我同綽姿以忍步跑上一架架逃離緊醫院嘅私家車車頂...

然後好快就跑到上公路...

公路上都唔算多車...都係得幾架私家車極速逃命...

而我同綽姿一路跑...一路都有留意有冇可疑嘅人...有冇可疑車輛...

好似話白色嘅輕型貨車...



話口未完...面前就有一架...

越嚟越近...越跑越近...我望清楚...望清楚面前架白色輕型貨車...由車尾玻璃窗...望清楚車入面...

車入面正正就坐咗幾個...光頭佬...左頸後方仲有西貢獻命嘅紋身....其中一個仲擰轉頭...碌大對眼...望實我...

係佢哋...係西貢獻命...

我就喺個西貢獻命光頭佬仲未嚟得切大嗌之前...以忍步極速衝過去...拔刀一閃...



“嗡!吱!”紅光刀影喺白色輕型貨車右邊車身一劃...

“依! 砰啪!”架白色輕型貨車失晒控咁...橫瞓喺路面上...滑行住咁撞埋石壆...

“依!吱!”後面幾架私家車立即緊急避開...

我行埋去撞咗埋石壆嘅白色輕貨車旁邊...

“嗡嗡!”斬多兩刀...斬開車身...



再將一個個冇知覺又好...

「呀!嗄...嗚呀...」有知覺但痛苦慘叫緊嘅西貢獻命光頭佬都拉出車外...掉到公路上...

“嗡!嗡!嗡!嗡!嗡!嗡!”我一刀刀咁...先將仲有知覺嘅西貢獻命光頭佬逐一分屍...後再將冇知覺嘅都分埋屍...

綽姿就開始將屍骸頸後嘅紋身割落嚟...

我就留意住路面情況...繼續留意住仲有冇可疑嘅車輛...有冇可疑嘅人喺車輛裡面...

一個都唔可以放過...冇一個係無辜...

等到綽姿將所有紋身都收割好...我哋繼續以忍步喺公路上前進...

繼續跑...繼續跑...身邊嘅車輛又開始少...再冇車輛喺公路上行駛...



而我哋都已經跑到返嚟市中心...

“砰砰!砰!砰!砰!”市中心嘅槍聲都密咗...

而且仲見到...有唔少西貢獻命嘅光頭佬同我哋SPIRIT嘅行者交戰緊...

幾個帶住紅光嘅身影閃嚟閃去...幾個西貢獻命光頭佬瞬間被分屍...

眼見都已經有唔少行者喺呢邊大屠殺...我哋都冇打算放下腳步...繼續向住置樂方向...向住恆順園進發...

唔使幾耐...只係跑多一陣...就已經跑到過嚟置樂...跑到過嚟恆順園門面...

綽姿企喺大鐵閘前...輕輕揮幾刀...



“嗡嗡!嗡嗡嗡!”大鐵閘瞬間被斬成碎件...散喺地上...

我感覺到...裡面...裡面有大量...大量嘅生命氣息...

我跟住綽姿身邊...一步一步...行上樓梯...行入...停車場...

好多...好多...感覺到有好多...好多生命氣息...就係冇...行者嘅氣息...

再行多兩步...行入多少少...就已經見到...有幾架白色輕型貨車...旁邊都企咗幾個...手持長槍...西貢獻命光頭佬...

有幾個仲食緊煙...望到我哋...睜大對眼...

就喺佢哋煙都未噴得切出嚟...未嚟得切開聲大嗌之前...

“嗡嗡!嗡嗡嗡!”我以忍步突擊...喺佢哋嘅身上斬咗幾刀...



紅光刀影喺幾個西貢獻命光頭佬身上劃過後...隨即分散成一件件人體殘肢...

我並冇停落嚟...喺人體殘肢仲未散落地上之前...繼續向住前面幾個手持長槍嘅西貢獻命光頭佬衝過去...

“嗡嗡!嗡嗡嗡!”一個又一個...

“嗡!嗡嗡!嗡嗡!”一個又一個...

