《香港傭兵》: [Day 22－現在未來] PART 13
我都拎住支Level 2精神液...用力一捏...
手中嘅精神液立即粉碎...分散成紅色嘅粒子...
無數發住紅光嘅紅色粒子就喺我左手手掌中飄出...飄到去手背...
手背上出現一個發出紅光...倒轉咗嘅五角星...
寒意由手背傳遍手掌…傳到手臂…全身...
當道寒意游到上頭之時…
「救...救我...」女仔聲...
「呢度...呢度係...」又係女仔聲...
「係...水？好凍...好...好...凍...救...救命...」又係女仔嘅...求救聲...
“吱！”突然個頭痛一痛！
“吱！吱！！！”刺痛...好似被針吉咁！
我雙手撳一撳住個頭！
「飛揚？」係日倫把聲，「你冇事吖嘛？」
我望一望...望住日倫、綽姿同羅羅都打量住我。
『我...我冇事...』冇...冇再痛...
頭先...刺痛咗一陣...
「咁就準備...」綽姿笠返頂帽，拉高衫領，「出發。」
『係。』我都笠返頂帽，拉高衫領。
車尾大門打開，綽姿就立即跳出去！
我都立即以忍步跟上！
喺暗黃色嘅街燈照射之下嘅馬路上以忍步極速移動！
我同綽姿跑得快到穿過燈光都照唔出影！
「聽唔聽到？聽唔聽到？」耳邊轉嚟日倫把聲。
『聽到。』仲好清楚...就好似喺耳邊講緊咁...
日倫繼續講：「我會一直支援住你哋。」
「仲有我吖～」羅羅都加把口，「我會為你哋打氣㗎喇～」
『哦...哦...多謝...』打氣？都好嘅...
綽姿冷冷放下一句：「你出少句聲就當幫忙。」
羅羅又古古惑惑嘅語氣：「做咩吖？怕我陰你哋吖？」
陰...我哋？
綽姿繼續冷冷放下一句：「你知就好啦。」
「嘿嘿...」羅羅陰陰嘴笑...
陰唔陰都好...問題都唔大...
只要好好咁分析...
我同綽姿Keep住以忍步高速移動！
呢條路線...都係跟住日倫所計劃嘅路線跑...
一啲偏差都冇...完完全全跟到足...
我好記得...啱啱經過嗰四條街...三個街口...
然後...再過埋前面個街口...再轉左之後...
喺天橋之下穿過...再以忍步跑前幾步...只係過咗一個街口...
綽姿一跳！就跳咗上一棟危樓之中...
當然...我都立即跟住綽姿身後一跳...跳上危樓之中...
我記得...呢棟危樓...係喺日倫所計劃嘅路線之中...唔止...
仲有上一次...同上一次嘅路線...
同綽姿喺黑漆漆嘅危樓之間以忍步跑...
冇牆...就只有爛柱...喺一地都係碎石上以忍步極速奔跑...
一邊跑...一邊眼尾望出去...同之前一樣...都唔覺得好光...
陰暗嘅環境...最適合我哋行動...呢種感覺...更加強烈...
繼續同綽姿以忍步跑...唔使幾耐就跑到嚟危樓嘅盡頭...我哋一左一右同時向住對面棟危樓一跳...
我哋一跳入對面棟危樓...同時落地...再一跳...跳過面前個大窿...繼續以忍步極速移動...
喺危樓之中...以忍步穿過頭頂一個個窿...跑到去成個頂都冇咗嘅位置...
被頭上一片夜幕所包圍之下以忍步跑...
黑夜...黑夜...
夜幕之下，我同綽姿兩個黑色身影就喺棟廢棄嘅工業大廈之上跑...
跑上瓦礫...喺瓦礫上跑...
唔好話有冇踩爛...就連一啲聲都冇...
我同綽姿都係一樣...真係可以話係踏雪無痕...
跑到差唔多到盡頭之時，我同綽姿都由危樓邊一跳...
“吱～”剛好就有一隊銀色巨型貨車車隊...迎面駛緊過嚟...
我同綽姿就跳上頭一架銀色巨型貨車嘅車頂...
係由神秘工廠駛出...駛過嚟...果然...同日倫所計劃嘅...完全一樣...
就連半點偏差都冇...
“吱～”雖然話巨型貨車都開得幾快...之但係我哋跑得更快...
“吱～”我同綽姿喺一架又一架銀色巨型貨車上跑...以忍步與貨車逆方向跑...
