吱!!!”閃亮住紅光嘅絕對領域...擋住我同綽姿嘅紅光刀尖...

可惡...仲諗住頭部冇皮甲...可以造成致命傷害...點知會係絕對領域...

就好似...之前同片翼一齊對付嗰隻異常生命體Boss咁...

咁講法...面前呢個魂導兵...會有異常生命體Boss咁厲害?

唔好理咁多...要全力攻擊...



“嗡嗡!吱!嗡嗡!”我同綽姿繼續向魂導兵展開攻勢...

而喺頭先...絕對領域擋住紅光刀尖嘅同時...魂導兵大髀上嘅紅光傷口已經開始癒合...

唔得...再唔給予致命傷害...我哋冇可能打得贏佢...

“嗡!吱!嗡嗡!吱!”紅光刀影閃過不停...

而喺身邊...浸有赤裸裸小妹妹嘅玻璃容器不時都亮出紅光...抽取緊靈魂...



刺眼嘅紅光就喺整個空間之中閃過不停...

“吱!嗡嗡!嗡!吱!嗡!”紅光刀刃與紅光利爪...手刀...腳刀不停互相碰撞...相格...擦出大量紅色粒子...喺空間中飄散...消失...

好快...大家嘅攻擊同防守都越嚟越快...極快...

仲係傷唔到...唔可以向魂導兵施予致命傷害...

再咁落去...再咁落去...



“嗡!”話口未完...我右邊手臂中咗一爪...四條紅光傷口飄出紅色粒子...

終於都中招...好彩傷口唔算太深...

綽姿就趁住魂導兵向我使出爪擊嘅空檔...向魂導兵背後使出橫斬再接直砍...

“嗡!嗡!吱!”魂導兵嚟唔切擋...背脊先中一刀橫斬...再轉身用紅光利爪擋住綽姿嘅直砍...

我就趁住魂導兵擋住綽姿直砍嘅一瞬間...立即向住魂導兵背後嘅紅光傷口一刺...

“嗡!吱!嗡嗡!”魂導兵轉身一踢...用紅光腳刀將我嘅紅光刀刃格開...再三百六十度轉身踢我兩腳...

我一擋一避...彈後幾步...魂導兵再轉身衝向綽姿...

我望住魂導兵背脊嘅紅光傷口...又越嚟越窄...紅光越嚟越少...慢慢...慢慢癒合...



癒合返...魂導兵背脊被綽姿橫斬所造成嘅傷口...唔止...連黑色嘅皮甲...都合返埋...就好似冇傷過一樣...

唔得...要再致命啲...要對住致命要害攻擊...

綽姿俾魂導兵又爪又刺咁邊擋邊後退...

“嗡嗡!”魂導兵再一個三百六十度轉身踢腳...逼到綽姿要向後跳向大型玻璃容器...

魂導兵立即追上...

我都不敢怠慢...立即以忍步短距離加速...跑前幾步...向住魂導兵一跳...

喺魂導兵快要用紅光腳刀凌空踢中綽姿之前...



“嗡!吱!!!”我由下而上...一刀斬中魂導兵隻小腿...

呢一刀都算深...大量紅色粒子就由魂導兵小腿上嘅紅光傷口噴出...

魂導兵凌空一個後空翻...用單腳踩住玻璃容器表面...存一存力...

我都跳到去後面碌玻璃容器表面...存一存力...

我同魂導兵都短暫存力後...向住對方全力一跳...

我喺空中擺出居合拔刀一閃姿態...飛向正迎面飛緊埋嚟...向我使出雙爪攻擊嘅魂導兵...

“嗡!吱!!!”喺空中...我同魂導兵同時向對方攻擊...

魂導兵胸前俾我深深咁斬咗一刀...我亦都俾魂導兵嘅雙爪爪中背脊...



當我落地之時...背脊嘅五條紅光傷口噴出紅色粒子...

而當魂導兵差唔多都要落地之時...綽姿再喺空中...由上而下...一刀砍向魂導兵...

“嗡!吱!!!”紅光刀影從天而降...魂導兵立即單手後空翻...順勢用腳刀一踢...格擋綽姿手上嘅紅光刀刃...

雖然魂導兵及時用腳刀格擋綽姿嘅兜割...之但係紅光刀刃都深深咁砍咗魂導兵隻腳一刀...

魂導兵出盡全力一踢...將綽姿踢開...再單手後空翻翻幾翻...

綽姿都凌空轉身再落返地...

望住魂導兵胸口同隻腳嘅紅光傷口飄出大量紅色粒子...



之但係...魂導兵嘅紅光傷口...又開始收窄...開始癒合...

唔得...唔可以俾機會佢癒合...

我立即以忍步跑上前...向魂導兵極速接近...

之但係我嘅速度明顯冇之前咁快...

可能係我隻手臂同背脊嘅傷口影響...影響咗我嘅速度...

不過魂導兵都唔係好得我好多...

魂導兵身上嘅紅光傷口仲未癒合得切...只可以勉強咁擺出防禦姿勢...

要喺魂導兵嘅傷口癒合之前...繼續攻擊...