“嗡嗡!嗡嗡嗡!嗡!”喺佢哋都未嚟得切用槍指住我之前...紅光刀影就喺佢哋身上劃過...

當然唔少得...仲有喺車上嘅...

“嗡!嗡嗡!”我一刀插入車頭...將坐喺司機位嘅西貢獻命光頭佬插死...再斬多兩刀後...就向住離遠幾個用長槍指住我嘅西貢獻命光頭佬衝埋去...



“嗡嗡!嗡嗡嗡!”喺佢哋都未嚟得切開槍之前...紅光刀影就已經喺佢哋身上劃過...

綽姿就一路收割...收割喺屍骸上嘅人皮紋身...

“嗡嗡!嗡!嗡嗡嗡!”我就繼續殺...殺...殺...

“砰!砰!砰!”終於有幾個嚟得切向我開槍...

之但係我嘅速度之快...佢哋根本就瞄準唔到我...子彈只係喺我身邊擦過...

我亦喺十幾粒子彈之間以忍步突進...

“嗡嗡!嗡嗡嗡!”將幾支長槍斬成碎件後...再將幾個西貢獻命光頭佬分屍...

殺...殺...一路殺...分屍...期間都仲有唔少手持長槍嘅西貢獻命光頭沿住斜路由上層趕落嚟...

喺佢哋都仲未捕捉到我嘅位置之前...我已經以忍步跑到去佢哋身後...

“嗡嗡!嗡嗡嗡!”喺佢哋身上送咗幾刀...

繼續殺...不停殺...

“砰!砰!砰!”槍聲...

「嗚...呀!嗚呀!」慘叫聲此起彼落...

“嗡嗡!嗡!嗡嗡嗡!”喺一個又一個西貢獻命光頭佬身上斬...砍...

紅光刀影閃過不停...

多啲嚟...密啲手...一個又一個生命...就喺我手上失消...

冇一個係無辜...冇嘢可以改變我嘅想法...佢哋每一個...都係喪盡天良...做盡壞事...死有餘辜...

「呀!嗚...呀!嗚呀!」

殺...

“砰!砰!砰!”

繼續殺...

“嗡嗡!嗡嗡嗡!”

不停殺...

停車場裡...屍橫遍野...

“嗡!”一刀插入最後一個西貢獻命光頭佬胸口...

「呀...呀...嗚呀!」西貢獻命光頭佬帶住痛苦嘅面容向我開槍...

“砰砰!砰!砰!砰!”子彈射到去我胸前...被紅光粒子擋住...

我一刀Fing起西貢獻命光頭佬...

“嗡嗡!嗡嗡嗡!嗡!”紅光刀影劃過西貢獻命光頭佬身體...分開成一件件碎件...

“啪啪...啪...咚...啪啪...”散喺地上...

殺清光...喺停車場裡面嘅西貢獻命...

綽姿都忙於喺地上嘅人體殘骸割人皮紋身出嚟...

我抬頭望住...甩晒灰嘅天花板:『點樣...上去?』

綽姿將最後一塊人皮紋身都收好喺大斜孭袋後:「跟我嚟。」

跟住喺綽姿身後行...一直向前行...好快就行到去...升降機門前...

綽姿一撳掣...𨋢門隨即打開...

當我跟住喺綽姿身後入𨋢...佢就好順手咁撳咗“L4”...

我並唔知道L4即係邊一層...不過只要係向上...就啱...

向住有生命氣息聚集嘅方向...上...上...上...

升降機升到上L4後...打開𨋢門...

我跟住綽姿身後行...行出...平台...

L4...係平台花園...

我離遠望到遊樂設施嗰邊...坐咗幾個西貢獻命光頭佬手都震埋咁食緊煙...

我就趁住佢哋都仲未察覺到我哋嘅存在之前...以忍步突進...

“嗡嗡!嗡嗡嗡!”喺佢哋嘅身上斬咗幾刀...

紅光刀影喺幾個西貢獻命光頭佬身上劃過後...隨即分散成一件件人體殘骸...

