望住趴喺地上嘅魂導兵...開始有紅色粒子飄出...

又係...少女...

除咗紅光傷口飄出紅色粒子外...全身都開始有紅色粒子飄出...

越嚟越多紅色粒子...由魂導兵身上嘅“黑色皮甲”上飄出...

慢慢...魂導兵化成無數咁多紅色粒子...喺空氣中飄散...喺空間中消失...



「你都係唔好太落力...我怕你嘅精神能量會耗盡。」綽姿行近半身高嘅玻璃圍欄。

『應該冇問題...』我撳一撳住個肚...行近綽姿...行近半身高嘅玻璃圍欄...

雖然我嘅傷口唔似得魂導兵咁識得自我修復...阻止唔到精神能量繼續飄出...之但係...我仲覺得好精神...

好似從來都冇試過可以咁精神...

就算係之前深層睡眠後...醒返都唔及而家咁精神...



我同綽姿都企喺玻璃圍欄前...望落樓下...

我望到...就喺正下面嗰層...一大個空間上...有一碌碌...玻璃管...

有好多好多...一個個大型玻璃管...有成個人咁高咁大嘅玻璃管...一行行...一橫橫...好整齊咁排列喺下面嗰層...

呢個格局...有啲似...都幾似...上次喺出面...遇到片翼單手捏住一個著住白色長袍嘅博士之前...比較特別嘅地方...

提升視力睇清楚啲...



喺玻璃管裡面...仲好似有...液體...

唔止...唔止有好似水咁嘅液體喺裡面...而且仲有...仲好似有...

「解決埋下面嗰兩個魂導兵先。」綽姿望落樓下...兩個巡邏緊嘅魂導兵。

『嗯...我左邊...』我盯住左邊嗰個魂導兵...

「嗯...」綽姿一點頭後...就立即跳上玻璃圍欄...再向外一跳...

我都跳上玻璃圍欄...將手上嘅精神刀柄拋出去...再立即向外一跳...跳向魂導兵上空...

我凌空轉體兩周半...再喺空中反手接住精神刀柄...向住魂導兵身上飛落去...

由上而下...反手持刀...就喺飛到埋去剛好感覺得到魂導兵嘅氣息嘅範圍...魂導兵亦剛好感覺到我嘅氣息...正想擰轉頭...望上嚟之時...



“嗡!吱!”我亮出紅光刀刃...由上至下插入魂導兵肩膀...由鎖骨位置插入體內...

魂導兵右手已經亮出紅光利爪...想向我作出垂死反擊...

“嗡!嗡嗡!”我立即將把紅光刀刃由魂導兵鎖骨位置抽返出嚟...喺佢轉身爪我之前...喺佢身上連斬兩刀...

紅光刀影劃過魂導兵身體後...

“啪啪啪!啪!“身體殘骸散喺地上...

望住魂導兵嘅身體殘骸...開始有紅色粒子飄出...

又係...少女...年輕貌美嘅少女...



除咗紅光斷口飄出紅色粒子外...每一件殘骸上...都開始有紅色粒子飄出...

望住越嚟越多紅色粒子...由魂導兵嘅殘骸飄出...由“黑色皮甲”上飄出...

慢慢...每一件殘骸都化成無數咁多紅色粒子...喺空氣中飄散...喺空間中消失...

「冇必要唔好做咁多多餘動作。」綽姿行到嚟我身邊。

『型吖嘛...』難得有得型唔型吖?

「型有乜用?」綽姿冷冷淡淡咁問。

『你冇聽過咩?勁係一時,型先係一世~』勁起上嚟唔型仲有乜意思?

綽姿冇我咁好氣咁擰擰頭,轉身回望...身邊嘅...玻璃管...



我都睇清楚...一個個好似人咁大嘅大型玻璃管入面...除咗有好多水咁嘅液體...裡面仲有...人...

裡入浸住...一個...女仔...

赤裸裸...一個赤裸裸嘅女仔...合埋對眼...好似瞓著咁...浸住喺大型玻璃管裡面...浸住喺液體裡面...

就咁睇呢個女仔嘅外貌...身材...應該都只係得十五六歲...

點會...點會浸住個...十五六歲嘅女仔...仲要全祼...

我行近啲...再睇清楚啲...

呢個大型嘅玻璃容器...有啲數據...有啲棒形圖...顯示喺玻璃上...



好多英文字母代碼我唔識睇...唔知代表乜...

係用嚟做乜㗎?

唔止我面前呢個...仲有側邊...隔離...四周一個個大型嘅玻璃容器...裡面都浸住一個女仔...

一個又一個...赤裸裸嘅女仔...都係十五六歲...十四五歲嘅未成年少女...好似瞓著咁...合埋對眼...浸住喺玻璃容器裡面...液體之中...

點會咁㗎...係用嚟做乜㗎...點解要浸住啲女仔...呢個究竟係咩地方?

突然...我感覺到背後有陌生嘅氣息...係精神能量...

我回頭一望...就望到身後嘅玻璃容器裡...有紅色粒子...

越嚟越多...越嚟越多紅色粒子由十四五歲...裸體女仔身上飄出...

個玻璃容器越嚟越紅...被紅色粒子染紅...

係精神能量...成個玻璃容器...都係精神能量...

當成個玻璃容器都閃亮住紅光...突然...所有紅光向下一抽...冇晒...所有紅色粒子...所有精神能量...冇晒...

十四五歲嘅裸體女仔繼續Keep住浸喺玻璃容器裡面...合埋對眼...仲係好似瞓著咗咁...

