《香港傭兵》: [Day 06－護送委託] PART 07
係綽姿打嚟...
都係聽咗先：『喂？』
「喺度做緊咩？」綽姿一開聲又係好直接咁問。
『我...我啱啱撳完機...』跟住做乜好呢？
「有冇出去踩吓線？」綽姿Keep住直接問。
『有吖...出咗去喇...』呢頭又有乜地方好行呢？
「嗯...咁你留意住委託...遲吓就會Send個集合地點俾你。自己喺出面小心啲。」綽姿講得有啲細聲。
『哦哦...』喺出面小心啲？
我覺得呢度安全過屯門喎...
「晏啲見。」講完之後，綽姿就收咗線。
哦...晏啲見囉...
呢邊有乜好行...
要行去青衣站...又好似有啲遠...
又唔知幾時要集合...又唔知集合地點喺邊...
唔...都係開個委託睇睇先！
開返個委託出嚟一睇...
『嘩！多咗咁多...』成員...
今次個委託...除咗我同綽姿之外...仲有十個八個成員！
真係有必要咁多人咩？
唔知...我都仲係唔知要護送啲乜...
之不過...人越多就應該越安全～
好啦～喺仲未有集合時間同地點之前...再行吓啦！
我向住青衣站方向行...
橫過幾條馬路...上過幾條天橋...遇到唔少路人...仲有警察。
啲警察都係懶懶閒咁，一邊吹水一邊望吓有冇靚女一邊行Beat。
起初都有啲擔心會唔會俾龜逗...
你話行者長袍都可以話係外套！精神液係水晶！精神刀柄仲可以當係鎮紙！但匕首真係冇得扮喇掛？！
俾龜搜到真係告我藏械㗎喎！
之但係...睇而家啲警察...個個都好似色狼咁搵啲女仔嚟逗...抄個牌...再唔係就拉入後巷唔知做乜...
而家做警察真係好開心～
所以我仲怕咩警察姐？我又唔係女～
望住兩條死差佬又拉咗個仲著住校服嘅學生妹入暗角...
我就冇理人咁多，繼續向住青衣站方向行，行出青衣公園。
行咗都幾耐，終於都俾我行到嚟青衣站....終於都...嚟到一個...比較正常嘅地方。
青衣城裡面都真係幾多人，而且仲係名店林立。
而家呢個鐘數...應該啱啱食完Lunch...大家都趕住返工。
喺人來人往嘅商場裡面先發現自己...融入唔到...
唔係話衣著上比較獨特...
咁多人喺同一個空間，個個都著唔同款式唔同顏色先叫正常。
相反如果個個都一式一樣就真係異相...
我所指嘅融入唔到係...心態...
可能係因為...呢度比較有未來感...
指示牌全部都係用上LED...
名店裡面仲有唔少...立體投射影像！
啲立體投射影像仲要好似真一樣！
係屯門裡面...冇嘅嘢...
我再行近啲...隔住塊玻璃望入裡面...
基本上店舖裡面都係冇Counter...每個人都係拎住個購物袋，將想要嘅貨物放入去就可以大搖大擺行出店舖！
唔使錢㗎？！
唔係...應該係自動轉賬！
只要客人一拎啲貨出門口，就會自動喺你銀行扣錢！
咁如果...銀行冇錢呢？！
信用卡？月結？貸款？
Whatever啦～總之一定有方法要你埋單～
真係好唔習慣...呢種感覺...先至係由廿年前嘅過去嚟到未來應有嘅感覺！
喺青衣城裡面漫遊...
留意身邊趕緊返工嘅OL...西裝友...
雖然面上不帶半點笑容...之但係...唔算話好緊張。
就好似一般嘅打工仔咁...好似我之前返工咁...
真係奇怪...其實青衣呢邊同荃灣一樣...都幾近屯門...係最接近特殊區嘅市區...
呢度啲人真係唔驚㗎咩？
唔驚班“恐怖份子”突然鳩衝過嚟襲擊㗎咩？
點解佢哋好似...一啲戒心都冇？
究竟係香港人嘅警覺性低？定係接受能力太高？
我真係...唔理解...
喺青衣城裡面再遊多幾轉...行到有啲腳軟。
無法融入嘅感覺仍然未消失，不過都唔算重要。
反正呢頭都好似...冇乜調查嘅價值。
『唉～嘥時間～』我就拎部電話出嚟，打開個SPIRIT App睇睇個委託...
委託有更新！更新咗...
『集合地點！』
集合地點係...青衣海濱公園...公眾碼頭嗰邊？！
嘩...咁鬼死遠...又要行過去吖？
點解就唔可以一早講定喺邊集合呢？
一早知我就唔行過嚟青衣城...直接行過去集合地點等算啦！
唉...講乜都冇用...都係起行罷啦...
