是咁的，我嘅職業係幫人瞓覺: 一百一十、我……唔記得喇……
媽，仲記唔記得我細個嗰陣怕黑，你拖住我隻手講《愛麗絲夢遊仙境》我聽？
仲記唔記得你話我成日撩鼻屎醜死鬼？
話我食唔哂啲飯會娶個豆皮老婆呢？
媽咪，你記唔記得我話要離家出走，你真係由得我走，然後喺外面搵咗我廿幾個鐘無返屋企？
你仲記唔記得我中學第一次話鍾意女仔，你陪我一齊諗點樣表白？
媽，你記唔記得我分手嗰日，你喺電話同我講咩？
你記唔記得自己特登請半日假接我放學？嗰日落雨架呢？我仲摟住你喊。
你記唔記得你話我聽嗰隊tonick啲歌唔夠sam哥嗰啲咁高質？
又記唔記我成日叫你聽下我覺得好聽嘅歌，你又叫我聽下你覺得好聽嘅歌？
「我⋯⋯唔記得喇⋯⋯」