是咁的，我嘅職業係幫人瞓覺: 四十九、《玩轉腦朋友》

我被房入面嘅婷婷嚇咗一大跳。

佢向銀幕大叫完就即刻摟實個白雪公主，連塊面都埋入個公仔身入面咁滯。

只見銀幕上嘅阿婷深呼吸咗口氣，轉頭望住阿朗。

「我⋯⋯我都鍾意你。」

阿朗撫摸阿婷嘅面容，靠前，輕輕錫咗佢一啖。





「好野！拍拖喇拍拖喇！有拖拍喇yeah！」

床上嘅婷婷拉住啲公仔跳舞。

話說唔知點解我覺得成個場景有啲似曾相識，同某啲見過嘅野有異曲同工之妙咁。

「行咯，開場喇。」

阿朗拖住阿婷行去戲院，時值二零一五年，佢地去睇嘅係inside out《玩轉腦朋友》。





唔怪之得，咁熟口熟面。