《香港傭兵》: [Day 22－現在未來] PART 15
“嗡！嗡嗡嗡！”我再將六個解放軍士兵嘅頭顱都斬埋落嚟之後...
殺人...殺人...不停殺人...
抵死嘅解放軍...冇一個係無辜...
當我將吊橋上嘅解放軍士兵殺晒之後...
“噴超！噴超！”地面傳嚟兩聲響...
我回頭望返落地面...正正就望到有兩粒…尾部噴住火光嘅物體…向住我身處嘅吊橋上…飛緊埋嚟...
火箭炮？
望住兩粒火箭炮越嚟越近…
我舉起紅光刀刃...用刀身輕輕啪一啪兩粒火箭炮嘅彈身...
兩粒火箭炮隨即改變航道...轉頭向住喺地面仲托住火箭炮筒嘅兩個黑色Full Gear解放軍士兵飛埋去...
兩個士兵完全嚟唔切反應...
“轟轟隆隆！”火箭炮隨即爆開...火炎同黑煙升上空中...
火光熊熊...空氣中瀰漫濃煙味...
幾架又幾架三角形嘅Drone穿過黑煙...飛到嚟我面前...
十幾條紅色Laser同時間指住我...我身上...頭上都有紅點...
十幾架Drone一停定...
“吱！啪啪啪啪啪啪啪啪啪啪啪啪！！！”就同時向企我開槍...
我立即揮動手中嘅精神刀...
“嗡！嗡！嗡嗡嗡嗡嗡嗡嗡嗡！”將飛埋嚟嘅子彈逐一擋住...
不停揮動精神刀...紅光刀影就圍住我身不停閃著閃著...就好似紅色嘅保護罩一樣...
子彈一接觸到紅光刀刃...立即化成輕煙...
“嗡！嗡！嗡嗡！嗡嗡嗡！”我再擋多十幾粒子彈之後...就以刀身將子彈嘅航道改變...彈返轉頭...
幾十粒子彈向住十幾架Drone飛返過去...
“啪！啪啪啪！啪啪啪啪！”十幾架Drone同時擊落...跌落地面...
同時...
“吱！依！”地面又嚟咗幾架裝甲運兵車...
好多好多黑色Full Gear解放軍士兵由裝甲運兵車車尾跳出...
一個又一個...黑色Full Gear解放軍士兵一邊舉起長槍指向我...一邊小心翼翼咁移動...
十幾條紅色Laser同時間指住我...喺我身上掃嚟掃去...
我冇認真去數有幾多人...只係見有好多...好多...有好多人...等緊我殺...
我立即飛返落地面...
“啪啪啪！啪啪啪！啪啪啪！”十幾個士兵就向住我開槍...
“嗡！嗡！嗡嗡！嗡嗡嗡！”我一邊以忍步極速接近...一邊揮動紅光刀刃擋子彈...
唔使好耐...只需幾秒...或更短時間...就俾我跑到去士兵面前...
“嗡！嗡嗡！”我一刀斬斷士兵手上支長槍...再兩刀斬斷對手...一手捉住佢個頭...一刀直插入佢胸口...抽返把刀刃出嚟再一刀斬甩佢個頭...
喺士兵個頭顱仲飛緊上空中之時...我就已經向另一個士兵施毒手...
斬斷支長槍...斬斷雙手...喺身上斬幾多...再一刀斬甩個頭...
一個接一接...極速咁橫斬...直砍...一刀插入胸口...斬甩個頭...
人體殘骸散到一地都係...
冇一個係無辜...所有解放軍...
突然...有三部坦克車由地底升到上嚟地面...
三部坦克嘅砲口都對正住我...
“轟！轟！轟！”三部坦克向我發砲...
三粒大大粒砲彈勢凶夾狠飛埋嚟...
我企定定...輕輕揮刀...
“嗡 嗡 嗡！轟轟隆隆轟隆！”三粒砲彈隨即被我斬爆...
我立即以忍步穿過爆風...跑到去坦克面前...一刀...
“嗡！”斬斷支砲...再亂刀斬落坦克車身...
“轟隆！”坦克爆炸之時...我就以忍步跑去另一架...斬到解體...再跑到另一架...又斬到解體...
