《純愛》平安夜的天使 (完): 第五十五章

第五十五章

「好暖呀～」

「妳傷咗仲飲酒⋯」

俾曉桐鎖住咗條腰半個鐘都保持住同一個姿勢⋯ 我想郁都郁唔到⋯

Lavina:「阿遊呀⋯你係咪仲好愛Angel呀？」吓？佢醉到傻咗呀？關⋯關Angel咩事？



我：「做⋯做咩無啦啦提起佢嘅？」

Lavina:「咁你上次都無啦啦提起佢啦！」洗唔洗咁激動呀⋯
「同埋你上次提起佢嘅時候，聲線內充滿住無盡嘅悔意⋯ 所以咪想問下你咁囉～」

我：「咁妳想知點咩呀⋯」

Lavina:「咪問咗囉！你現加仲鐘唔鐘意佢呀？」吓⋯妳想我點答呀⋯ 當年我求完婚就諗住可以邀啲小學同學黎飲，當然包括Angel啦⋯但點搵都搵唔到佢，同埋佢以前啲fd都話已經好耐無同佢聯絡⋯ 所以我始終都係放唔低嗰份遺憾⋯

我：「現加嘅我對Angel與其話鐘意，倒不如話對佢嘅係一份遺憾⋯」


「如果我再有機會見到佢嘅話，我諗會同講聲『對唔住』⋯」

Lavina:「對唔住⋯對唔住⋯對唔住！」講完佢就開始喊⋯

我：「做⋯做咩呀？」

Lavina:「對唔住對唔住對唔住⋯」佢已經喊到失哂控，同埋佢又飲醉咗，而我仲俾佢騎緊，我咩都做唔到⋯

再個咗一陣之後，佢已經無攬住我，喊聲都已經停咗，廳內再度一片寧靜⋯



Lavina:「ZZZ...」睇黎佢已經瞓著咗，咁我都終於可以甩難啦⋯

我：「呢個衰婆真係呢⋯」佢雙腳已經完全傷哂，左、右小腿都已經腫哂咁，點解仲⋯仲要飲酒，佢面上嘅淚珠喺燈光嘅照曬下顯得晶瑩剔透⋯
「唉⋯幫妳包返個沙布就走喇～」講就咁講，但我都唔敢走，好驚佢又會做啲咩傻事⋯

幫佢包紮好個傷口之後，我就抱佢入房，將佢安放喺張床上面，熄埋燈⋯

我：「goodnight喇衰婆⋯」
就係熄燈個瞬間，月光照亮咗一樣我一生難忘嘅嘢：我小學時女同學所著嘅校服⋯
「點解曉桐會有我當年讀嗰間小學嘅校服嘅⋯」
「佢之前話返黎搵小學同學，唔通係我？」
「就算係都好，咁佢係邊個呀⋯」
正當我打算揭一揭開佢後衫領睇個名牌嘅時候⋯

Lavina:「嗯～」佢咁樣一叫，嚇到我馬上縮手，果然亂揭人哋啲嘢都係唔啱嘅⋯



我馬上落樓行返屋企，返到去邊沖涼邊諗緊件校服嘅問題⋯ 佢到底係邊個？過咗半年有多終於叫做有啲線索，但⋯我目前只知道嘅係：
1.佢搵嘅係我(有可能)
2.同我同一間小學
3.佢都可能識Angel(如果唔係佢嗰兩次點解會咁大反應？)

但得咁少線索，我好難判斷出佢係邊個㗎喎⋯



「真心相愛嘅愛情，係無論幾長都會覺得好短，一分離就會依依不捨」