是咁的，我嘅職業係幫人瞓覺: 三十、黑板背後
「春蠶到死絲方盡，酒入愁腸愁更愁，借問廁所何處有，出師未捷身先死，身無彩鳳雙飛翼，白雲千載空悠悠，好收吾骨瘴江邊⋯⋯好收吾骨瘴江邊⋯⋯好收吾骨瘴江邊⋯⋯好收吾骨瘴江邊⋯⋯」
夢中嘅阿俊窒機咁重覆最後一句韓愈嘅詩，佢表情仍然係自得其樂，但視線無轉向學生。
「好收吾骨瘴江邊⋯⋯好收吾骨瘴江邊⋯⋯好收吾骨瘴江邊⋯⋯」
淚水喺佢微笑吟詩嘅嘴角旁滑過。
我踏入課室，摸下白板上個「help」字，點知發現黑板表面竟然唔係硬，而係軟嘅。（唔好諗歪啦）
手掌喺微微波動嘅黑板上㩒落去，黑板連同牆身好似一塊布咁被我掃落地。
淚流滿面嘅阿俊望向黑板後嘅空間。