“啪啪...啪...咚...啪啪...咚咚...”散喺地上...

我企定定望一望...遊樂設施...平台...四周:『呢度真係好似...迷宮...』

「係咩。」綽姿都過咗嚟...割塊人皮紋身落嚟...再割塊人皮紋身落嚟...拎起個死人頭...割塊人皮紋身落嚟...

『又停車場...又平台花園...上咗嚟都唔知點返落去...』我望住...面前...上面...係會所?

「有唔少途徑可以上上落落...」綽姿收割晒所有人皮紋身後...同我一齊望住會所...

『仲有...人...喺裡面...』

「嗯...會所...裡面...」

我同綽姿一跳...就跳上會所...嘅泳池旁邊...

原來...呢度有泳池...

喺隔住個泳池...喺會所裡面...隔住塊落地玻璃嘅西貢獻命光頭佬一見到我哋...就立即向我哋舉槍...

“砰啪!砰砰!啪啪啪!砰砰!啪啪!”子彈打碎晒落地玻璃...直飛過嚟我哋面前...

我向前一躍...揮動手中嘅精神刀...

“嗡嗡!嗡嗡嗡!”紅光刀刃擋住十幾粒子彈...

一邊飛越泳池...紅光刀刃將子彈化為輕煙...

當我飛到入會所之時...

“嗡嗡!嗡嗡嗡!”我一邊以極速移動...一邊揮動手中嘅精神刀...

紅光刀影就喺會所裡面閃過不停...

喺每個西貢獻命身上...都斬兩三刀...

當我停落嚟...企正喺會所中間之時...

“啪啪...咚...啪...咚...啪啪啪...咚咚...啪...”人體殘骸散喺地上...

就喺呢個時候...又有十幾個西貢獻命光頭佬跑到嚟落地大玻璃門前...

我喺佢哋都未嚟得切向我舉槍...

“嗡嗡!嗡嗡嗡!嗡!”瞬間將十幾個西貢獻命光頭佬分屍...

“啪啪...咚...啪...咚...啪啪啪...啪...咚咚...”人體殘骸散到一地都係...

又屍橫遍野...生命...由我手中消失...

綽姿都跳咗過嚟...開始喺地上嘅人體殘骸上收割人皮紋身...

真係殺咗唔少...淨係喺恆順園呢度...停車場...會所...

綽姿一路收割...收割...將一塊塊人皮紋身由人體殘骸上割出嚟:「你殺晒啲人...仲邊有活口俾線索...」

『活口...』我就一步一步...拎住把精神刀...一步一步...行近個大木櫃...

我行到大木櫃前...一刀...

“嗡!”插入大木櫃...

「嗚呀!」大木櫃裡面傳出慘叫聲...

我一刀將匿喺裡面嘅西貢獻命光頭佬Fing出嚟...

「嗚呀!呀!唔好殺我呀!」西貢獻命光頭佬喺地上碌咗兩圈...一隻手撳住自己傷口...另一隻手就向後爬...

我一步一步...手持精神刀...亮出紅光刀刃...一步一步...向住單手向後爬緊嘅西貢獻命光頭佬行過去...

「唔好...唔好呀...」西貢獻命光頭佬帶住驚恐嘅神色望住我...又望一望拎住個死人頭收割緊人皮紋身嘅綽姿...更驚恐咁大嗌...「呀呀呀!我唔想死...我唔想死呀!!!」

我一步一步...行到去西貢獻命光頭佬身邊...一腳踩住佢隻手...以紅光刀尖指住佢胸口:『講...仲有邊度...有你哋嘅人...』

「我...我我我...我哋會去黃金海岸...會去黃金海岸由水路逃離特殊區...唔好殺...」我冇等到西貢獻命光頭佬再講落去...

“嗡!”一刀插入佢心臟...

望住被紅光刀刃插住喺左胸嘅西貢獻命光頭佬...

「呃!呃...嗄...」睜到對眼大一大...死唔眼閉咁斷氣...

咁咪幾好囉...早啲講出嚟...死得痛快啲...