佢話做人最緊要有一技之長,我話我個技就係幫人瞓覺,佢就反我白眼。

不過我真心唔知自己對咩有興趣,又有咩特別能力。

細個嘅時候當然有一大堆所謂嘅夢想啦,但係慢慢大個我就知道夢想依家野,只係畀啲真正特別嘅人去實現。

如果係無才能嘅凡人,夢想就好似窮人食唔到嘅一頭鮑同天九翅咁,得個諗字。

咁反正都食唔到,諗嚟做乜呢?





係嘅,細個嗰陣仲會以為自己有才能嗰個,但人大咗就要接受自己其實乜都無。

唔係懷才不遇,係連才都無。

無人一天生就會認定自己係凡人,所有人都係自以為特別,到慢慢成長嘅時候先被逼接受「我根本唔特別」。
已有 0 人追稿