離開青衣城，我就沿住海濱公園...“颼！颼！”食住海風咁行...
『好撚凍...好撚死凍呀真係...』
攬實自己震住咁行...好唔容易先行到過嚟公眾碼頭。
碼頭都唔算太多人...得四五個阿叔阿伯喺碼頭邊釣魚...
鬼咩咁鬼死凍又大風...有鬼人會坐碼頭吹風咁浪漫咩...
我就縮吓縮吓鳩都縮埋咁搵個冇咁食風嘅位企企...
幾時先有人嚟呢？
其實有人到咗未呢？
左望望...右望望...都唔覺有形跡可疑嘅人經過...（最可疑嗰個咪係我囉！）
再過多陣，有兩個釣魚阿伯都頂唔住要執嘢收皮！
嘩屌...我都想收皮呀...
唔好話，我而家企緊嗰個位都仲係好食風！
再企喺度震多兩震...
「屌你老母咁撚柒凍都唔會有魚釣㗎啦！」
「係咯係咯...早啲返屋企搵老婆取暖好撚過！」
又有兩個阿叔頂唔順執嘢走！
係咯係咯...天寒地凍返屋企扑嘢啦～
望住兩個阿叔拎齊晒嘢趕住返屋企同老婆扑嘢...
成個碼頭就得返我同一個釣魚阿叔...
『我屌吖...好撚凍...好鳩凍...幾時先有人嚟㗎？』就喺我攬到自己實一實，震吓震吓之時...
「真係有咁凍咩？年輕嘅隨行者...」釣魚阿叔背住我...攪吓攪吓支魚杆...
年輕嘅...隨行者...
係...叫緊我？
我疑惑咁望住個釣魚阿叔嘅背影...一步步行近...
佢都係行者？都係今次委託嘅...成員？
但點解...我明明冇用到精神液...唔喺精神化之下...點解個阿叔會...
『係吖...凍吖...』我再望清楚釣魚阿叔...
頭髮凌亂...皮膚粗糙暗啞...面上仲有唏噓嘅鬚根...
就咁睇...應該都有四十幾歲...
「而家啲隨行者真係...」釣魚阿叔攪起個勾...
咩意思？！
『係呢...你...喺度做緊乜呢？』咩意思都好啦...搵啲嘢講吓啦。
「釣緊魚囉...咁都仲要問吖？」釣魚阿叔冷眼望一望我，然後又Fing個勾出去！
吓？釣緊魚？我就係因為見到冇魚又冇餌咁...唔知你喺度釣乜春先問咋喎...
「偷生，執行者。暫時係今次委託嘅隊長。」釣魚阿叔眼定定望住個海。
係喎...我都冇留意過今次委託有咩人添...
之不過呢...
『暫時係今次委託嘅隊長？』點解會係暫時呢？
「嗯？」偷生叔叔帶住疑惑嘅眼神打量住我，「你...唔明...公開委託嘅規則？你嘅...師父冇同你講過？」
『呃...冇...佢冇講有關公開委託嘅事...』佢仲好多嘢都冇同我講添！
「唔...」偷生叔叔諗咗諗，再望住個海，「呢啲嘢本來應該係由你師父講你聽...之但係...你成個問題寶寶咁...」
我個樣似問題寶寶咩？有咁可愛咩？！
「公開委託係定一個報酬金額，等有興趣嘅行者接。由於不設人數上限，所以就要睇委託已經有幾多個成員，酬金仲可以分到幾多，決定你仲想唔想參與。隊長方面唔係先到先做...而係計資歷越高就成為隊長。照而家嘅情況...應該唔會再有人加入...就算有...資歷都應該唔會夠我高。」偷生叔叔又攪攪魚杆。
原來係咁！
即係話要接公開委託之前，除咗要睇吓個委託要做啲乜...風險高唔高...酬金多唔多之外，仲要睇吓現時有幾多成員參加！
如果太多人...酬金被分薄...覺得入不敷支嘅話就唔接！
呢個制度又唔錯喎！
偷生叔叔又攪起個勾...又係冇魚冇餌...
其實佢識唔識釣魚㗎？
定係佢以為自己係姜太公吖？
突然！
「咦咦？有個隨行者同個執行者都到咗喇喎！」背後有把男人聲出現！
我立即回頭一望，就望到有...兩個廿幾歲嘅男人雙手插住褸袋企正喺我背後！眼甘甘咁望實我！！！
一個高...一個矮...兩個都係毒撚Look...
