《任務完成》今日終於扑左我個女上司(第二季): 二十八

「份名單佢地係點樣獲得？」白鴿最關心的，還是情報外洩的主要原因。
 
「份名單其實係屬於施氏。」這件事件很婉轉複雜，狐狸慢慢道來：「俱樂部成立之初，五大家族為左掌握俱樂部既內部結構，就借住幫手既名義，派左唔少人手落黎幫手。蝸牛雖然知道呢件事，但係明面上冇拒絕，因為果陣時仲需要佢地既資金。所以事實上，俱樂部某程度上仲係受到五大家族既掣肘。」
 
「你既意思係，呢份名單就係俱樂部內面施氏既人所做既？」
 
「冇錯。」狐狸點點頭，說：「施氏一直知道有關螢火蟲既事，而佢地呢十年慢慢將自己既企業向國內發展，要係內地打好根基，就必須要有一定既勢力幫手，例如官方。」
 
「施氏想要係業務進軍國內之前，為自己掃平一切障礙先？」白鴿終於明白了：「呢個係最有效既方法。」相比起進軍國內後才慢慢建立關係，如果施氏集團可以以一個官方認可的姿態打入國內的商界，那所花的成本要低得多。
 




「據我所知，佢地係國內已經有一定既實力。」白鴿不明白為何施氏還要大費周章。
 
「打入國內，然後管理香港既商界，呢個先係佢地真正既目的。」狐狸說：「佢地計劃既並唔係目前既利益，而是2046之後。」
 
2046！
 
2046年後會是什麼樣子，大部份人都很擔心，卻沒有做過準備。早著先機的人，永遠都是有切膚之痛的商家，所以他們的謀劃，眼光已是放在往後的發展中。作為在香港起家的施氏，他對於香港的商業情況十分清楚，要是能得到國家的認可，那麼就塊「肉」肯定就是他的了。
 
其實一個獲得認可的方法就是：投誠。
 




他很清楚這種方法，因為他莊嘉義正是用這種方法加入他的勢力。
 
「莊嘉義係佢地既手下？」白鴿問。
 
「唔係。」狐狸組織了一下整件事情，然後說：「莊嘉義其實就同呢次策劃最冇關係既人，係名單外洩既過程中，莊嘉義既人搶走左份名單，而且以此同施氏既人進行交易。施氏原本以為呢個黑社會既人只係想要錢，但係莊嘉義居然提出想加入施氏。施氏覺得莊嘉義對於政府﹑名商﹑黑社會既見解幾獨到，所以比一個考驗佢，要求佢搵到投資人，又搵到政界既合作人，就同佢合作。」
 
為了保護那份名單，施氏提供了一座別墅和幾十名保鑣給莊嘉義，更為他提供不少幫助，助他擴大自己的勢力。但是名單畢竟是在莊嘉義手中，所以夾萬的密碼只有莊嘉義知道。
 
「施氏要摧毀莊嘉義，其實只係好簡單既事。」白鴿說。
 




「但係施氏冇咁做到。」狐狸明白他的意思：「要賺錢，最聰明既方法有兩種：第一係創造一樣受歡受既產品，然後不斷有收入； 第二係投資落有前途但係未發圍既公司，幫佢成長，然後自己就可以用最少既資本，賺最多既錢。」
 
白鴿明白：「大多數有錢既商人，就會選擇第二種模式。」
 
「冇錯。」狐狸說：「因為咁樣做最合乎經濟利益。」
 
施氏對於莊嘉義，也是抱著這樣的想法，所以當初沒有強行搶回來。而且東西就放在自己的別墅，由自己人保護著，這樣做跟放在自己身上是一樣的，所以他也可以放心。
 
「對方咁做既目的好簡單：佢地手頭上有一份執行者名單，佢地拎呢份名單黎同螢火蟲交易。大概施氏要求螢火蟲作為中間人，想解除俱樂部同螢火蟲既對立關係，反而將俱樂部歸入螢火蟲之中。」
 
要是這樣做的話，施氏甚至莊嘉義也會有危險，因為名單落在螢火蟲手上的話，他們可以隨時反面不認帳。但螢火蟲不可能這麼明目張膽地殺害一些香港的名商，原因是國黨對於香港商人仍是示好的，其二是為了社會的穩定，螢火蟲的存在也絕不能被其他人知道。因為香港有言論自由，要是透露了什麼風聲的話，消息就如火隨風勢，一發不可收拾。