香港之墓: 第一章 三十年前的事

「達叔，你無事啊嘛？」我對達叔道。
達叔目不轉睛地望著電視剛播報的新聞。

「四日之前，行山人士張子鵬被告失蹤，經過香港警方聯同山區自願援救隊四日三夜的不斷搜索，
終於喺今天，6月18日，於西貢鹹田灣發現張子鵬，當時佢神智不清，
口齒中隱隱若若地不知說甚麼，似乎精神上受到了極大的衝擊。」電視上濃妝豔抹的女主播說道。

剛剛下班，從市場買了叉燒和燒鵝回來，打算找達叔敍一敍舊。
以前達叔從小跟我玩到大，我早就當他是半個爸了。
說起上來，我也有三個月沒有看見他了，於是故意買了他最喜歡的燒味，逗他開心一下。





「唉，搵番佢真係太好啦。呢件事最近鬧得沸沸揚揚咁，
好似全香港都係度講佢啲事咁。有人話佢被山鬼捉去做新郎，
又有人話佢踩入咗結界，有可能永遠都走唔番出黎。」我說道。

「嗯。」達叔只是在敷衍我。

「照我睇啊，全撚部都喺度鳩嗡當秘笈，他純粹係蕩失路姐，我真係唔估呢個世界有神有鬼。」
我一邊說，一邊在雪櫃裡翻找還有沒有些甚麼好吃的，當個下酒菜。





「唔係好妥，唔係好妥，佢肯定喺發生咗啲事，我一定要立即搵到佢。」達叔道。

說罷，達叔馬上收拾鑰匙和錢包，奪門而出。
「喂！我買咗燒味啊！你唔食啊？」我大聲叫道。
「等我番嚟！」達叔的腳步聲漸漸消失。
「嘖，咁樣唔領情。算數，兩個和尚無水飲，我自己食曬算。」

我立刻抓起一隻大鵝腿，就往嘴裡塞。
突然之間！我心裡一個激靈！我想起達叔十幾歲的時候也曾經失蹤過兩三天。