我嘅心臟,好痛、有無人...有無人可以救我呀⋯

遊:「妳無嘢吖嘛?」阿遊!?



我:「無⋯無嘢呀!」你唔好問啦!你⋯你走啦⋯ 你唔好對我咁好啦⋯我好心痛呀⋯

遊:「咁呀⋯坐一坐先~」度門好似俾人輕輕咁撞咗一嘢,佢應該係門後面坐底咗⋯

我:「我無嘢呀!你繼續同佢哋玩啦!」

遊:「咁見到一個女仔喺到喊吖嘛,如果我走嘅話咪好缺德?」我都差啲唔記得你係呢種性格⋯ 果然仲係我鐘意嘅阿遊⋯

我:「果然無變⋯」



遊:「咩話?咩無變話?」

我:「無嘢呀!我肚餓呀!」多謝你阿遊⋯Sorry仲要瞞住你多陣,我想由你自己黎親自解開我嘅心結,我亦都會一直幫你、呵護你、等候你⋯

遊:「淨係識得掛住食⋯ 今晚打邊爐呀,快啲出黎Set場!」

我:「哦~」

遊:「啊~一講到食就即刻衝出黎,係咪因為肚餓呀~😏」

我:「係呀係呀!唔得呀030」

遊:「知妳為食喇~有咩想食同阿倫佢哋講呀!」

我:「Yes sir😊」


••••••••••••••••••••••••••••••••••••••••••••••••




「一句說話就可以令你輕易勾起回好多收藏已久嘅回憶,但要視乎你收起咗幾多⋯」