是咁的，我嘅職業係幫人瞓覺: 六十、who cares？

阿婷呑咗啖口水，但喺james錫埋去嘅時候避開咗。

「唔得架⋯⋯我有男朋友⋯⋯」

咁你一開始就咪上人宿舍⋯⋯啊唔係，一開始就咪同佢上床⋯⋯都唔係，一開始就咪跟班姐妹去蒲啦！

一句到尾，姣婆守唔到寡。

講真，唔係幫阿婷瞓覺，就咁睇佢個樣真係估佢唔到，難估過食神。





「你唔講，我唔講，佢唔會知架嘛。」

房內嘅婷婷，望住吊喺床上嘅薄紗化成灰色：「唔⋯⋯好呀⋯⋯」

「佢唔知，就代表做得？」

重點係當事人唔知真相就好，大多數人都以為只要咁就足夠。

阿媽唔想我食煙，我想食，我去食，佢唔知就得。





女朋友唔想我去滾，我想滾，我照滾，佢唔知就得。

「well，who cares？」

james再次進攻阿婷水潤嘅雙唇，佢地互擁，濕吻。

「唔好呀！！！！！！」