“轟轟隆隆吱吱啪啪啪 ”三架坦克爆炸...燃燒...
火光紅紅...四周都火光紅紅...濃煙飄到空中...
有唔少燒人肉嘅香味...夾雜喺濃煙之中...
仲未完...仲有生命...仲有好多生命...過緊嚟...
我感覺到...嚟自四方八面嘅...生命...
我要殺...殺晒全部...殺晒全部解放軍...
喺熊熊烈火同濃煙包圍之下...
“啪啪啪啪啪啪！”喺槍聲...
“嗡嗡！嗡嗡嗡嗡！”同揮動精神刀嘅樂聲之中...殺人...
一個又一個生命...由我手中...消失...
人體殘骸散到一地都係...
仲有裝甲車...坦克車...Drone嘅殘骸在燃燒...爆炸...再燃燒...
殺人...殺人...要將全部生命...消失...
我完全冇意要停落嚟...就好似反射動作咁...見到生命就要令佢消失...
分屍再砍甩個頭...每個都要砍甩個頭...
直至到...最後一個...
被火海包圍之下...企喺火海之中嘅我...單手捉住個已經被我斬斷雙手嘅解放軍士兵條頸...秤到雙腳離地...
「求...呃！呃...」當個士兵想講嘢之時...我就用力捏住佢條頸...再用力啲...再大力啲...唔俾佢出聲...
由於士兵戴咗黑色頭盔面罩...我睇唔到佢個樣...但我可以好清楚咁感覺到...掌心...感覺到脈搏在跳動...頸上嘅脈搏...跳得好激烈...好急速...
係好驚？面對死亡嘅驚恐？
喺你哋對住手無寸鐵嘅平民開槍之時...又有冇諗過人哋都有你而家呢種感覺？
就喺呢個時候...綽姿穿過火海...由遠處一步一步行過嚟：「搞掂晒喇？」
『嗯...』我一刀插入士兵胸口...舉一舉起...一抽刀就喺佢身上連斬兩刀...再一刀橫斬落佢條頸...『搞掂...』
“啪！啪！啪啪！”士兵嘅身體殘骸跌喺地上...
頭顱喺空中轉咗幾個圈...
“咚！咚...”跌喺地上碌咗幾轉...
廢鐵在燃燒...
被火海包圍之下...濃煙包圍之下...一地屍骸...
我回望住綽姿行過嚟我身邊，問佢一句：『Set好晒炸彈？』
「未...」綽姿擰擰頭，指住我身後，「仲差嗰個倉。」
我回頭一望...喺火海之間...濃煙之中...再遠啲嘅位置...有一個比較大嘅貨倉...
『嗯...我哋一齊去。』我回身走入火海...向住貨倉方向行...
綽姿跟喺我身邊...跨過散喺地上嘅人體殘骸...一齊穿過火海...穿過濃煙...再行多幾步...向住中門大開嘅大貨倉行過去...
『感覺真係唔多好。』中門大開...就好似...請君入甕咁...
「嗯。」綽姿都點點頭。
雖然我哋都有不祥預感...但無阻我哋繼續向住大貨倉行過去...行入去...
當我同綽姿都行入大門...行到入貨倉...再行多兩步...
“咔！啪！”背後嘅大門立即關上...
『果然呢...』我望望整個大貨倉裡...空無一物...就只有黑色牆身...同天花上照明嘅燈...
打Boss嘅節奏嘛？
突然...牆身、地板同天花表層都出現薄薄一層...紅色粒子？
「點會...」綽姿望望四周...
『係我哋SPIRIT嘅精神能量？』唔止肉眼睇得見...仲感覺到...氣息...
喺牆身地板同天花都感覺到雜亂嘅氣息...
「應該就唔會有錯...但點解...」綽姿諗一諗...
『點解解放軍會有精神能量？』除咗黑物質...
「唔係...」綽姿擰擰頭，「係點會...喺死物...」
『嗯？』一時間我唔係好理解綽姿所講嘅“死物”...
「我哋SPIRIT係要用精神液注入身體...精神化後令長袍同精神刀發動精神能量...但係而家...」綽姿留意住四周...
