企喺我同綽姿面前...背住我哋嘅目標人物...背後一對...飄散住綠色粒子嘅天使翼!

帶住點點...親切嘅...

散發住綠光粒子嘅天使翼一閃即逝!同時目標人物一邊轉身...一邊拉爆鎖住雙手嘅電磁鎖!就喺我腰間拔走精神刀柄!!!

我把喺目標人物手上嘅精神刀柄隨即亮出刺眼嘅...綠光刀刃?!

點會...點會咁㗎?



我把精神刀...竟然會亮出...綠光刀刃?!

“嗡!嗡!嗡嗡嗡嗡!!!”目標人物以極快速度喺兩個大隻佬身上揮咗幾刀!

兩個大隻佬都未嚟得切反應之前...身體上被劃出多條綠光刀痕...切開...殘肢就散到一地都係!!!

目標人物一個轉身!就喺我同綽姿之間擦身而過!

我仲留意到...目標人物對眼...發出綠光...望咗我一眼...



閃著綠光嘅綠色粒子喺空氣中飄散...消失...

然後...就係聽到背後...

「嗚呀!嘩呀!」喺通道傳嚟嘅慘叫聲!

好大回音...

“砰!砰!”仲有零星槍聲...



好嘈...

目標人物...目標人物竟然係...

「你...」四眼老女人嚇到口都震埋...腳軟軟咁碌大對眼望住我同綽姿,「你哋仲唔快啲追?!」

我...我哋...

「我哋嘅委託已經完成。」綽姿冷冷放下一句。

“砰!砰!”仲有零星槍聲越嚟越遠...

「咁...咁我而家再委託你哋幫我捉返佢返嚟!!!」四眼老女人手都震埋咁指出去!

「嗚!嘩!呀!嗚呀!」出面傳嚟嘅慘叫聲都越嚟越遠...



「好。」綽姿點點頭,「要委託我哋係有程序。請你跟返程序委託我哋。」

我仲感覺到...氣息越嚟越遠...

目標人物嘅...氣息...

「程序...程序...」四眼老女人手震震咁拎部電話出嚟撳撳撳撳,「SPIRIT...SPIRIT...委託...委託...委託...」

出面...都開始...靜落嚟...

好似...冇晒聲氣...

「你慢慢。我哋走先。」綽姿就轉身。



走?走得㗎喇?

我都跟住綽姿轉身離開。

「喂!就咁就走㗎喇?喂!我委託緊...我委託緊!!!喂!你兩個仲企喺度做乜呀?快啲出去幫手啦!」

同綽姿一路行返出通道...沿住啲...跟住啲...綠色粒子行...

整條通道都飄散住少量嘅...綠色粒子...好似螢火蟲...一閃...一閃...消失...

“咯!咯!咯!”兩個大隻佬拎住支手槍,急急腳咁跑過我哋身邊...跑上前...

我同綽姿就慢慢行...望住前面兩個大隻佬慌慌張張咁左望右望...望入囚室...

我同綽姿就繼續行...喺一地殘肢嘅通道裡行...



一地都係...人體嘅殘肢...

而牆身...鐵柱...都有唔少刀痕...仲飄散住小量綠色粒子嘅刀痕...

係頭先嗰個...逆行者做嘅...

目標人物...原來係逆行者!

一路行...一路再望望...囚室裡面...都仲係瞓咗唔少傷痕纍纍嘅犯人喺裡面...

有啲仲瞓住喺冰冷嘅地板...望出嚟...望住我哋...

絕望嘅眼神...帶住一點點...希望?



而當我哋行到嚟刑房之時...犯人唔見咗!裡面都只係得返...嗰兩個拎皮鞭嘅屍首...

好乾脆...都係頭同身分離...

切口仲飄散住少量嘅綠色粒子...

嗰個犯人?頭先嗰個...被鞭打緊嘅犯人呢?係俾逆行者救走?

點解會...

同綽姿行上樓梯...鐵做嘅地窖門都已經被斬開...殘骸嘅切口都飄散住小量綠色粒子...

跨過地窖鐵門殘骸,返上地面...室內都係屍橫遍野...

一件件人體殘肢四散喺地上...

切口都仲係飄散住少量綠色粒子...

有部份散喺門口嘅...就連槍都拔唔切...就被分屍...

跨過幾件人體殘肢...行到嚟室外...都係一樣...都係一樣屍橫遍野...

死咗唔少人...唔少愛港愛國嘅人...

假如真係有靈魂呢一回事...而家呢度...唔止得牛牛嘅靈魂...仲增添咗唔少...人嘅靈魂...

