是咁的，我嘅職業係幫人瞓覺: 四十四、或者我可以幫到你

婷婷無應我，咬住下唇。

同阿婷一樣，唔想應就唔應，但係佢完全唔會掩蓋自己不屑嘅表情。

我地兩個人行咗去城堡，雖然表面係宏偉壯觀嘅大木門，但係開門之後嘅心房都只係一間普通嘅幾百呎家居。

潛意識當中有好多訊息埋藏咗喺細節之中。

一間表面係城堡，內𥚃係普通家居嘅心房，令我好容易諗到一個詞語。

大話。

雖然未至於係金玉其外敗絮其中咁誇張，但係仍然有貨不對辦嘅感覺。

「點解你地會搞到依家咁樣？」

「唔話你知呀！」

「或者我可以幫到你。」

已有 0 人追稿