《香港傭兵》: [Day 23－殺戮特區] PART 20
解決遠處三條鬼鬼祟祟偷偷摸摸嘅仆街...面前仲有一大班...
一大班手持長槍嘅西貢獻命光頭佬由碼頭方向趕到過嚟...
個個都手震震...
「係SPIRIT...」
個個都腳震震...
「淨係得一個...」
眾人舉槍指住我...
「開槍...淨係得一個咋...開槍射撚死佢呀！」
淨係得我一個...都足以殺晒你哋班仆街冚家剷...
“砰！啪啪啪！砰！啪！”企喺面前一眾西貢獻命光頭佬同時向我亂槍掃射...
“嗡！嗡嗡！嗡嗡嗡！嗡！”我以紅光刀刃擋多十幾粒子彈...再以忍步突進...向住西貢獻命光頭佬衝過去...
紅光刀刃接觸子彈嘅一瞬間...子彈立即化為輕煙...
我以迅雷不及掩耳嘅速度...化成紅光線一樣...衝到去西貢獻命光頭佬面前...
“嗡嗡！嗡！嗡嗡嗡！” 極速斬斷佢哋手中嘅長槍...再喺佢哋身上斬幾刀...
紅光刀影喺幾個西貢命光頭佬身上劃咗幾刀後...再極速移動...再喺另外幾個西貢命光頭佬身上劃幾刀...
一邊衝入人群...一邊一個接一接...喺人群之中...喺所有西貢獻命光頭佬身上斬幾刀...
“嗡嗡！嗡！嗡嗡嗡！”紅光刀影喺人群之中閃過不停...
喺每一個西貢獻命光頭佬身上...閃出一條條紅光...
當紅光刀影停落嚟...當我手持亮出刺眼紅光刀刃嘅精神刀...企定定喺人群之中...
“啪啪...咚...啪啪啪...啪...咚...咚咚...”西貢獻命光頭佬嘅人體殘骸...同槍械嘅殘骸跌到落地上...
我冷眼望住遠處...目擊事發經過嘅金毛MK仔...
全部金毛MK仔都腳軟軟...手震震咁...面露恐懼神色望實我...
我向住班金毛MK仔...一步一步...一步步咁行過去：『唔想死嘅...掉低武器...走...』
班金毛MK仔一聽到我講...立即掉低手上嘅長槍...手槍...向兩邊分開...分開一條路...俾我行...
我就一步一步咁行...由兩邊企滿金毛MK仔嘅路上行...行去碼頭方向...
當我喺一班金毛MK仔面前行過...
「走...走吖...」
一個又一個金毛MK仔就喺我身後四散...
「怪物...怪物嚟㗎...走吖...快啲走吖...」
一個又一個...慌忙逃跑...
而我...繼續向住碼頭方向行...
行多唔夠幾步...就已經見到...碼頭泊滿晒船...又有幾隻快艇停泊喺旁邊...
有唔少金毛MK仔聽命西貢獻命嘅指揮...運緊啲貨上船...
我再行前多兩步...其中一個手持長槍嘅西貢獻命光頭佬望到我...立即用槍指住我大嗌：「係SPIRIT呀！佢哋殺到嚟喇！」
及後...所有喺碼頭上...有槍喺手嘅西貢獻命光頭佬都用槍指住我...向我開火...
“啪啪！砰！啪啪啪！砰！啪！”企喺碼頭上...一眾西貢獻命光頭佬同時向我亂槍掃射...
“嗡嗡！嗡！嗡嗡嗡！嗡！”我立即以忍步突進...揮動手上嘅精神刀...以紅光刀刃擋住子彈咁衝向碼頭...
快到好似紅光閃過嘅我...瞬間就跑到碼頭入口...將兩個西貢獻命光頭佬手上支長槍都斬斷之後...再喺佢哋身上斬幾刀...
“嗡嗡！嗡嗡嗡！”喺紅光刀影劃過兩個西貢獻命光頭佬身體之時...我繼續向住碼頭入面邊跑邊揮刀...
一邊以忍步前進...一邊喺西貢獻命光頭佬身上斬幾刀...斬幾刀...再斬幾刀...
只要係西貢獻命光頭佬...都要分屍...分屍...再分屍...
當喺碼頭上嘅西貢獻命光頭佬...都被我嘅紅光刀影劃過之後...
“啪啪...咚...啪啪... 咚咚...啪...咚...”西貢獻命光頭佬嘅人體殘骸...同槍械嘅殘骸跌到落地上...
「嘩！走呀走呀！」而金毛MK仔都將手上嘅貨品掉落地...抛落海...跑出碼頭逃命...
我手持亮出刺眼紅光刀刃嘅精神刀...企定定咁望住不遠處...呆咗咁企喺一旁...大大隻隻...黑黑實實...拎住塊板嘅...友哥...
