《香港傭兵》: [Day 24－三合成立] PART 12
妙齡少女一踏前一步...就立即向住我哋衝埋嚟！
好快...極快速就嚟到我哋面前...一個手刀砍埋嚟！
我立即拔出精神刀...同時亮出紅光刀刃一擋...
“嗡！吱！”擋住咗...
無數紅色粒子就由妙齡少女隻紅光手刀同我手中嘅精神刀刃之間飄出...
綽姿趁住妙齡少女有空檔...立即拔刀橫斬...
“嗡！吱！”妙齡少女立即用右手接住綽姿把紅光刀刃...
竟然...徒手可以接得住...
我同綽姿立即同時一腳踢向妙齡少女...
妙齡少女立即一彈...就後空翻幾轉...前後腳踩定嘅一瞬間...立即再衝埋嚟...
妙齡少女雙手都亮出紅光手刀...向我同綽姿左斬右砍...右斬左刺...
“嗡嗡！吱吱！嗡！吱！！！”我同綽姿就同時以紅光刀刃招架...
一直都俾妙齡少女貼住身咁攻擊...招架...反擊...
而喺咁近距離...就可以感覺到...妙齡少女身上...有氣息...
頭先離遠嘅時候...就俾四周雜亂嘅氣息所擾亂...感覺唔到妙齡少女嘅雜亂氣息...但而家咁近就可以好清楚咁感覺到...
好雜亂...唔係好似綽姿咁...我哋咁...有單一氣息...
係好似四周嘅雜亂氣息...好似異常生命體身上所散發出嚟嘅雜亂氣息...
真係...真係好似...點解會咁似...
唔通...而家同我哋交緊手嘅妙齡少女...同上次要滅絕嘅異常生命體係同一個Type？
咩Type吖？New Type吖？
我都唔知係咩Type...亦都冇時間去諗係咩Type...因為妙齡少女嘅攻速好快...
“嗡！吱吱！嗡！嗡嗡！吱吱！！！”雖然而家係我同綽姿聯手二對一...之但係喺通道裡面...俾妙齡少女貼住埋身咁打...佢出手又快又狠...
妙齡少女每出一手...都係對住我哋嘅致命要害嚟斬砍刺...
我同綽姿淨係顧住擋都好唔得閒...
而當中絕對唔關能量大小嘅問題...
冇錯...妙齡少女身上嘅氣息又既雜亂...又且強大...
之但係我同綽姿都唔弱...係好強...
冇錯...你冇睇錯...我亦都冇講錯...係我同綽姿兩個都一樣好強...
好強...我感覺到全身上上下下...內內外外...手中嘅精神刀...都有好強大嘅精神能量...
點解...點會...唔通係因為...Owner嘅精神液？
“嗡嗡！嗡！吱！！！”妙齡少女用手刀橫斬直刺多兩下...紅光手刀突然變成紅光利爪...向我揮兩爪...
“吱！嗡嗡！”我一擋再反手揮兩刀...拉開半秒間距離...綽姿就趁機一個轉身向妙齡少女背後施襲...
之但係妙齡少女嘅反應超快...動作極靈敏...一爪就擋住綽姿嘅迴旋斬...
我都立即踏前一步...向妙齡少女砍一刀...但妙齡少女好巧妙咁用另一隻紅光利爪一擋...
喺紅光刀刃與紅光利爪相撞嘅一瞬間...我哋三個接住攻擊...招架...反擊再招架...
刀接刀...爪接爪...招接招咁...刀來爪擋...爪來刀擋...
“嗡！吱！嗡嗡！吱！嗡！”好順暢...就好似自然反應...反射動作咁...作出攻擊...招架...反擊招架再反擊...
一砍一斬...反手一擋...紅光刀刃與紅光手刀相格之時...我雙手舉起刀柄...刀背緊貼手臂...以刃引之形化解妙齡少女嘅手刀攻擊...再喺紅光手刀沿住紅光刀刃向斜下滑落...我立即快速揮刀一斬...
