[憑圖作文] 我同三個女仔既六日癡線泰國之旅: 《 第十七章 有咩慘得過對手又叻過你轉數又快過你?》
我看著前面一男一女 內心滿不是滋味 但我卻只能一直壓抑著
「格蘭島係鄰近芭提雅的島嶼 附近被大海包圍 仲有好多珊瑚和熱帶魚 所以又叫珊瑚島」阿塬充當導遊的角色 一邊走一邊介紹島嶼
睇死你都係琴晚先搵資料背定先啦 係我面前拋書包 就等我睇下你有幾多貨
我反了反白眼問道 「咁有咩玩wo 咪又係沙灘 游下水玩下沙 有咩特別 」
「梗係唔同其他地方 係格蘭島可以玩好多水上活動 例如…..拖曳傘個堆」阿塬支支吾吾說道
阿塬鄒了鄒眉 眼神總是不經意地停留在阿May身上
明眼人都知你想點啦 點解阿May就總係唔信我 信佢係好人?
自從昨晚鬧完交 她已經沒有正眼看過我
但阿塬說話時 她總是溫柔地看著他 那眼神像是在想什麼
我就唔信你真係諗得咁周全
「咁我地點去啊? 要坐幾耐? 有咩食? 有野買?」我問長問短地瘋狂追問阿塬
「我地會搭快艇去啊 坐二十分鐘左右 島上有間餐廳幾好食 我可以帶你地去 買就冇乜啦 不過可以玩下彩繪紋身仔 行下街咁」
怎料他通通答到 反而讓他有機會表演自己的諗法周全
「哇 阿塬你做咗好多research wo 有你就放心啦」阿May說道
「唔係啊 我都係上網隨便睇下 阿May你有冇去過格蘭島啊? 不如我地一陣一齊去玩?」阿塬興奮地問道
「哦…好啊 一齊玩啊 我未試過」阿May看著阿塬道
我看見阿塬與阿May雙目注視時 暗自歡喜的樣子 真令人感到嘔心
就憑你也想追May? 你了解她嗎? 隨便進入別人的行程 完全厚臉皮
想到這點 我對阿塬的恨意便不斷加深 有增無減 甚至他說話時 我也感到非常不快
說著說著 我們便搭車來到海邊 等待快艇接我們去格蘭島
快艇奔馳而出 離岸邊越來越遠 還不時左搖右擺
不懂游水的Shandy坐在我身旁 緊緊地靠著我的肩膀 扮作鎮定自若
但卻惶惶不安地到處張望
看起來你不單不懂游水 更十分害怕水
我應該一早猜到的… 看見你那天這麼勉強自己玩水上樂園
挑戰害怕的事物 克服恐懼是很困難的事
就像要怕高的人玩跳樓機 那種感覺簡直生不如死
我暗自佩服旁邊這位女生 到底是什麼令你鼓起勇氣?
坐了大約半小時 忽然停在一個水上平台面前
「冇啦啦做咩停咗既?」Shandy探頭問道
「哦..呢度可以玩香蕉船同拖曳傘 如果想玩可以係呢度排隊 玩一陣先會開翻船上岸ga」我答道
說罷 我們五人便離開快艇 上來平台
當我們一踏上平台 就已經看見一堆乘客 許多旅客在這排隊玩拖曳傘
海上更有人在空中飛 許多尖叫 氣氛甚好
看著在天上飛的人 離地大約2層樓高 我不禁有點腳軟
「John ! 黎玩香蕉船! 我要坐最頭! 」Ada拉著我說道
「好wo 我都想玩! 咁我坐最尾啦! 」阿塬回道
男人老狗坐最後? 怕濕身就咪玩啦
「May ?」阿塬回頭一望 邀請阿May一起玩
「唔….唔啦…我唔係幾想玩 Shandy你陪佢地玩啊~」阿May微微一笑答道
「下..我啊…」Shandy又支支吾吾地看著我
「唔緊要啦… 有救生衣嘛 最多你跌落水 我第一個跳落黎救你!」我拍心口說道
「好啦…」Shandy勉為其難地穿上救生衣 起身排隊
「好耶 齊人!」Ada拍手說
她是有多喜歡玩這類遊戲 與我的喜好簡直一模一樣 喜歡刺激的遊戲
有人說過 熱情好動的女生總是不知不覺地帶動氣氛
但我想的卻是 因為有她們的存在 才令被動的你鼓起勇氣參與
排了一輪 終於輪到我們時 Ada瞬間跳上香蕉船頭 Shandy也跟著她上
此刻 阿塬居然比我快一步上船 還傻傻說道「行咯! 行咯!」
等等! 我不能讓你碰到Shandy !
正當他準備扮傻觸碰Shandy的時候 我立刻說道「唔可以咁坐!」
他們三個不明所以地看著我 我只好胡亂作一個理由「咁我同阿塬重嘛 咁咪船頭輕 船尾重 不如 男女男女咁坐啦 阿塬坐最頭」
「噢….哦」Ada也緩緩起身 讓了座位給他
心不在焉地玩了半日 我們終於完結了水上活動 坐回快艇到達格蘭島
感覺沙灘沒有昨天的沙灘美 可能多了許多大陸客 嘈雜的氣氛破壞了優美的環境
對比格蘭島 昨天的沙灘就像聖經中描寫的伊甸園
一切都是那麼完美 一切都是那麼祥和舒服
但這裡最失色的主要原因 還是眼前的阿塬太礙眼吧....
我們選了一間餐廳 準備吃午餐
趁阿塬去了洗手間 只剩我們三人時
「一陣唔好食咁多野啊 聽人講呢度衛生麻麻地 極度容易肚屙啊」我偷偷提醒她們
「仲有 唔好提阿塬 我唔撚中意條友」既然只剩她們 我也只好說出心聲
男生最怕就是轉彎抹角 直接開門見山說出想法才是真漢子
阿May聽了後 靜默一會兒 用過午餐後 我們到處逛逛
Ada和阿塬被Shandy拉去看手信 看來是為我爭取和好機會
我和May肩並肩走了一段路 直至看不見Shandy他們的身影後
阿May不發一語地大力打了我一下 痛得我立刻按摩手臂
「好痛啊 做咩啊?」我明知故問地說道
抬頭一看 看見阿May用眼神死瞪著我
「做咩啊...?」我理屈詞窮地再次問道
「我 好 嬲 ! ! !」阿May就像忍了很久的氣球說道
「我 好 嬲 ! 我 好 嬲 ! 我好嬲啊 ! ! ! ! 」阿May越說越大聲 面如鐵色地樣子 把我逼退幾步