嗰日放學，女神同吾顯眼嘅我表白【愛情】【校園】【武俠】: 第三十五頁：到達少林學院－少林編

沿途相都係咁樣，打機丶聽歌丶打牌丶毒發丶瞓覺，幾經辛苦到咗第二日中午12點幾終於到咗......

去到一間餐廳
校長：「快啲食完我哋就搭車去少林」「我哋係去少林寺？」校長：「哈 少林寺早就變咗做觀光景點 但係附近仲有好多少林嘅學校 我哋去其中一間」

坐咗一個鐘車，去到「少林傳統武術學院」
一個字，「大」......
教練：「你們到了～」教練個樣勁似梁烈唯，但係陸軍頭，呢度有好多學員，細路特別多。男嘅全部都係陸軍頭。

我丶啓文丶呀常一間房：琳琳丶瑩瑩丶楚思一間房。分配好房間。





我們地出去二號練習場，觀摩學員練習。雖然非常多人，但係打得非常齊整，就好似操兵咁，地下面的石磚好多都裂開同凹凸不平。有啲係一個原位凹，有啲係一條咁凹，應該就係用腳揼同用棍打出嚟。

毒又開始發作...曉琳見到我面色唔妥，扶我入房休息......

第二日
其他人係學院內嘅練習場學少林武術。教練同我去到一間房
教練：「坐下」我照住佢意思。教練：「現在開始教你易筋經 開始吧 立身期正直 環拱手......」

放飯時間




除咗呀常，其他人攰到好似跑完馬拉松咁。「一堂咋喎 咁快攰到咁嘅？」楚思：「你成晚坐喺度梗係唔攰啦」瑩瑩：「好攰呀...」

「話說你哋學咩？」呀常平淡咁講：「梅花拳～不過今日淨係練基本功」

「你哋好似虛脫咁濟咁喎 連啓文都覺得攰 但呀常你好似冇咩咁嘅」呀常：「我練過九陰真經吖嘛～」

我起身去幫琳琳揼下骨丶摙下肌肉，舒緩下。瑩瑩：「唉 有女朋友冇呀妹」「嚟嚟嚟」你真係差在問我女朋友同阿妹同時跌落水，我會救邊個先......

食完lunch之後，我哋有三個鐘頭午睡時間





繼續