《香港傭兵》: [Day 17－四出搜尋] PART 04
行返出嚟馬路邊等小巴。
企喺身邊嘅都係頭先撳機嗰幾個...一齊由特殊區出嚟嗰幾個男男女女...
其實我已經認得佢哋...已經認定佢哋幾個都係SPIRIT嘅行者。
有殺錯，冇放過吖嘛～
標記咗佢哋先都冇衰嘅～
唔知佢哋嘅目的地喺邊呢？
會唔會有更好嘅地方呢？
等多一陣...
“吱！吱...啪！”終於等到開去荃灣嘅紅Van停喺面前，打開車。
乘客一個一個咁上車。
「五百～五百～位位五百～」紅Van司機就攤大手板收錢。
『嘩...出一出荃灣都五百吖？』上條天橋就到㗎喇喎...
「多人坐吖嘛！咪收貴啲囉！你唔撚鍾意就自己行入去啦！」紅Van司機唔撚想做我生意咁。
『五百咪五百囉...』我就將張五百蚊紙交到紅Van司機手。
果然人多係收貴啲係真嘅～
紅Van嘅生意我真係識條鐵～
你話啲錢幾唔見使～又唔見五百蚊喇～
車廂裡好快就坐滿乘客...
“啪！吱！吱～”紅Van都向住荃灣方向起飛。
真係唔使幾耐...真係好鬼快就飛到嚟荃灣！
“吱～吱...啪！”紅Van一停定打開車門，乘客都紛紛落車。
我都跟住同頭先由特殊區一齊出嚟嗰幾個男男女女身後行...行過幾條馬路。
企喺燈位前等一等...都已經觀察咗一段時間...睇佢哋幾個應該都係...互不相識...
但就都係向住同一個方向行...向住地鐵站嘅方向行。
其實我都係一樣...想行去搭地鐵。
要我去大澳咁遠，我淨係識搭地鐵㗎咋～
咁佢哋幾個...又會想搭地鐵去邊呢？
等幾架大型貨車喺面前駛過之後，我又跟住前面嗰幾個黑色大褸男男女女身後行。
行到過嚟地鐵站...入埋閘...行到嚟月台等車...
月台上都冇乜人...除咗我哋幾個...都只係得幾個阿叔阿嬸等緊車。
或者係因為過咗返工時間...
唔覺唔覺都差唔多到十點...
我就行遠少少...離開嗰幾個同我一齊由特殊區出嚟嘅男男女女...
無謂俾人誤會我跟住佢哋啦～
“飃！”地鐵列車都好快埋站。
行到入車廂裡，仲有大把位坐。
我再望清楚地鐵嘅路線...真係複雜咗好多...
好似多咗唔少線...多咗好多站...
而要去到大澳嘅話...都係喺東涌落車...
好啦～希望平平安安咁過到去啦～（搭地鐵可以好唔安全咩？唔知喇...始終呢個都係動盪不安嘅時代...）
列車開始行駛...
每到一個站都有乘客上落車。
當中仲包括嗰幾個同我一齊由特殊區出嚟嘅男男女女...
嚟到荔景轉車，就得返兩男三女一齊等車。
呢兩男三女...都係過去東涌？
會唔會又係咁啱...都係打算去大澳？
轉搭東涌線嚟到東涌，最後就得返我同嗰三個女仔。
嗰兩個男嘅分別就喺青衣同欣澳站落咗車。
繼續離遠咁跟住呢三個女仔身後行...出閘...再行到嚟巴士站。
我哋三個都係企喺去大澳嘅巴士站等巴士。
咁睇嚟真係...
除咗話大家嘅目的地都係大澳之外...仲係SPIRIT嘅行者。
一定唔會有錯㗎喇...
千里迢迢由特殊區走過大澳，唔通真係太無聊走嚟遊覽咩？
佢哋三個睇起上嚟都唔過廿歲...不過就唔知係屬於咩級數嘅行者...
而家先唔好理佢哋係咩級數嘅行者，只要好好記住佢哋...話唔定...遲啲會有機會遇到...
同三個女仔一齊企喺巴士站等巴士...然後身邊又多咗幾個黑色衣著，著住大褸嘅男男女女。
都係嚟自其他地方嘅行者？
係嘅話...就真係麻煩...
