《純愛》平安夜的天使 (完): 第七十二章

第七十二章

「hm~hmm~hmm~」

「洗唔洗咁興奮呀⋯」

喺返小學前嘅一日，我千辛萬苦，終於同Priscilla一日假，但代價係⋯

我：「喂，今日得我哋兩個返工㗎咋。打醒十二分精神呀。」就係俾佢哋兩個放一日假⋯都合理嘅，話哂一直以黎都係我或曉桐出事，佢哋一直都頂咗我哋好耐，俾佢哋放假都好嘅⋯同埋曉桐都喺到大半年，都熟哂啲嘢點搞⋯同埋我又喺到，應該唔會出事嘅⋯



Lavina：「Yes sir!」佢向我做咗個敬禮嘅姿勢，一個成著白色恤衫、黑色西褲同一米六嘅小兵，顯得有啲格外嘅可愛

我：「做嘢喇！敬禮～」

我哋平時都係十點幾先開門，理應無咩人先係。但唔好彩嘅係今日係星期六，人流比平時一至四多至少一半到，但同時人手亦少咗一半，真係忙到出事⋯

「三號枱要杯Mocha」
「四號號枱追加份cheese cake」
「一號抬要杯Latte同cappuccino」



曉桐一邊落單一邊招呼啲客仔，而我就喺到收咖啡，攞蛋糕同收錢⋯ 可能係因為今日得曉桐返工嘅關係，難免有好多毒男入黎坐低飲咖啡，就係為咗偷望呢位女神。而曉桐都禮貌上對佢哋點頭微笑就算，而唔似平時對我嗰真心咁笑，可能佢哋太毒喇，我唔知⋯

一路忙，忙到三點幾四點，人流開始少啲，而當我以為終於可以吞一吞pop。正當曉桐出咗去買嘢嘅時候，而係我就仆低喺櫃檯到想補一補眠嘅時候⋯

「叮叮～」

我：「Hi...Hi!」用大聲同好堅定嘅聲線去扮無瞓著咁樣，但⋯

鄧sir：「喂，遊仔！啱啱瞓醒呀？」對住佢，睇黎都係扮唔到⋯
「係咪琴晚有心事所以無好好咁瞓呀？」



我：「係呀⋯哈哈😅」呢幾日我都係瞓瞓下就無緣無故起咗身，搞到成個人好攰⋯
「話說咁錯當過黎坐嘅？」

鄧sir：「哦，啱啱陪緊我老婆同我個女喺尖沙咀行街買嘢，而我見咁唔啱你哋喺附近，所以咪過黎坐囉～咦？斯倫同蔚雯呢？」

我：「佢哋今日放假⋯」

鄧sir：「啊⋯仲諗住親自黎恭喜佢哋添⋯」

我：「今次唔得咪下次囉。係你唔好彩啫～」

鄧sir：「ok嘅。不過今次除左黎恭喜佢哋，同時都係黎探一探你～」

我：「咁算你揀啱時間，撞正我現加得閒⋯」



鄧sir：「咁我黎杯Americano⋯」

我：「唔洗奶？」

鄧sir：「無錯。」


「身體嘅疲累遠遠不及心靈嘅疲倦。身體可以休息，但心靈無機會喘息。」