是咁的，我嘅職業係幫人瞓覺: 一百零六、現實世界
夢中嘅我因為一開始無發緊夢嘅自覺，所以誤以為自己係其他人嘅夢中夢入面，但實際上我自己瞓著覺所發嘅夢都會無自覺。
我抹走自己額上嘅汗水。
望下自己嘅右手，嘗試握拳，指甲拮入手心，感覺到痛。
拎起放喺床頭嘅鐵針，用火機燒紅，高溫殺菌之後，拮落右手手背，一粒鮮紅血珠湧出嚟。
會痛、會流血，只有依兩樣野可以令我有處於現實世界嘅真實感。
幫人瞓覺瞓得多嘅後遺症，就係我有時會分唔清到底係自己發緊夢，定係喺人地個夢入面。
我呆呆咁望住手背上嘅血珠，同埋旁邊一粒粒暗紅色嘅傷口，好似士多啤梨咁，好彩我無密集恐懼症。
醒返之後，記憶終於變得清晰，恆仔係我擁有能力後第一個接返嚟嘅客人，夢中就好似重演緊恆仔永遠無可能實現嘅願望咁樣。