銀色巨型貨車車隊成為我哋嘅橋樑...極速向神秘工廠接近...
望住眼前嘅神秘工廠越嚟越近...越嚟越近...越嚟越接近巨型銀色圍牆...
我同綽姿就向住圍牆上一跳...同時跳上圍牆頂...
喺高高厚厚嘅銀色圍牆之上...踎一踎...望一望...
望清楚環境之後，我同綽姿就跳落下面條鐵製吊橋...
我同綽姿小心翼翼咁喺鐵製吊橋上一邊潛行...一邊留意住橋下情況...
四周都係有唔少射燈射住...又或者照嚟照去..
然後當我哋行到嚟...被一盞定點射燈射住嘅位置...
突然...盞燈移一移開...
然後耳邊就聽到日倫講：「外面我仲可以控制到。」
外面...
我同綽姿繼續潛行...射燈再照返住我身後嘅位置...
一盞...又一盞...仲有就嚟掃過嚟嗰盞...
然後...再去到前面嗰盞定點射燈...
日倫帶住點點困惑：「奇怪...唔得嘅？」
綽姿留意住盞定點射燈：「控制唔到？」
日倫接住答：「係...唔知點解...突然控制唔到...」
綽姿踎到定一定：「你再試試...我哋喺度待機...」
而我...我就踎到定一定...偷偷望落橋下...
我望到...望到喺橋下...正正就有...六個解放軍士兵巡邏緊...
六個...六個都係黑色Full Gear...用上我哋SPIRIT物質嘅Full Gear解放軍...士兵...
係人...係人...
我不自覺咁...由橋上跳落去...
我左手拔出精神刀柄...反手手持精神刀柄...亮出紅光刀刃...由上而下...由左至右...直插落最後嗰個Full Gear嘅解放軍士兵嘅鎖骨位...
一插到落去之時...我同時從後右手撳住士兵個口...全把紅光刀刃插晒入佢體內...
士兵只係震咗一震...失去知覺咁跪喺地上之時...我再橫刀一斬...斬甩佢個頭...
士兵嘅頭顱都未飛到上空中...我再以閃電嘅速度將眼前仲未察覺到我嘅存在嘅Full Gear解放軍士兵分屍...
“啪 啪 咚 啪 啪 咚 咚 啪”一件件人體殘肢就散喺地上...
綽姿立即由吊橋上跳落嚟，喺我身後同日倫異口同聲咁問：「你做咩吖？」
我背住綽姿...回頭一望：『殺...人...』
綽姿行前一步：「計劃係潛...」
我冇等綽姿講完...就準備好向正要由轉角飛出嚟嘅銀色Drone進行攻擊...
我一跳就跳到上空中...
“嗡！嗡！”一個十字斬，就將隻銀色Drone斬開四件...
喺四件銀色廢鐵跌緊落地嘅同時...我順勢一個轉身....轉一圈...向住掛喺牆角嘅黑色半圓球CCTV使出空中迴旋斬...
紅光刀刃就圍住我身上轉一轉...
“嗡！”黑色半圓球CCTV一分為二...
“啪 啪 啪 啪 咚 咚”銀色同黑色嘅廢鐵就跌到落地上...
綽姿都行到嚟我背後：「我咪話咗我哋今次係潛入...」
『嗯...』我點點頭，『潛入都可以殺人...』
綽姿繼續講：「但殺人就好容易打草驚蛇...」
『必要時...就要清除障礙物...你話係唔係吖？黑影...』我問一問日倫意見...
「嗯...」日倫諗一諗，「都啱嘅...咁就喺冇必要時繼續潛行...喺未被發現之前...繼續行動。」
綽姿都點點頭：「了解。」
『了解。』殺人...殺人...
同綽姿一跳...跳上對面嘅鐵製吊橋...繼續以潛行方式前進...
估唔到...就算係用上我哋SPIRIT物質製造嘅裝甲...都可以輕易咁用精神刀插入...斬成碎件...
起初仲以為...會比較硬...未必插得入...
睇嚟解放軍就算用上我哋SPIRIT嘅物質...都係不外如是...
我同綽姿繼續喺鐵製吊橋上潛行多兩步...就見到兩個黑色Full Gear解放軍士兵喺前面行過...
我同綽姿停一停...等兩個士兵再行前啲...行遠多少少...
我就立即以忍步接近...從後撳住右邊嗰個士兵把口...拔出精神刀...亮出紅光刀刃...一刀由背脊插入...
