是咁的，我嘅職業係幫人瞓覺: 一百零九、唔係無所不能

我無諗過，依單生意嘅影響依然一直殘留喺我腦海入面。

每隔一段時間，我就會發依個夢，而且總係以為自己接咗新客人，喺人地嘅夢中夢或者夢之迷宮入面。

其實只不過係我嘅遺憾化成夢魘纏住我。

嗰一日，恆仔跑去手術室門口，我亦因為同佢嘅距離太遠而強制甦醒過嚟。

當時第一眼見到嘅係，醫生同恆仔講野，除低口罩，搖搖頭。





佢呆呆咁企喺手術室門外，好似睇緊定格畫面一樣。

第一次接嘅客人，就教識咗我，我嘅超能力唔係無所不能。

「唔好意思呀，幫你唔到。」

「唔緊要，依樣唔係你嘅錯嚟。」

生命中嘅遺憾，好多時都唔係任何人嘅錯誤。





我去扶恆仔坐返低。