是咁的，我嘅職業係幫人瞓覺: 一百一十八、手信
我地約好咗喺中環嗰啲高級酒店食午市自助餐，恆仔表示佢請，我都預咗係佢請。
我揀咗件見得下人嘅恤衫配西褲，再加對擦到反光咁滯嘅皮鞋，裝好身先出門。
話哂都係見個年青富豪，又去高級地方，梗係要打扮下啦。
「好耐無見喇金仔。」
恆仔留咗一把長頭髮，電鬈咗，同一年前嘅佢好大分別，我幾乎唔認得佢。
「入去咯。」
酒店餐廳入面嘅落地大玻璃窗望到摩天輪同維多利亞港。
海面波光粼粼，好似均勻咁鋪咗一堆碎鑽石喺面頭，好靚，同女女嚟就好喇。
坐低之後，恆仔就拎出要畀我嘅手信。