唔使問都知,阿邦其實就係james,又係同一個人,只係中英文名之分。

其實仔細諗返,兩個夢入面都有講過類似嘅對白。

「咁夜邊個搵你呀?」

「無呀,朋友之嘛。」

chesse同余生咁講過。





阿婷亦對阿朗講過。

仲有就係佢地發生關係嘅原因,都係飲醉酒。

阿婷同james喺攤牌嗰陣講過係飲醉酒先會發生關係,而喺婷婷嘅世界就直情見到傳佢地上床嗰一幕。

根本係講緊同一件事。

余生唔係阿婷,但佢喺夢中塑造咗一個阿婷出嚟。





即係話無論婷婷定阿婷嘅形象同行動都只係余生「希望」佢係咁。婷婷同阿婷爭執,亦只係余生嘅腦補畫面。

佢將阿婷塑造成一個水性楊花嘅蒲妹,同乖乖女嘅形象完全相反,以咁嘅幻想嚟說服自己,阿婷本身就係個花心,容易變心嘅人。

我明白依種心態。

分手嘅時候,只要將對方妖魔化,自己個心就會好過啲。
已有 0 人追稿