“嗡！吱！”妙齡少女立即將手刀形態變成利爪形態招架我嘅斬擊...再將我把紅光刀刃擋住綽姿嘅迴身半月斬...
妙齡少女睇準時機...喺兩把紅光刀刃相格嘅一瞬間...立即向綽姿手刀一刺...
喺紅光手刀正要向綽姿條頸刺埋去之時...我即刻將精神能量向手中嘅精神刀一谷...
“嗡！吱！！！”大量嘅精神能量由我把紅光刀刃發出...極刺眼嘅紅光一閃...將綽姿震開...避開妙齡少女嘅紅光手刀一刺...
綽姿只係向後退一步...啱啱好避開妙齡少女嘅致命攻擊後...就立即反擊...
“嗡嗡！”綽姿向妙齡少女揮兩刀...
“嗡嗡！”我亦同時配合綽姿...向妙齡少女揮兩刀...
“嗡嗡！吱！嗡！嗡！”妙齡少女巧妙咁避開綽姿兩刀...以紅光手刀招架我一刀...再避開我另一刀接住以紅光利爪反擊...
我同綽姿嘅攻擊可以話相當配合...但妙齡少女都可以一一化解...
同樣...妙齡少女嘅攻擊一直都又快又致命...我同綽姿亦都好有默契咁合力化解...
好奇怪...喺而家同妙齡少女嘅戰鬥當中...我同綽姿都好夾...每一下夾擊...每一下招架...迴避反擊...都好合拍...就好似多年嘅戰友一樣...
曾經...一齊出生入死...就算唔係多年...都必定係並肩作戰...無時無刻一齊面對生死...出入鬼門關嘅好戰友...
點解我會有呢種感覺...而家...同綽姿合力迎戰...會有呢種熟悉嘅感覺？
“嗡嗡！嗡！吱！嗡嗡！”綽姿一斬我一砍...圍住妙齡少女邊斬邊砍邊打轉...
紅光刀影閃過不停...紅光刀刃與紅光手刀...利爪擦撞...飄出大量紅色粒子...
雖然我同綽姿相當合拍...之但係...妙齡少女嘅反應極快...
妙齡少女左爪輕輕一擋綽姿嘅二連斬...再緊接用右手刀擋住我嘅一閃...
唔得...淨係鬥快係唔可以傷到佢...佢嘅武器比我哋嘅精神刀短...速度一定比我哋快...
要搵破綻...攻防嘅瞬間...要搵出破綻...
“嗡嗡！吱！嗡嗡！吱！”當綽姿再向妙齡少女快速斬兩刀...妙齡少女巧妙避開...再輕輕擋住我嘅十字斬...再以紅光手刀向我刺兩下...轉身以紅光利爪形態向綽姿爪兩下...
我就趁住綽姿一擋...一避...妙齡少女正想轉身...以紅光利爪擋我攻擊嘅一剎那...我就踏前多一步...紅光利爪就刺入我腰間...同時我以袈裟斬砍落妙齡少女肩膀...
“嗡！”刺眼嘅紅光刀刃砍入妙齡少女肩膀...佢立即向後彈開...拉開幾米距離...向住我哋擺出防禦姿勢...
入到...砍得入妙齡少女...肩膀留下深深嘅紅光傷口...飄出大量紅色粒子...
相對地...我腰間都俾妙齡少女嘅紅光利爪刺中...傷口亦飄出紅色粒子...
利用自己嘅腰間...去換佢肩膀...
本來係打算一刀就了結佢...但佢嘅反應真係太快...喺我都仲未將紅光刀刃完全斬入佢身體之前...俾佢及時彈開...
望住妙齡少女...肩膀上嘅紅光傷口...仲有有大量紅色粒子飄出...
果然真係...精神化...就好似我哋...就好似...異常生命體...
