是咁的，我嘅職業係幫人瞓覺: 三十二、堅持嘅動力

後來過咗一段時間，我收到阿俊嘅電話。

「聖育強中學請咗我，我做到老師喇。」

「恭喜哂你呀。」

有請小鳳姐。

熱烈地彈琴熱烈地唱～





「但係點解嘅？你面試無斷電咩？」

阿俊話自己去咗見幾間學校，都仲係無啦啦斷電，但係我所講嗰種恐懼，好似漸漸淡出。

「請你講下點解你會想做老師呢？」

「我會想做老師⋯⋯」

阿俊話佢個腦喺嗰一瞬，好清晰咁見到我所講嘅畫面。





佢喺課室教書，但所有學生根本無聽書。

當下佢心諗，死啦，今次面試又肥。

當佢轉頭，就發現課室另一邊，所有支持過佢嘅人，都喺度。

加油呀，你得架。

深呼吸。





佢只要注視一直以嚟嘅支持就足夠。

大腦重新運轉。

「其實點解一開始會想做老師，我已經唔記得咗。」

但係有一年去義教，我收到學生嘅寫嘅卡，話多謝我教佢。

嗰一下，只係咁簡單，就足以令我堅持夢想。

當人無哂信念，忘記初衷嘅時候，令人堅持落去嘅動力，就係其他人嘅支持。

「多謝你幫我瞓咗場覺。」

「唔使客氣啦。」