後悔終生的愛情: 第一章
“家輝！吾好發夢啦快啲準備啦！” 教練大叫
我立刻回過神來，伸岀雙手準備練習下一個動作。
“Ready ! one , two , down ,up !” 我以雄厚嘅聲線發岀指示。
各組嘅隊員互相配合地做岀名種高難度動作，令各組嘅頂層在我們手上企穩同做動作。
“cheer~~leading~~~” 叫完口號我地小心地放下頂層互相慶祝。
時間飛逝，我地就咁完成左一日嘅練習，身水身汗咁翻左屋企。
翻到屋企沖個凍水涼可以話係夏日中最爽嘅事情，放鬆一下岩岩練完野嘅肌肉，亦可以消除疲勞。
突然，有一條信息從whatsapp傳來。
“今日辛苦你啦，我咁重都要你舉🙏🙏”
“Emm….你係邊個？” 對於一個突如其來嘅信息，我超級驚訝，亦感到疑惑。
“我咪係你個頂囉，乜你冇set我名架？”
“哦。。。你係~~美君？” 我問。
“係吖，好彩你仲記得我個名姐😪” 美君回應我。
美君係我地啦啦隊入面其中一個頂層，佢嘅外貌普通，但係份人好活潑，而且都算幾輕，只有42kg 。
“你咁輕，邊辛苦姐？🤔🤔”我如實咁答翻佢。
“吾好呃人啦，一定重死你地啲底呀！”
就係咁whatsapp就打破左平時嘅寧靜，我地開始左我地第一次嘅whatsapp對話，話題從啦啦隊嘅人事到學校入面嘅趣事都有，亦是我第一次同女仔傾whatsapp。
自問自己係女性絕缘體，吾識同女仔溝通，加上十分安全嘅外表同毒毒宅宅嘅性格，除左啦啦隊之外係永遠吾會同女仔講野同接觸。
“都好夜啦，聽日仲要翻學，第日再傾啦😀😀” 佢呢句説話打斷左我地嘅whatsapp 。
“好呀，今日練習都攰啦，你都早啲休息😂” 我回應翻佢句野之後放低手機就訓左係張床度。
但係我嘅心仲未可以平靜落黎，只係度回味岩岩嘅對話。。。。。。