綽姿並冇打算理咁多...直頭係連望都唔望多一眼,繼續行出大門...行近我哋架車...

望一望架車...好彩仲完完整整冇穿冇爛!

頭先行上嚟嘅時候,我幾驚唔係俾逆行者揸走,就係斬到變碎件!

綽姿企喺車旁,望兩望遠處。

“咯!咯!咯!咯!咯!”幾個手持長槍嘅...愛港愛國職員跑咗出嚟望咗幾望...

「你哋幾個去嗰邊!你哋跟我嚟呢邊!」就向住唔同方向四散!

我係你哋就真係唔會追出嚟...就算追出嚟都唔希望會搵得到...

「上車。」綽姿打開車門上車。

『係...』上車...上車...

一上到車,綽姿就一手擋住個Engine Start:「唔好開車住...你點睇?」

我...我點睇?睇乜鬼?

『估唔到...黃傘之中...有逆行者...』雖然我唔知黃傘係咩來頭...但我一直都以為,逆行者只係同天門...仲有西貢獻命(雖然已經反咗面...)有關...

「唔係...」綽姿擰擰頭。

『唔係?』我估錯咗?

「一直以嚟,都冇逆行者同黃傘有關連嘅情報...今次應該係第一次。」綽姿點一點頭。

『咁講法...呢個情報應該好值錢啦!』第一手喎!

「你終於似返個行者。」綽姿搭一搭我膊頭。

『哦...多謝...』係唔係即係讚我?我冇Get錯吖嘛?

假如今次真係第一次...逆行者同黃傘有關連...

『咁但係...點解逆行者會幫黃傘?』呢點我又唔明喇...

「你係指...」綽姿諗咗一諗,「救人?」

『嗯...』我點點頭,『你都發現到?』

「你都發現到,我又點會發現唔到。」綽姿冷冷放下一句。

係係...你嘅摩擦力比我強~

「呢個目標人物...」綽姿一邊諗,一邊講,「就係要俾我哋捉...然後俾我哋帶到嚟呢度...救人...我就覺得有啲古怪...」

『古怪?』又有乜古怪?

「一開始嘅時候...捉住佢嘅時候...」綽姿又諗一諗。

『一開始...捉住佢?』即係有乜古怪?

「我一捉住佢嗰吓,佢睇落好驚...但心跳好平靜。」綽姿點一點頭。

『吓?係咩?』我又唔知喎...

我都冇留意過...佢嘅心跳...

「嗯...一直都係...佢一直都表現到好似好驚...但心跳好平靜。我一直都有留意...留意住佢...就覺得有古怪...」綽姿又一邊諗...一邊講。

『喂你覺得佢有古怪又唔同我講?』單聲吖嘛!

「我點知你咁遲鈍,咁都察覺唔到。我都已經叫你搜佢身㗎啦。」綽姿又冷冷放下一句。

『我見你叫我搜佢身,咪搜佢身上有啲乜囉...點知原來係想我留意佢心跳姐...』又係我遲鈍囉...又係要自己察覺囉...

「咁你都已經發現到...佢身上乜都冇。」綽姿又冷冷放下一句。

『嗯...乜都冇...』係對波好好揸囉...

「咁你應該知道...唔係綠色嘅精神液。」綽姿又冷冷放下一句。

『嗯...唔係綠色嘅...』精神液?!

係喎!佢身上...冇類似精神液嘅物體...咁頭先佢係...

「佢身上冇精神液...亦唔會預先用定...因為喺佢身上一直都感覺唔到氣息...」綽姿又邊諗邊講。

冇錯!冇可能預先用定!一直都感覺唔到...直到頭先嗰刻...

『咁係點樣...佢係點樣精神化?!』無中...生有...

「唔知...」綽姿擰擰頭,「我同你見到嘅都係一樣。只係知道...佢哋唔係靠精神液。」

『嘩!我哋又多一個值錢嘅情報喇!!!』今次仲唔發?仲要係有關逆行者㗎喎!

「你真係越嚟越似一個行者...市儈方面...」綽姿兩點紅光望住我。

『許~講呢啲~我跟你學㗎姐~』你咪仲市儈~『不過可惜...都仲係唔知佢哋係點樣精神化...』

最重要嘅...始終都係一頭霧水...

「唔緊要...」綽姿擰一擰頭,「有好多嘢都係急唔嚟...而且仲有一點...更重要嘅一點...就係原來佢哋係可以使用我哋嘅武器...」

佢哋可以...使用我哋嘅...

『冇錯喇!我把精神刀柄!』佢用我把精神刀柄...

