是咁的，我嘅職業係幫人瞓覺: 八十八、兒時回憶

肥仔拍拍心口：「我大過你架嘛！」

阿婷好羨慕咁望住肥仔「嘩～」咗一聲。

「你又想勇敢啲？」

阿婷猛力點頭，肥仔就咁拖起佢隻手：「我過啲勇敢畀你吖。」

兩個小朋友面紅紅咁坐喺一角，阿婷嘅心跳得比平時快咗。





第一次，心動嘅感覺。

兩個人，就咁拖住手，靜靜等待。

無幾耐，阿婷嘅爸爸嚟到，將佢接走。

「拜拜喇，大哥哥。」

雖然阿婷已經忘記咗，但依個肥仔大哥哥，就係阿朗。





當然，依段回憶我無打算講翻畀阿婷知。