是咁的，我嘅職業係幫人瞓覺: 一百二十三、母子

「你同伯母感情真係好好。」

「無法啦，無咗老豆，媽咪由細揪到我大，一路都係兩個人。唯獨媽咪，唔理我發唔發達，有錢定無錢，都一定會喺我身邊。」

「真係羨慕。」

「金仔你同你媽咪感情唔好架咩？」

我將帶少少海水嘅生蠔吸入口。

「又唔係唔好嘅，但又唔係好咯。」

簡單嚟講，就係好平淡，好普通嘅兩母子。首先佢絕對健在，雖然我都叫金仔，但我無冚家產。

佢亦無啲咩特別嘅惡習，唔煙唔酒唔叫鴨，最壞嘅習慣都係睇cctvb或者煲韓劇。

已有 0 人追稿