是咁的，我嘅職業係幫人瞓覺: 十九、所以人先會發夢

「總有人可以達成夢想嘅，只係唔係我啫。」

總有人可以同前度復合嘅，只係唔係我啫。

「點都好啦，多謝你講我知。依家嘅我，只要知道依個願望原來一直仲留喺心度，已經好足夠。」

或者終有一日，阿俊嘅夢想會喺佢嘅表意識完全消失，但係佢嘅心房，永遠留咗一間房畀教書嘅自己。

「因為現實已經做唔到，所以，人先會發夢。」