《純愛》平安夜的天使 (完): 第七十八章

第七十八章

「起身呀⋯」

「做咩呀⋯」

「起身呀！」

「嗯⋯」琴晚諗諗下就喺廳到瞓咗嘅我慢慢咁擘大雙眼，見到著好哂衫嘅曉桐雙手叉腰，嘟住嘴咁望住我⋯



我：「嗯⋯現加幾點呀？」

Lavina：「現加9點半呀！030仲唔起身！就遲到啦！」

我：「妳估返學咩⋯」

Lavina：「今日又真係返喎～呵呵～」

我：「唉⋯」我慢慢行入廁所刷牙洗面
「喂，妳啱啱返過屋企換衫黎呀？但妳點入返黎㗎？」



Lavina：「咁唔通等到你起身先返咩？同埋，我見你將把鎖匙放咗喺枱到，所以咪諗住返去換定衫同去買早餐囉～」

我：「吓！妳買咗早餐呀！早知唔刷牙啦⋯」

Lavina：「唔得呀！好邋遢呀你！」

我：「好好好⋯」刷完牙嘅我，行返出廳已經見到枱發好咗一盒盒嘅發泡膠盒，油炸鬼，皮蛋瘦肉粥⋯我呢幾年都好晏先起身，就算起咗下一秒就瞓返⋯所以係有心無力，想買都買唔到⋯

Lavina：「做咩呀？唔啱食呀？」



我：「唔係⋯我同Kelsey啱啱搬過黎嘅時候佢都有買過粥俾我食，佢仲未吹凍佢就一嘢擺入口，佢個口熱到差啲噴粥⋯😌」

Lavina：「咁你小心啲食啦～」

我：「好呀！」我吞咗一啖粥，但好攻鼻⋯
「嘩！妳落咗啲咩呀？」我係食到有皮蛋，但係點解個味咁怪嘅⋯

Lavina：「我可能落咗少少胡椒粉落去～唔知呢～」我見到佢隔放住我前幾日買嘅胡椒粉，同前幾日唔同嘅係，入面已經無咗一半⋯

我：「晨早流流洗唔洗玩黎啲呀⋯」

Lavina：「罰你咁遲起身呀！下次早起咪無囉～」

我：「好⋯好呀⋯」



點解⋯點解妳會甘心為咗我呢個俾唔到任何承諾嘅人無條件咁付出⋯ 如果有一日，我真係完全走得岀過去嘅陰影，我一定會有一生嘅愛報答返妳⋯


「人嘅回憶有好多種，既能成為支撐你嘅支柱，亦能成為攻陷你嘅利刃」