是咁的，我嘅職業係幫人瞓覺: 七十九、你想講咩？

好似好多人誤以為自己鍾意工作，但其實佢地只係鍾意錢，於是工作得愈嚟愈痛苦。

識得自我反思嘅人，先會認清楚問題嘅核心。唔識嘅人，就只會被困喺痛苦之中。

我講過（雖然係婷婷話我知），阿婷係無自覺嘅人，所以我話佢知問題出喺邊度。

「至尊寶為咗白晶晶穿越時空，返咗五百年前。佢喺五百年前嘅所有行動，只係為咗拎返個月光寶盒，返去五百年後救白晶晶。」

阿婷點頭：「係吖。」





「佢一直以為自己最愛嘅人係白晶晶，但係到佢終於同白晶晶成親，佢反而開始猶豫。」

你暈咗嗰陣，叫咗晶晶依個名九十八次。

仲有一個名叫做紫霞嘅你就叫咗七百八十四次。七百八十四次，阿紫霞梗係爭你好多錢。

琴晚你發夢又叫咗紫霞依個名七百八十五次，比上次多咗一次。

紫霞係你心目中係咪一個感歎號抑或係一個句號，你腦海𥚃係咪充滿問號呢？





「你想講咩？」