《純愛》平安夜的天使 (完): 第八十七章

第八十七章

「阿遊⋯」

Auntie走咗之後，我就一直呆坐喺Cafe到⋯現加嘅我⋯到底應該點做⋯

Lavina：「啱啱嗰位係？」

我：「佢係Kelsey嘅媽咪⋯」



Lavina：「你冇嘢吖嘛？」

我：「點解咁問⋯」

「因為你睇落⋯好內疚⋯」

我雙眼嘅眼淚終於忍唔住奪眶而出，但喺呢一刻嘅我卻感覺唔到⋯我腦海不斷投放住同Kelsey一齊嘅影像，同佢第一次食飯個肥豬樣，第一次見到佢嘅嗰個畫面⋯佢就好似一個已經遠去嘅仙女，只容我想念，卻永遠都見唔返⋯

我嘗試眯埋雙眼，嘗試將過去嘅傷痛收入眼底⋯但喺呢一刻，我突然感覺嘴唇上面有濕潤而溫暖嘅觸感，好似過去第一次同Kelsey一齊嘅初吻⋯我擘大眼，見到曉桐嘅雙眼⋯佢亦都喊咗⋯係咪因為我？又係因為我，再次令身邊嘅人傷心⋯佢錫咗落黎，呢一刻我哋互相去依靠對方，扶持對方，疼愛對方⋯



Lavina：「你⋯你唔準再喊喇吓！」

我：「曉桐⋯」

Lavina：「見到你咁唔開心，搞到我都喊埋一份呀！」

我：「嗯⋯我應承妳，我會好好咁照顧妳，就好似以前照顧Kelsey咁⋯」

Lavina：「我唔要喎～」
「我都要照顧返你呀～喊包～」



我：「妳咪一樣～喊包～」

「哦！！！！」櫃檯有兩把聲異口同聲咁叫咗出黎，我哋嚇咗一嚇，轉頭望一望，發現⋯原來係嗰兩公婆⋯

Priscilla：「Ya～Lavina，果然係我好姊妹呀～」

倫：「都話咗你㗎喇⋯恭喜晒呀兄弟😌」

我：「你⋯你哋幾時返黎㗎？」啱啱喺同Auntie傾嘢嘅時候，佢哋都順便出去食個下午茶⋯但無聽到佢哋返黎⋯

倫：「喺你哋咀嗰下啱啱返到～」今次出事啦⋯原來佢真係錫再落黎⋯

我：「專心返黎你嘅工啦！曉桐，我哋走～」我一手拉住曉桐出去，呢次係我第一次主動拖曉桐嘅手⋯



Lavina：「喔！😊」

倫：「唔阻你哋拍拖仔喇～」



「情緒係會傳染，我哋既可以分享快樂俾他人，亦都會令傷感蔓延俾人。但情緒本身並無正、負之分，我哋都可能將此發為力量，成為動力繼續行落去。」