友哥目定口呆咁望住我...就喺佢睜得對眼再大啲之時...
“啪啪！砰！砰！啪！啪啪啪！”停泊喺碼頭嘅船隻上...都有西貢獻命光頭佬向我開槍...
“嗡嗡！嗡！嗡嗡嗡！嗡！”我立即揮動手上嘅精神刀...一邊以紅光刀刃擋住子彈...一邊跳上船上...
一跳上船...將其中一個西貢獻命光頭佬手上支長槍都斬斷之後...再喺佢身上斬幾刀...
“嗡嗡！嗡嗡嗡！”喺紅光刀影劃過西貢獻命光頭佬身體之時...我一轉身...再喺佢身邊個西貢獻命光頭佬揮兩刀...
喺兩個西貢獻命光頭佬身體正在分離之時...我一邊揮動手中嘅精神刀...一邊跳向另一隻船...
“嗡嗡嗡！嗡嗡！”揮刀斬殺...揮刀分屍...
我喺船與船之間跳嚟跳去...將所有喺船上嘅西貢獻命光頭佬逐一分屍...
當我企喺最後一隻船上...最後一個西貢獻命光頭佬...都被我嘅紅光刀影劃過之後...
“啪啪...咚...啪啪... 咚咚...啪...咚...”西貢獻命光頭佬嘅人體殘骸...同槍械嘅殘骸散落喺船上...
“吱！吱～”幾隻快艇立即開動...想駛離碼頭...
我立即向住幾隻正駛離碼頭嘅快艇揮刀...
“嗡！嗡！嗡嗡！！！”幾度極刺眼嘅紅光刀氣直飛向正駛遠嘅快艇...
幾隻快艇連埋坐喺上面嘅西貢獻命光頭佬再連同海面同時被紅光刀氣斬開...
想走？冇咁嘅機會...
我由船上跳返落碼頭...
企喺碼頭嘅盡頭...望住海面...快艇嘅殘骸浮吓浮吓...夾雜住浮浮沉沉嘅人體殘骸...
我回頭望住遠處嘅友哥...喺佢身邊嘅葉仔腳都軟埋咁...坐咗喺地上...
我轉身...一步一步...收返埋把精神刀柄...一步一步行去友哥面前...
坐喺地上嘅葉仔仲要勁驚咁...向後爬...向後爬：「唔好...唔好殺我呀...」
我行到去友哥面前：『邊度仲有...西貢獻命...』
友哥吞啖口水：「唔...唔知...呢度...就應該...俾你...俾你殺晒！」
我望一望四周...遍地西貢獻命嘅人體殘骸...仲有班腳軟軟咁企定定嘅金毛MK仔...驚驚青青咁望住我...
『有冇辦法聯絡到西貢獻命...』再望遠啲...就望到綽姿喺度收割緊...
「冇...」友哥擰擰頭，指指地上嘅人體殘骸，「就只有佢哋聯絡我...不過聯絡我嗰個人...已經俾你分咗屍...」
我望住友哥指住地上嘅人體殘骸...行過去...
踎喺人體殘骸旁邊...摷一摷...摷一摷褸袋...摷部電話出嚟睇睇...
仆街...俾我斬到分開咗兩截...
我掉返低部得返半截嘅電話...企返起身：『可唔可以幫我同喺呢度嘅黑幫講...見到西貢獻命...殺...唔係嘅話...我連佢哋都殺埋...』
友哥又吞一大啖口水，擰部電話出嚟：「喂...SPIRIT話見到西貢獻命都要殺...係呀！你哋都知啦！咁識做啦！」
友哥袋返好部電話，向我點點頭：「得㗎喇...佢哋知點做...」
『嗯...』我點點頭後...望住綽姿跳上船...
望住綽姿喺船上走嚟走去...收割...又跳到上另一隻船上...一手拎起個死人頭...收割...
搞掂一隻船...又跳上另一隻船...收割...收割...
綽姿將所有船上嘅人皮紋身都收割晒...就跳返落碼頭上...行到去碼頭嘅盡頭...
我就行到去綽姿身邊...
綽姿望住個大海...望住海面...快艇嘅殘骸浮吓浮吓...望住浮浮沉沉嘅人體殘骸：「你咁搞...我點割吖？」
我企喺綽姿身邊...同佢一齊望住喺海面上...浮浮沉沉嘅人體殘骸：『割唔到咪由佢囉...』
綽姿擰擰頭：「浪費...」
『殺到佢哋...就唔浪費...』我嘅目的...都只係想殺晒佢哋...
綽姿冇我咁好氣...放低兩大袋人皮紋身喺碼頭上...坐低...
我都坐喺綽姿身邊...同佢一齊望住個大海...