點解會咁...頭先發生咩事?對個女仔...做過啲乜?

望住玻璃容器裡...浸住液體嘅十四五歲裸體女仔...

佢嘅身體...佢哋面容...冇任何變化...

乜都冇...就好似冇任何感覺...冇知覺一樣...

就好似冇意識...深層睡眠...

而喺玻璃容器所顯示嘅數據...棒形圖...有啲變動...

不過我都仲係睇唔明...完全唔知有乜變化...

細個冇好好讀書吖...書到用時唔撚識啦...

突然...我又感覺到背後有陌生嘅氣息...係精神能量...

我回頭一望...就望到身後隔兩個玻璃容器...容器裡有紅色粒子...

我行近多兩步...行近多幾步...望清楚...

越嚟越多...越行得近...越睇得清楚...越清楚就越嚟越多...越嚟越多紅色粒子由...又係十四五歲嘅裸體女仔身上飄出...

行到埋去玻璃容器前...睇清楚...越嚟越紅...被紅色粒子染紅...

又係成個玻璃容器充滿住精神能量...

當成個玻璃容器都閃亮住紅光...突然...所有紅光向下一抽...冇晒...所有紅色粒子...所有精神能量...冇晒...

十四五歲嘅裸體女仔繼續Keep住浸喺玻璃容器裡面...合埋對眼...仲係好似瞓著咗咁...

又係咁...面前呢個...同頭先嗰個...唔止呢兩個...

我感覺到...身邊唔同方向...四方八面...都有陌生嘅氣息...

我左望...右望...回頭再望望...一個...兩個...四五六個...離遠嘅...身邊嘅...大型玻璃容器越嚟越紅...精神能量越嚟越強...到最光最亮最紅之時...所有紅光又突然向下一抽...所有紅色粒子冇晒...

「所謂精神液,其實係由抽取女仔嘅靈魂而成...嘔...」綽姿單手撳住自己個嘴...好似作嘔咁望住浸喺玻璃容器裡面嘅裸體女仔。

『係...精神液...』精神液...係由抽取女仔嘅靈魂而成...

頭先係抽取靈魂嘅過程...呢度係製造精神液嘅地方?

「靈魂...其實係一種電波...係一種能量...就好似電...但難以偵測...」綽姿一邊行...喺一個又一個玻璃容器之間行。

靈魂...係能量?

我都跟喺綽姿身邊行...望住一個又一個玻璃容器...望住裡面一個又一個裸體女仔...

每個都係...十五六歲...十四五歲...都係少女...

「一直都存在喺宇宙之中...無處不在...不過因為難以偵測...所以我哋一直都唔發覺...」綽姿又望望一個越嚟越多紅色粒子嘅玻璃容器。

我都望住玻璃容器中嘅裸體少女...

「靈魂...會依附喺唔同嘅物體當中...聚集...為物體附帶其中一種能量...係多種能量嘅其中一種...」綽姿全身被玻璃容器嘅紅光染紅...

望住玻璃容器最光最亮最紅之時...所有紅光又突然向下一抽...所有靈魂都冇晒...

「物體有固定機制...唔同能量都有百分比...就好似一早就已經Set好咁...唔會多...唔會少...」綽姿繼續行...

我繼續跟喺綽姿身邊...

「要互相平衡...先可以正常運作...但如果...某種能量太多...靈魂佔得太多...物體就會產生變化...」綽姿又望住一個啱啱被抽走靈魂嘅玻璃容器...

我都望住浸喺玻璃容器裡嘅裸體女仔...

呢個女仔...好似仲細啲...大約都係得十三四歲...

「靈魂除咗難以偵測...仲好脆弱...好易受到破壞...消失...又會被其他物體吸引...轉到去其他物體...所以唔可以一次過抽取...要逐一...逐少...」綽姿繼續行...

『你點會知咁多?』我忍唔住要開聲問...

「係一個...左眼帶眼罩嘅男人講我聽...」綽姿繼續行...又望望身邊嘅玻璃容器...

『左眼帶眼罩嘅男人?』我又望住玻璃容器裡嘅裸體少女...

又係十三四歲左右...呢邊呢幾個...呢邊嗰啲都係...差唔多年紀...

「嗯...佢一路帶住我行...一邊望住呢啲浸有女仔嘅玻璃容器...一邊講...」綽姿一路帶住我行...一邊望住呢啲浸有女仔嘅玻璃容器...一邊講...

『你...你有嚟過呢度?!』唔...唔會嘛...

「唔係...」綽姿擰擰頭,「唔係呢度...同呢度好似...但唔係呢度...比呢度大得多...闊得多...仲...先進得多...」

『唔係呢度...仲有第二度?』除咗呢度...

「唔知...我都唔知...我都唔可以肯定...我唔記得...係有去過...定係...夢見過...」綽姿一邊諗...一邊行...

『吓?』我唔係好明...

「我似真係有去過一個咁樣嘅地方...但又好似...唔記得...好似夢境咁...冇頭冇尾...但又好真實...」綽姿擰擰頭...

好似夢境...冇頭冇尾...但又好真實...呢種情況...我都有...

「而且...而且唔係得佢一個講過...仲有...仲有其他人...」綽姿再行多兩步...企定定諗一諗...

『仲有其他人?』我企喺綽姿身邊...望實佢...

「嗯...」綽姿點一點頭,「係一個...著住白色長袍...白色頭髮...白色鬍鬚嘅老伯伯...」

著住白色長袍...白色頭髮...白色鬍鬚嘅...老伯伯?