紅光刀刃由士兵胸前刺出...我抽返把精神刀出嚟...鬆開手...喺佢仲未瞓落地之前...我快速喺佢身上斬兩刀...再橫斬一刀落佢條頸...
我再喺左邊個士兵未嚟得切擰個頭望過嚟之前...一個迴身半月斬...將佢上下分成兩半...再橫斬一刀落佢條頸...
“啪 啪 啪 咚 啪 咚”人體殘肢同頭顱同時散喺吊橋上...
解決咗兩個解放軍士兵之後...我同綽姿繼續喺吊橋上潛行...
然後行到差唔多到盡頭...一個轉身跳上隔離條鐵製吊橋...
一邊潛行...一邊細心留意橋下...
Full Gear解放軍士兵...全部都係...著上黑色裝甲...用上SPIRIT嘅物質...
睇嚟...已經成為呢度嘅常規裝備...
好想殺...好想殺晒佢哋...殺晒喺下面巡緊嘅...
「繼續行。」綽姿冷冷放下一句。
『嗯。』繼續行...
望住一隊隊巡邏緊嘅解放軍士兵...仲有唔少著白色長袍嘅研究人員...我同綽姿就繼續喺吊橋上潛行...
唔少著住白色長袍嘅研究人員喺大樓同貨倉出出入入咁...
仲有唔少工人坐住啲鏟車...又或者係啲拖車拖住一箱箱貨...
仲有咁多貨？
都係SPIRIT嘅黑色物質？
以日倫所講...明明前晚就俾我破壞晒成個西貢遺址...理應唔會仲有貨車運貨過嚟...
無錯...早喺我見到日倫幅路線圖...我就好奇...真係會有貨車車隊由工廠駛出？
咁講法...解放軍咁快就將西貢遺址嘅設施整返好？
不過照我而家觀察...啲一箱箱黑色貨箱又冇上次嚟咁多...
而且...大門都冇再打開...冇貨車車隊駛入...
睇嚟...唔會係整返好...
西貢遺址應該仲未搞返掂...
貨車車隊唔一定係來回西貢遺址...
呢度嘅貨...話唔定都係之前存放...
我同綽姿一跳...就跳上一個貨倉頂...
踎喺貨倉頂...再留意一下地面嘅情況...
日倫提醒我哋：「貨倉牆身有兩隻CCTV。」
我同綽姿異口同聲：『了解。』
然後...我同綽姿同時一躍而下...一邊拔出精神刀...亮出紅光刀刃...一個轉身....轉一圈...各自向住掛喺牆身嘅黑色半圓球CCTV使出空中迴旋斬...
紅光刀刃就圍住我身上轉一轉...
“嗡！”黑色半圓球CCTV一分為二...
我同綽姿同時落地...
“咚 咚 咚咚”四件CCTV殘骸就跌落地上...
綽姿立即拎部電話出嚟撳幾撳...然後放喺牆身上嘅裝備前...
“咔！”貨倉大門打開...
喺貨倉大門仲未打開晒...只係打開咗一條罅之時...我就已經見到裡面...有三個著住白色生化衣嘅研究人員...
一個喺左邊玻璃研究室...另一個喺右邊玻璃研究室...最後一個喺正中間最後嘅玻璃研究室背住我哋...
喺貨倉大門開到有一個身位之時...左右兩個拎住平板電腦嘅研究人員快要望過嚟...
我就立即以忍步突入...跑向右邊玻璃研究室...喺研究人員仲未嚟得切撳手上塊平板之前...
“嗡！”一刀就將研究人員對手斬落嚟...
喺對手同平板都未跌到落地之前...我順勢迴身半月斬...斬落研究人員條頸...
我眼尾望一望左邊...綽姿正要向左邊玻璃研究室裡面個研究人員出手...
我就直接以忍步跑去正中間最後嘅玻璃研究室...
喺裡面嘅研究人員仲未發現我已經跑到去佢背後之時...我從後撳住佢把口...一刀由背脊插入...
紅光刀刃由研究人員胸前刺出...全身震咗一震...我抽返把精神刀出嚟...鬆開手...喺佢仲未瞓落地之前...我快速喺佢身上斬兩刀...再橫斬一刀落佢條頸...
“啪 啪 啪 咚 啪 啪 啪 咚 咚”人體殘肢同頭顱都散喺地上...
殺人...殺...殺人...