望咗一陣...又一陣...綽姿突然開聲：「我仲以為...會有逆行者...」
『嗯...我都諗住會有...』我一心諗住...會有喺西貢遺址捉返嚟嘅短白頭男咁嘅逆行者...潛伏喺西貢獻命裡面...
「咁睇嚟...真係已經唔同晒...而家呢一班西貢獻命...真係全部都係國安局嘅爪牙...」綽姿點點頭...
『咁講法...有逆行者嘅西貢獻命...早就喺撤退到屯門之前...就已經再唔係西貢獻命...』
「話唔定...都成為天門嘅人...」
『天門...逆行者...』
「逆行者...最終都聚集喺天門裡面...」
『戰局變得...明確...』
我同綽姿一齊坐喺碼頭...一齊望住個大海...
過再一陣...又過咗一陣...
碼頭上就只淨返我同綽姿...
黃金海岸都唔再有西貢獻命...就只淨返...金毛MK仔...
應該係因為...西貢獻命知道碼頭被攻佔...唔再入嚟...
再加上...應該喺屯門裡面...被其他行者屠殺緊...
再過咗一陣...又再過多一陣...望住快要日落...快要黃昏之時...
我感覺到電話震震...
我同綽姿都拎部電話出嚟一睇...就見到“委託完成 到市中心集合”嘅通知...
已經...完...
我同綽姿對望一眼...然後一人孭起一個載滿人皮紋身嘅斜孭袋...起身轉身行出碼頭...
一路行...一路上遇到金毛MK仔...佢哋都好驚我哋咁...腳軟軟咁...望實我哋...退後...退開...
我同綽姿就冇理佢哋咁多...一路行...行出黃金海岸...向住市中心方向行...
沿住馬路旁邊行...行到去三聖...又見地上有唔少屍骸...人體殘骸...散到一地都係...
喺屍橫遍野嘅路上...又遇到幾個行者...
一路跨過地上嘅人體殘骸...一路同幾個行者一齊向住市中心方向行...又遇上幾個行者...
有幾個都係孭住斜孭袋...又有幾個孭住一大個背囊...
一路行...一路遇到行者一齊行...唔使幾耐...就同一大班行者嚟到市中心...
喺大會堂對出嘅平台花園...已經有唔少黑色身影聚集...
大家都排緊隊...一條條隊...都有十幾廿條...
係排隊...交收...
同綽姿再行近多兩步...就感覺到羅羅同日倫嘅氣息...
羅羅揮晒手咁：「呢邊吖～呢邊吖～」
我同綽姿就行到去羅羅同日倫面前...
羅羅打量住我同綽姿個斜孭大袋：「好似好多咁喎～」
『嗯...』我點點頭...再望一望羅羅嘅斜孭袋...日倫個背囊...
羅羅陰陰嘴笑：「嘿嘿...唔知邊個多啲呢～」
綽姿就冇羅羅咁好氣...
『唔知呢...』我就望住前面...條隊最前...係...可愛...
先行者...可愛嘅氣息...喺最前...
我哋四人一直排住隊...向可愛前進...
當羅羅同日倫都去到可愛面前...將斜孭袋同背囊都交到可愛手上...
可愛將斜孭袋同背囊交俾身邊嘅行者...將裡面嘅人皮紋身拎出嚟...逐張逐張點算...
好快手...唔使幾耐就點晒...
可愛拎住部電話：「1,112塊...11,120 Sil...」
在場嘅行者一聽到...大家都望晒過嚟...
「多謝～」羅羅陰陰嘴笑～好滿意咁拎部電話出嚟～
“嘟叮！”
等佢哋交易完成後...就到我同綽姿...
我同綽姿將兩大個斜孭袋都交到可愛手上...
可愛將兩大個斜孭袋交俾身邊嘅行者...將裡面嘅人皮紋身拎出嚟...逐張逐張點算...
好快手...好快手...佢哋嘅氣息都好強...都係先行者級數...
再數多一陣...將最後一塊都數埋出嚟...
可愛拎住部電話：「6,666塊...66,660 Sil...」
在場行者一聽到...
「嘩...」
立即嘩然...
「竟然...咁快手...」
「我哋大大話話都有過千個行者執行...」
「淨係佢兩個...都已經...」
「點會多過我哋咁多㗎？！」 羅羅立即谷起塊面豬登，指住日倫，「一定係因為你呢個調查型行者拖累我啦！」
日倫指住自己：「我？唔係因為我嘅情報，會搵到佢哋匿埋喺邊？」
『飛鳥盡...良弓藏...』
綽姿...羅羅同日倫都望住我....
『狡兔死...走狗烹...』
突然...覺得好攰…
『今日...西貢獻命做咗Condom...』
好眼瞓…
『我哋又會唔會...有一日...成為...』
四肢乏力…
『棄...卒...』
…
..
.
TO BE CONTINUED