即係話...精神能量唔會依附喺死物？
『咁我哋啲炸彈呢？』我哋啲炸彈唔係都係以精神能量引發㗎咩？
「唔同...」綽姿擰擰頭，「炸彈係要精神化嘅我哋去觸發...冇精神化嘅話係觸發唔到...更何況...炸彈係一瞬間爆...同依附...維持生效唔同...」
咁...即係...
就喺我仲思考緊嘅同時...
“吱！依！”貨倉正中間嘅地板，打開咗一個大圓形機關...有一部...銀色嘅...同一個標準軍人差唔多高大...穿著式裝甲咁嘅物體由地下升上地面...
穿著式裝甲...終於都俾我喺解放軍身上...遇到啲似返未來嘅武裝...
綽姿立即提高戒備...我就仔細咁望清楚...
全身銀色爧面配搭啞面裝甲...比起見過嘅Full Gear解放軍士兵包得更實...更貼...
胸口有個拳頭咁大嘅白色圓形...又有十幾條白線由大圓形散去身體各部位...
而頭盔面罩中間又有一個圓形...
就咁睇...都有幾分似Metal Gear嘅Gray Fox...
只係而家面前嘅穿著式裝甲...背後仲有兩支銀色長方體...好似Destiny咁一左一右...係差在冇對光之翼...唔知係乜嚟...
我可以好肯定...呢部唔係機械人...而係好似Iron Man嗰種穿著式裝甲...
因為除咗睇到外型之外...我感覺到裡面...穿著式裝甲裡面...有生命...
真係有個人喺裡面...著住套穿著式裝甲...
就喺我同綽姿都打量住眼前套穿著式裝甲之時...突然...
穿著式裝甲身邊出現咗個人...
而喺呢個“人”身上...我感覺唔到佢有生命...
係...立體投射影像...
而呢個人...係...屠總司令...
我認得...呢個睇起上嚟大約五十歲... 左邊面仲有一條刀疤...著晒軍服...胸前勁多章嘅軍人...就係解放軍嘅屠總司令...
「SPIRIT...」突然...空間都響起屠總司令把聲，「果然係陰險小人！」
立體投射影像係好真...但音效都係要靠喇叭就真係差啲...
但點解會話我哋係陰險小人？
屠總司令行前兩步：「口講就話任我哋研究...合作又好...自行研究又好...研究到啲乜都冇所謂...實際呢？哼！」
研究...所指係...係啲咩呢？
我記得...喺會展嗰次短暫嘅會議...片翼臨走有講過...我哋從來都冇話過唔俾佢哋研究...甚至共同研究...不過呢種科技好危險...好好諗清楚輸唔輸得起...
「定係...」屠總司令轉咗一轉諗諗，「國安局委託你哋嚟搞破壞？」
國安局？點解佢會認為係國安局委託我哋？
佢哋唔係一黨㗎咩？
大家都幫支共做嘢...直頭可以話係支共嘅左右手...
點會...鬼打鬼？
屠總司令企定定：「點都好...前晚你哋破壞我哋西貢遺址...我就估到你哋好快就會打呢度嘅主意...你哋兩邊都信唔過！」
我哋兩邊...係指我哋SPIRIT同國安局...
即係預咗係我哋SPIRIT又好...定係國安局又好...就算係夾埋一齊都好...總之就係信唔過...
屠總司令繼續講：「俾我哋研究？我早知就冇咁順攤...早知你哋唔會俾我哋研究出硬化技術㗎喇！」
硬化技術？
「哈！」屠總司令冷冷一笑，「一直唔肯俾硬化技術我哋...又叫我哋自己研究...仲話共同研究...你哋就係知我哋一定唔會肯同對方共同研究先咁講！」
你哋..我哋...對方...
你哋係指我哋SPIRIT...我哋對方就係指解放軍同國安局...
次次都係咁㗎喎...一去到打Boss嘅劇情對話總係1999...
打得Boss就唔該交代得清楚啲...講得精簡啲啦...
「我就真係冇咁蠢...」屠總司令擰擰頭，「難得俾我偷到...」
偷...到？