等多一陣...
“吱...”終於都有巴士埋站。
上到巴士坐定定，好快就滿坐。
真係好多人入大澳...仲要個個都係同我一樣，黑色衣著，著住大褸嘅男男女女。
呢種衣著雖然平常，之但係當去到好似而家咁...全車人除咗巴士司機之外，冇一個唔係咁著就會覺得奇怪...
真係好似被SPIRIT包咗車咁...
“吱！吱～”入大澳嘅路好似闊咗，但都仲係爛爛地...
我唔知架巴士嘅避震算唔算好，之但係我就坐得好唔舒服。
講真...平時都冇乜機會走嚟大嶼山...更唔好話要入大澳...
或者係星期二嘅關係，沿路都好似冇乜車駛過。
之但係...頭先喺東涌...就見到有唔少旅遊巴落緊客。
係邊度嚟嘅旅客？
東涌都發展成一個旅遊區嘛？
唔知喇～
大嶼山咁大～可發展嘅空間亦同樣咁大～
政府想點發展就點發展㗎啦～
“吱...”坐到就快暈車浪先終於嚟到大澳...
『嗚呀～～～』一落車就第一時間抖返個大氣！
屌真係痴撚線...山長水遠走入嚟...坐車都坐到暈暈地...
好啦～抖順條氣就快啲行去搵精神液買～
我都唔使拎部電話出嚟睇，就咁跟住頭先嗰三個女仔行。
其實唔止嗰三個...身邊都仲有唔少黑色衣著，著住大褸嘅男男女女一齊向住同一個方向行。
大家嘅目的地...都應該係同一個地方呢...
行到入大澳，冇幾多間店舖係開門。
或者係平日嘅關係，正常唔會有太多人入嚟...
係今日先咁...唔正常...
繼續行，同大部份人一樣向住同一個方向行...
然後都行咗幾耐...行咗好入...
然後嗰三個女仔就行到嚟一間...掛咗幾條鹹魚喺門外...賣乾貨嘅店舖...望咗一眼...
三個女仔都各自望咗呢間乾貨店一眼，然後各自行唔同嘅路。
嗯？點解佢哋...
唔止佢哋三個，其他人都係一樣，各自望咗呢間乾貨店一眼，然後各自行唔同嘅路。
係呢間...呢間乾貨店...就係SPIRIT嘅商店？
我拎部電話出嚟，打開個地圖睇睇...
『係呢間喇喎...』面前呢間乾貨店...就係我千里迢迢走過嚟...位於大澳...SPIRIT嘅商店...
之但係點解個個都係望一眼...就離開？
入都唔入去？
咁奇怪嘅？
個個都係咁...望一眼，然後各自向唔同嘅方向行...
呢種情況...
唔好理咁多喇～既然都嚟到，梗係要入去睇睇啦～
我就行入掛咗幾條鹹魚喺門外...賣乾貨嘅店舖...
當我一行入店舖裡，就見到個地中海四眼阿叔打量住我。
呢個地中海四眼阿叔應該就係呢間乾貨店，亦都係SPIRIT商店嘅老闆喇掛？
我就鬼鬼祟祟望望四周，再向住地中海四眼阿叔行近，細細聲問：『唔該...我想...』
我都未將要講嘅嘢講出口...
「新嚟㗎？」地中海四眼阿叔冷眼打量住我。
『呃...都...都算係嘅...』都係做咗兩個禮拜多行者姐...算新啦呵？
「盲盅盅咁盅入嚟...唔使講都知係新嚟㗎啦...」地中海四眼阿叔唔多想理我咁，整理乾貨。
『呃...即係？』點呢？
「有冇望到出面條鹹魚吖？」地中海四眼阿叔指一指門口條鹹魚，「有張白色紙包住打咗個紅色交叉吖？」
我回頭一望...望住掛喺門外嘅一條條鹹魚...
「即係話冇精神液賣吖...間間舖都係咁㗎...識未吖？」地中海四眼阿叔冷眼望一望我，又繼續整理乾貨。
乜...乜原來係咁㗎？
原來有啲咁嘅...規矩...
