是咁的，我嘅職業係幫人瞓覺: 五、阿俊

我最驚就係遇到睇過恐怖片嘅客人。

因為佢地好容易發惡夢。

客人一發惡夢，我就會喺夢入面被貞子異形德州電鋸殺人狂同恐懼鬥室高海寧追到天荒地老⋯⋯

面前嘅客人叫阿俊，佢認真咁思索緊自己有無睇恐怖片。

雖然我好想講「俊？邊撚度俊呀？睇過～」依句經典對白，但佢係客人，我無理由趕客啫。

由於我唔可以幫太遠嘅客人瞓覺，一定要喺佢地附近先用到能力，所以好多時會上客人屋企瞓梳化。

不過阿俊唔係自己一個住，我無得上佢屋企，所以我地唯有喺廿四小時老麥見面。

已有 0 人追稿