用心啲睇...妙齡少女肩膀上嘅紅光傷口...好似慢慢...慢慢咁...合返埋...
傷口越嚟越窄...紅光越嚟越少...慢慢...慢慢就癒合...
癒合返...個傷口...唔止...連黑色嘅皮甲...都合返埋...就好似冇傷過一樣...
竟然有癒合能力...仲要唔使進入深層睡眠...真係好似...異常生命體...
咁睇嚟呢次換血唔多化算...
妙齡少女嘅傷口癒合完之後...立即踏前一步...瞬間拉近我哋之間嘅距離...向我作出攻擊...
“嗡嗡！吱！嗡！嗡嗡！”妙齡少女用紅光手刀左斬我一刀...當我用紅光刀刃一擋...佢立即再以紅光利爪右爪我兩下...
綽姿見妙齡少女有空檔...立即抽刀橫斬...
妙齡少女向我使出爪擊嘅同時...轉手用紅光手刀擋住綽姿嘅紅光刀刃...再順勢三百六十度轉身一踢...踢落綽姿個頭...
綽姿已經好有反應咁避...但都係避唔開...只係可以卸到少少力...成個人就被踢到轉咗一圈...再借勢由下至上...由右至左...抽刀一斬...
“嗡！”綽姿嘅紅光刀刃就斬中妙齡少女隻小腿...
妙齡少女一個轉身落返地...小腿上嘅紅光傷口就飄出紅色粒子...
只見妙齡少女小腿上嘅紅光傷口又開慢慢咁...合返埋...
傷口越嚟越窄...紅光越嚟越少...慢慢癒合...連黑色嘅皮甲...都合返埋...就好似冇傷過一樣...
唔得...淨係傷佢哋手手腳腳冇用...都會癒合返...
一定要...一定要給予致命一擊...
我立即以忍步接近妙齡少女...瞬間拉近距離...
“嗡！”妙齡少女用右手嘅紅光手刀擋住我嘅紅光刀刃...再以左手嘅紅光利爪向我一插...
我並冇打算避開...又或者用紅光刀刃格擋...而係直接用肚硬食...
“吱！”我感覺到五指爪直入我肚...同時我一抽刀...紅光刀刃與紅光手刀擦出無數咁多紅色粒子...紅光刀尖指住妙齡少女胸口...一插...
“吱！”紅光刀刃直插入妙齡少女胸口...由背後刺出...
妙齡少女睜大對眼...雙眼亮出紅光...望實我...
我再抽返把紅光刀刃...反手持刀...由上至下一刀插入妙齡少女肩膀...
“吱！”成把紅光刀刃由鎖骨位置插入體內...
「呀...」紅色粒子就由妙齡少女口中飄出...
妙齡少女雙腳一軟...跪喺地上...
“嗡！”當我將把紅光刀刃...由妙齡少女鎖骨位置抽返出嚟之時...
“啪！”妙齡少女倒在地上...
成功...成功喇...
綽姿都行到嚟我身邊...望一望我個肚：「你冇嘢吖嘛？」
『我？』我都望住自己個肚...五個窿都飄出紅色粒子...『冇...係有少少痛姐...』
呢次換血...總算成功...
好成功咁樣...換咗敵人條命返嚟...
綽姿單膝半跪咁跪喺妙齡少女條屍面前...
我都單膝半跪咁跪喺妙齡少女條屍面前...同綽姿一直檢查...
望住妙齡少女對已經冇晒紅光...變返黑色嘅眼珠...胸口同鎖骨位置嘅紅光傷口有大量紅色粒子飄出...
綽姿摸摸妙齡少女塊面...摸摸條頸...摸摸身體...
當綽姿摸摸妙齡少女件黑色皮甲...再摸一摸...掃幾掃...又拉一拉...
綽姿摸住妙齡少女身上件黑色皮甲：「黐實咗？」
『黐實咗？』咩黐實咗？