我嘅驅魔人生活: 鬥

我屋企唔係好大 正常一間村屋咁

係由我太爺嗰代 一代代咁傳落嚟

因為我哋家人得閒就 會用魔法鞏固自己嘅屋企

所以我嘅鐵竇 有大大小小 唔同嘅結界同陣法

唔好話魔法公會 就算係路西法想親自入嚟





佢都唔可以完整無缺咁樣走返出去


先講講我屋企嘅背景

我哋全家人用嘅都係

六甲秘祝 入面嘅十一字真言

我而家淨係識得九個





就係眾所周知嘅

臨, 兵, 鬥, 者, 皆, 陣, 列, 在, 前

阿爺曾經話過喺我18歲嘅時候 會教我最後嗰兩隻字

我今年啱啱十七歲 阿爺未有機會嘅時候

就因為用咗秘術 犧牲生命而死咗





我完全唔知發生咗咩事.

只係一起身就見到阿爺 比七爺八爺帶走緊( 即係你哋口中嘅黑白無常)

我勉強用 九字真言拖延咗佢哋一啲時間

又差唔多用曬我成個人生累積落嚟嘅符咒

但係一啲效果都冇 畀伯爺用三味真火燒到嘅左手

到而家真元都未恢復到

阿爺只係好和藹可親咁同我講





"乖孫. 畀佢哋帶我走啦." 然後就頭也不回咁 同佢哋走咗去

我到而家都好唔明白點解七爺八爺可以入到我哋呢間多重結界嘅屋企.

不過我而家做嘅就只有變強. 咁終有一日 我可以為我阿爺 肉身重鑄.