《純愛》平安夜的天使 (完): 第八十二章

第八十二章

「啊⋯啊⋯」

應該唔會錯㗎⋯我憑直覺一路跑去2B班房—我哋初見嘅地方。我一邊聽住自己急促嘅心跳聲，一邊喺心入面祈禱：「我黎搵妳喇，等我！」終於跑到我哋第一次正式見面嘅地方，我跑到窗口位嘅時候，佢真係喺入面。而佢亦都坐喺之前Angel坐嘅嗰個位。我諗，我知道佢係邊個喇⋯

「呯！」我將我所有嘅希望擺哂喺扭開門柄呢一刻。門開咗之後，我一抬起頭，就見到曉桐坐咗喺Angel以前坐嘅位上面...

我好記得，因為雖然最尾嗰一排全部都係窗口位，佢坐嘅係嗰排嘅第三個，永遠都離午後嘅陽光最近。呢一刻，和煦而溫柔嘅陽光穿過迎風搖曳嘅老樹，零零碎碎咁曬落喺佢光滑嘅面上，佢整齊紮起嘅長髮喺太陽下現岀淡淡嘅淺啡色，顯得正喺到專心聽書嘅佢更加岀眾可愛，就同現加⋯一模一樣。



我諗我知妳係邊個啦。

但係，佢好似完全無反應咁，望都無望過黎。妳係咪怪緊我咁蠢⋯唔單止一直都認唔岀妳，仲要妳俾哂提示都咁遲鈍⋯真係蠢到無人有！我慢慢行過去，停咗喺佢側邊，呢一刻，成個世界好似得返我同佢咁。以前嘅回憶如電影情節咁一幕幕咁喺腦海裡面浮現，我望住喺陽光之下，越來越似一個天使嘅佢，心入面諗：我到現加都唔敢相信，妳從來無忘記我，經過咗咁多年之後，長大成為一個咁可愛咁好嘅女仔，再一次黎到我面前，但係點解⋯我要咁對妳⋯ 可能係因為愧疚，呢一刻，我講唔出口⋯

我已經認得返妳，我唔會再好似以前咁，輕易俾妳喺我身邊再次離開⋯

我開門，睇到佢靠住窗邊，望住窗外嘅世界。呢一刻，就得我哋喺自己嘅世界當中。加上陽光嘅襯托下，佢就如天使般降臨。我慢慢咁行過去，行到佢隔離，我好想開口，但呢刻嘅佢美如天仙，我只敢望，唔敢開聲。

過咗一陣之後，佢主動出聲。



Lavina：「你⋯終於黎啦？」呢刻嘅我已經好明白妳，唔似以前咁，放妳走㗎喇⋯⋯

我：「唉⋯係呀，sorry我黎遲咗⋯」以前我無好好珍惜嘅妳，我會盡量補償返俾妳⋯
「好耐無見⋯Angel⋯」

Lavina：「好耐無見，阿遊😊」

我：「現加嘅我有好多問題想問妳。點解妳當年臨走前唔同我講呀？我搵咗妳好耐喇⋯又唔一早同我講聲，起碼我可以死心死得早啲吖嘛～」

Lavina：「以你嘅性格，你會死心咩？」



我：「我⋯」又真係唔會⋯除左Kelsey，其實我拍親都係散拖仔，拖咗唔夠兩個月就散嗰啲。因為我個心仲係有佢⋯

Lavina：「不過可惜呀～我無遇到比你更好嘅男人😌」

我：「喂！我好差咩！？🤨」

Lavina：「就係好得制，搞到唔搵其他呀！一日最衰都係你囉030做咩咁好人啫？」

我：「係係係⋯係我衰啦～咁妳枝茶字典唔好飲喇～」

Lavina：「吓！茶字典！？我飲呀～」佢正想攞嘅時候，我一手舉高佢。以佢得一米六嘅身高，舉直手先掂到我膊頭，更何況我舉高手呢⋯
「喂呀！比！我！飲！呀！」

我：「我唔夠衰吖嘛，咁現加衰啲囉～」



Lavina：「講！妳係咪以前都成日咁蝦女仔？講！」

我：「嗯⋯講起呢樣就真係⋯阿Mel同Kelsey咁囉⋯咁算唔算⋯」喺我心虛，放低手嘅時候，佢一嘢搶咗技嘢飲

Lavina：「嘻嘻😜就知你鐘意蝦女仔矮㗎啦～」呢個傻婆真係⋯不過見到妳終於笑返，我真係已經好滿足⋯我一直以為遠在天邊嘅天使，卻近在眼前⋯由今日開始，就俾我好好補償返俾妳啦⋯




「其實我哋每個人都想要一個天使，而第一步就係成為他人嘅天使。」