「用你把精神刀柄...發動綠光刀刃...」綽姿點點頭。

冇錯!係綠光刀刃!

「呢點我真係冇諗過...佢哋嘅綠光能量...可以注入我哋嘅武器...發動...」綽姿再諗一諗...

佢哋嘅能量...我哋嘅武器...

「我諗唔單止精神刀...長袍都係一樣...」綽姿再諗一諗...

『就連長袍...咁即係話佢哋嘅科技技術都同我哋SPIRIT一樣?』SPIRIT同逆行者...本來都係同一家...

「就算唔可以話係一樣...都應該係大致相同...以我估計...應該都係能量上嘅分別...」綽姿邊諗邊點點頭。

『能量嘅分別...紅色...同綠色...始終都係解唔開呢個迷...』逆行者嘅能量...究竟喺邊度嚟?

唔好話...就連我哋SPIRIT嘅紅色能量,我都唔知喺邊度嚟啦...

「唔緊要,都叫做知道咗唔少關於逆行者嘅事...而且...知得多都未必好...」綽姿又邊諗邊點點頭。

『嗯...』都係嘅...好奇害死貓...

特別係關於逆行者嘅事...

之不過...

『咁點解逆行者要幫黃傘呢?』呢點都仲未有結論。

「唔知...」綽姿擰擰頭,「或者...係想再搵多啲反抗組織合作...尤其係出面...」

『出面?』係指...

「黃傘係活躍於九龍區...逆行者可能想搵出面嘅反抗組織合作...方便做事...畢竟佢哋冇咗西貢獻命...」綽姿又諗一諗...

『嗯...』雖然都唔係太清楚...但總括而言,逆行者就係想搵反抗組織合作...

係合作...唔係僱用...

『不過我又唔明...明明今次嘅目標人物係逆行者...係以前SPIRIT嘅行者,點解可以放呢個委託上SPIRIT?佢哋唔知㗎咩?』點都會有記錄㗎嘛?

「唔知唔出奇...」綽姿又諗一諗,「可能係評估風險嘅行者冇做足功課就放個委託出嚟...又或者...係叛徒...」

『係...叛徒?!』

「嗯...先行者都有變節心...做風險評估嘅行者係叛徒都唔出奇。」綽姿點點頭。

『嗯...』都係嘅...

不過我而家先知...原來委託係有行者...去做風險評估...

『不過真係好險!好彩個逆行者冇打算同我哋對打!』真係萬幸~

「因為交易已完成...知道我哋唔會阻佢...佢都係等呢一刻先郁手。佢始終都做過行者,知規矩。」綽姿點點頭。

『吓?乜係咁㗎咩?』又唔早啲講?

「一直都係...唔係委託期間,任務之內,可避免嘅都避免...」綽姿又點點頭。

『唔怪得啦...唔怪得你尋晚可以咁大安旨意等片翼一個對班逆行者啦!』原來就係因為我哋已經完成委託!

「之不過...如果我係佢...我一定斬你對手落嚟!鬼叫你咁多手非禮人。」綽姿冷冷放下一句。

『我?我邊係非禮人呀?!又係你叫我搜佢身嘅!』

「你咁叫搜身咩?」

『我!我...』

「一啲槍聲都冇...睇嚟佢哋搵唔到...」

『俾我都係寧願搵唔到啦...』搵到會死㗎大佬...

「傾咗咁耐,都係時候開車走。應該唔會遇到佢哋...」綽姿望一望出窗外。

『哦...』遇到都唔怕啦~委託完成喇嘛~

“吱!吱~”

『冇咗把精神刀柄...』

「自己買返把。」

『吓?又要自己買?』

「唔通我買?係你自己唔小心俾人搶走。又唔見佢搶我嗰把?明顯就係你自己嘅問題。」

『係係~又係我問題~』

駛返出大馬路...差唔多每個燈位都停一停...

長長一條大直路...都差唔多有四五個燈位...每個燈位都係紅燈...

直到駛到嚟一個熟悉嘅地方...一個熟悉嘅巴士站...

我駛到埋巴士站...停一停低...

「喂...你...你做咩?」

我落車望一望...行近巴士站...再望一望...面前嘅鐵絲網...

『呢個公園...呢個球場...』已經拆晒...

而家眼前嘅...只有鐵絲網圍住...一塊爛空地...

綽姿都落咗車,行到嚟我身邊,一齊望入呢塊爛空地...

『呢度...變...』

突然…覺得有啲攰…

「嗯?喂!你唔係而家...」

好眼瞓…

「唉...真係好弱…」

四肢乏力…



..

.

TO BE CONTINUED