係幾時...幾時行到嚟我背後...仲要企得咁貼！！！
「唔好誤會...佢唔係我嘅隨行者。」偷生叔叔又用力一Fing！Fing個勾出去！
矮嗰個有啲失望：「噢...估錯咗添～」
高嗰個恥笑住講：「我都話㗎啦～」
吓？估錯啲咩又都話啲咩？
都唔重要...
『係呢...點解你哋又會估到...我係隨行者嘅？』呢點先重要！
唔單止偷生叔叔...就連眼前呢對高矮雙毒都估到我係隨行者？！
「哈哈哈哈～」矮毒笑到勁嘔心，「睇你個樣柒吓柒吓乜都唔識咁，就知你係隨行者啦～」
吓...我個樣好柒咩？
我夠唔見到你個樣有幾型啦死毒撚...
「唉...睇嚟佢仲係唔知自己柒喺邊喎...」高毒睬我都嘥鳩氣咁行去另一邊欄杆。
「唉～抖吓好過～」矮毒又跟住高毒行埋欄杆睇海景。
屌啦...兩條死毒撚好行遠啲添吖！
繼續企喺海邊食風...
兩條死毒撚有佢哋挨喺欄杆HEHE...
偷生叔叔繼續有佢成個太公望願者上釣...
再等多等...呆幾呆...就有架船仔由遠處駛埋嚟...靠岸...
三個著住黑色大樓，年紀介乎二十至三十嘅男人上岸。
我估...呢三個男人都係行者...今次嘅成員之一...
三個雙手插住褸袋嘅男人上岸之時，仲要帶住奇異嘅目光打量住我...
做咩姐？
大家都係咁上下裝束姐...點解好似對我咁好奇咁㗎呢？
只見三個男人打量多我幾眼，就坐埋一二邊。
係喎...話時話...而家有幾多成員參加今次委託呢？
我又好唔好拎部電話出嚟睇睇呢？
但橫視四周...企喺或者坐喺不同角落嘅行者...佢哋都冇拎過部電話出嚟...
假如我而家拎...會唔會更加奇怪？
就喺呢個時候，離遠有個嬌小嘅身影...向住我哋呢個方向行緊過嚟...
呢個熟悉嘅嬌小身影...係綽姿！
著住黑色毛毛大褸嘅綽姿，雙手插住褸袋，木無表情咁行到嚟我面前！
『嚟咗喇？』可能係因為被班奇怪嘅陌生男人包圍得太耐，而家見到綽姿，總係有種莫名嘅興奮！
「嗯。」綽姿點點頭，眼尾望望右邊...
喺唔知幾時，高矮雙毒又無聲無息咁行到嚟我哋身邊！
「咦？」矮毒樣撚衰衰咁打量住綽姿，「原來鼎鼎大名嘅瓦解...係一個嬌滴滴嘅𡃁妹仔吖？真係見面不如聞名喇～」
又係聽過綽姿嘅大名...仲要加埋鼎鼎咁誇張？！
綽姿只係冷冷咁用眼尾打量咗個矮毒一陣，就頭也不回轉身，向住冇人嘅欄邊行過去。
我都跟住綽姿身後...
「嘖...小蟹柳...」
同綽姿企喺欄邊，我都偷偷望望其他行者...
其他行者都係偷偷留意住...綽姿...
「你了解咗呢度啲乜？」綽姿望住個海...突然問起！
『我！我...喺屯門過嚟呢邊唔係咁方便...』
「仲有呢？」
『仲有搭車過嚟好貴...』
「仲有呢？」
『仲有...今日行過吓青衣城...』
「仲有呢？」
『仲有...仲有遇到一個同你一樣大嘅女仔...上咗去佢度...得知解放軍喺呢邊設置基地...』我諗呢樣係最重要嘢喇掛...
「同我一樣大嘅女仔...」綽姿眼眉望住我...
『嗯...係吖...應該細你少少...』好似話啱啱先十五歲...應該細綽姿少少掛...『估唔到喺佢身上得知唔少重要情報...』
「你叫雞...」綽姿遠離我兩步...
『我...我？我冇呀！我...我去搜集情報咋！』係唔係有乜誤會呀？！
「仲話冇？青衣出名多一樓一...你仲要叫雛妓...」綽姿雙手打交叉咁攬住自己...再遠離我多兩步...
『我...我真係冇呀！喂...又係你叫我踩吓線...得閒就搜集情報！』我試圖行近綽姿兩步...
「我叫你搜集情報...冇叫你叫雞...仲要搵個同我一樣年紀嘅雛妓...唔好行過嚟！你個變態戀童癖！」
『我！我...』
又係你話乜乜只係軀殼...而家你又驚乜鬼嘢我係變態戀童癖呀？！