不過講返轉頭，你又知我係嚟買精神液嘅？
『呃...係呢...唔知幾時會有貨呢？』一場嚟到，探探口風都好。
「我點知吖？」地中海四眼阿叔懶得理我。
『呃...咁點解會缺貨嘅？』再追問。
「我點知吖？」地中海四眼阿叔繼續整理乾貨。
『咁...唔知邊度仲有貨呢？』繼續追問。
「你問咁多我點知吖？有咪有囉！冇咪冇囉！有咪賣俾你囉！冇咪你自己搵囉！」地中海四眼阿叔勁唔耐煩咁。
『咁...』我都未將想問嘅嘢問埋出口...
「咁咁咁...咁乜鬼嘢吖？叫你自己走去搵吖仲咁！過主啦！」地中海四眼阿叔向我揮揮手，趕我走。
『哦哦...唔該...』走咪走囉...
「真係未見過有行者咁鬼多嘢問...」
行到出乾貨店外...我搵個鬼祟位...閃埋一角...偷偷望...
我偷偷觀察...行過嚟乾貨店嘅人...
留心啲睇...真係個個都望條掛喺門外...有張白色紙包住打咗個紅色交叉嘅鹹魚一眼...然後就離開...
原來真係咁嘅...
而望到條鹹魚之後冇行入去嘅...應該都係行者...
果然真係...真係有好多行者走咗過嚟搵精神液...
可惜嘅係...就連咁偏遠嘅大澳都冇得賣...
咁點好呢？
喺邊度仲有得賣呢？
山長水遠千里迢迢走到過嚟又兩手空空咁返去...好戇鳩㗎喎...
就喺我都仲未諗到下一步要點行之時...突然！
「喂～」背後傳嚟嬌俏嘅女仔聲！
我嚇咗一大嚇！立即回頭一望！我就望到...
『羅...羅？！』羅羅帶住微笑企正喺我身後！
我眼甘甘咁望實可愛得意嘅羅羅...回一回神...
『想嚇死人咩...成日都鬼鬼祟祟咁突然喺人哋背後出現...』第一次遇到羅羅又係咁...
「我企咗喺你後面好耐啦～係你察覺唔到咋嘛～你夠鬼鬼祟祟咯～喺度𥄫咩吖？𥄫女吖？」羅羅又八八卦卦咁探頭望出去～
咁啱出面就有兩個女仔路過乾貨店。
『唔...唔係...我喺度留意緊...我哋SPIRIT嘅行者姐...』而家睇睇有幾多行者好似我咁走嚟呢邊，做定統計，可以評估定要買又或者仲可以喺出面買到幾多精神液吖嘛。
不過照咁睇嚟...機會渺茫...
「哦～都真係幾多人走嚟呢邊搵精神液喎～」羅羅繼續八八卦卦咁探頭望出去～
『嗯...可惜呢邊都係缺貨...』咁遠嚟到都係冇...蝕吖...
「聽講係大缺貨...度度都冇...連呢邊都冇嘅話...」羅羅諗一諗，又點點頭，「睇嚟就真係喇...」
『大缺貨吖...係呢...你都係嚟搵精神液㗎？』我望一望羅羅...
咁近距離望住羅羅塊面...皮膚都係咁細緻...睇唔到毛孔...
果然係天生麗質...
「係吖～見差唔多用晒咪諗住入定啲貨囉～呢度都冇...呢度都冇...」羅羅單手箍住我條頸...點點頭...
呢一箍...羅羅成個人就壓晒埋嚟...
我又感覺到...一對仲發育緊嘅小饅頭...
「早知係咁就唔賣嗰兩支精神液俾你哋啦～」羅羅谷一谷塊面豬登～
『我嗰支未用吖...還返俾你喇...』無謂搞到好似我欠咗你咁啦...
「咁又唔使～」羅羅古古惑惑咁笑住擰擰頭～
『呃...』你笑得咁古惑...我有啲驚驚喎...
「嗱～你今日就陪我一齊去搵精神液～」羅羅雙手箍住我條頸...
今日我...陪羅羅一齊...搵精神液...
「反正你都要去搵～」羅羅越箍越埋...塊可愛面蛋就越貼越近...
反正我都...要去搵...
「有我陪你一齊搵...有你著數啦～」羅羅塊可愛面蛋貼到埋一埋...差少少就嘴掂嘴...
真係...咁著數？