嗰日放學，女神同吾顯眼嘅我表白【愛情】【校園】【武俠】: 第十一頁：星期六網球賽－日常編

難得嘅星期六，梗係係屋企瞓，無人可以請得郁我！............以前都係嘅～
［電話－琳琳］
琳琳：「快啲啦 係邊啊」「嚟緊啦 嗄...嗄...嗄......嗄」跑到氣喘...琳琳：「就快開始啦」「知道 收到」

今日係盈芝佢網球打比賽，琳琳拉埋我去支持佢......我想瞓多陣覺......

體育女老師miss Siu(蕭)同校長係親戚,份人都幾Nice。miss Siu同盈芝場內講一啲技巧，我同琳琳係觀眾席，開波唔夠10分鐘我已經瞓着咗......

過咗一陣
琳琳搖醒我......「唔？」琳琳：「完咗啦」「完嗱 呀～～(打喊露)」琳琳：「行啦 我地出去比賽場外面等佢～」





盈芝出咗嚟向我地揮手：「琳琳～」琳琳：「盈盈～頭先打得好好呀～」話說贏定輸...盈芝：「頭先個對手真係好勁」琳琳：「最後都贏到呀～」

突然有個男仔拎住支網球拍衝過嚟，呢個場景睇得太慣啦......我迅速拎盈芝喺佢背脊上面嘅球拍出嚟「破鞭勢！」

我手上嘅球拍係個男仔手腕由下而上推上，然後由上而下掃落，佢成隻手臂加肋骨受傷：「啊！」盈芝呆咗

「同學 咩事呢？」男仔：「我女朋友輸 依家係入面喊緊呀！」咁無理取鬧都有嘅......我知你想表現着緊女朋友，都唔係咁㗎......

我吾中意同人講咁多，因為一句道理係吾會改變到一個人嘅心態想法，講多都浪費時間同口水「唉 走啦我地 吖 球拍呀」我交還球拍。盈芝：「啊...呀 唔該...」





琳琳：「又叻反次啦～」「佢吾好彩啫～之後去邊？」盈芝：「去食lunch～」琳琳：「好呀！」

我地由大埔體育館出返沙田新城市去譚仔食，一共兩碗過橋米線，佢地兩個一碗，我自己一碗。琳琳：「咁食得嘅...」「食嘢係我其中一項興趣」

因為我體質食唔肥，可以無節制咁享受美食～～人地M記食四十幾，但我每次都係叫到七十至一百，呢個都係我煩惱之一......

待續