紙言

是咁的，我嘅職業係幫人瞓覺: 十二、help





我唔係咩解夢人，亦都唔係咩夢專家。

純粹係幫人瞓覺發夢好無聊，有成八個鐘乜都唔做會悶死，所以先好奇睇下客人嘅回憶同願望。

有趣嘅係回憶同願望通常好易分，除非客人嘅願望係「改變過去」，咁過去同未來先會撈埋一碟，不過依種客人比較少。

我打開門，見到阿俊喺一間課室度教書。

黑板上，東歪西倒嘅字寫住「help」。





著住恤衫嘅阿俊喺黑板前拎住書吟詩。

「關關雎鳩，在河之洲。窈窕淑女，供不應求。」
已有 0 人追稿