“嗡!吱!嗡嗡!吱!嗡嗡!”我向住魂導兵連環揮刀...紅光刀影閃過不停...

魂導兵勉強咁左閃右避...

綽姿再從天而降...一刀砍向魂導兵...

“嗡!吱!!!”魂導兵一爪擋住...擦出大量紅色粒子...

我就睇準機會...向魂導兵胸口上嘅紅光傷口一刺...

“嗡!吱!!!”當紅光刀尖刺中紅光傷口嘅一剎那...魂導兵再一爪將我同綽姿嘅紅光刀刃同時格開...再三百六十度轉身...向我哋一人踢一腳...

『嗚...』

「呀...」

我同綽姿同時被踢到飛開幾十米遠...撞落大型玻璃容器先停低...

點解...仲可以...

我望住幾十米外...魂導兵身上嘅紅光傷口...越嚟越窄...紅光越嚟越少...慢慢...慢慢癒合...

癒合返...魂導兵身上被我同綽姿所造成嘅傷口...連黑色嘅皮甲都合返埋...就好似冇傷過一樣...

又癒合...同冇傷過一樣...唔係...

喺魂導兵身上...黑色嘅皮甲上...好似有一條條...幼線...

一條條...一條條紅色嘅幼線...越嚟越多...越嚟越粗...

突然...

「嗚呀!」魂導兵大嗌一聲...身上產生“裂甲”效果...

魂導兵身上嘅黑色皮甲產生“裂甲”效果後...紅光由裂紋之中發出...

大量紅色粒子由紅光裂紋之中噴出...喺幾十米之外都可以感覺得到...魂導兵嘅雜亂氣息...充滿霸氣...

傳說中嘅霸氣外洩?

咁樣真係會勁啲㗎咩?

我諗...應該係...

我記得...前晚喺解放軍間神秘工廠...對上CNA000試作型...都有差唔多嘅情況...

我記得...CNA000試作型裂甲狀態之下...力量大好多...勁好多...

我記得...我記得...嗰種...感覺...

魂導兵身上嘅裂紋閃亮住刺眼嘅紅光...突然...一個忍步就衝到埋嚟我面前...

魂導兵兩隻紅光手刀比頭先更光更亮更刺眼...向我雙刀一揮...

“嗡嗡!吱!!!”我以紅光刀刃輕輕一擋再擋...

擋得住...仲好輕鬆...

冇錯...魂導兵嘅攻擊比起頭先的確快咗超多...力量亦大咗超多...之但係...我都可以用紅光刀刃好輕鬆咁格擋...

毫無疑問...冇其他原因...單純係因為我勁咗...

“嗡嗡!吱!嗡!吱!嗡嗡!”紅光刀影...閃過不停...無數咁多紅色粒子亦同時擦出...喺空間之中飄散...消失...

綽姿亦睇準機會加入戰鬥...

“嗡!吱!”魂導兵向綽姿揮兩爪...綽姿都要用氣力格擋...

唔得...唔係綽姿弱咗...而係佢冇勁到...

以原本嘅力量對抗而家面前裂甲狀態之下嘅魂導兵...太吃力...

之但係...點解我會勁咗?

係因為啲乜嘢?又點解呢種變化冇發生喺綽姿身上?

我同綽姿一左一右向魂導兵砍幾刀...又轉咗個圈咁一前一後向魂導兵斬幾刀...

“嗡嗡!吱吱!嗡!吱!嗡!”魂導兵左擋右避再反擊...

唔得...綽姿好吃力先招格得住魂導兵嘅攻擊...再係咁落去...綽姿會頂唔住...

我趁住魂導兵轉身腳刀踢向綽姿...綽姿用紅光刀刃一擋...向後退幾步之時...我由下而上...由右至左...抽刀斬向魂導兵...

魂導兵提腳一擋...順勢向空中一飛...卸力...

我立即向魂導兵一跳...跳上空中...

我追上魂導兵...由下而上使出一閃...

“嗡!吱!!!”魂導兵單腳擋住...再用另一隻腳踢向我...

我立即一個轉身避開...再以紅光刀刃一推...

魂導兵被我嘅紅光刀刃震開...向住大型玻璃容器跌落去...

我就再喺半空之中飛得高啲...然後一個轉身就以拔刀一閃姿態...向魂導兵俯衝而下...

魂導兵立即一個後翻踩住大型玻璃容器頂部...全力一跳...向住我面前飛埋嚟...

就喺我同魂導兵要喺空中再次相遇之時...魂導兵轉身以紅光手刀向我一斬...

我立即對準魂導兵一閃...

“嗡!吱!!!”紅光刀刃與紅光手刀相擦...喺電光火石之間...我就將紅光刀刃沿住紅光手刀一直向前擦...將魂導兵隻左手手臂斬落嚟...

我落返地之後...魂導兵亦喺我背後落地...

而喺我哋之間...

“啪!”魂導兵隻手都由空中跌返落地面...

回頭望住...喺地上...仲處於裂甲狀態...魂導兵隻斷臂...

斷臂上嘅裂紋...紅光一閃...一閃...紅色粒子由裂紋之中飄出...

除咗喺裂紋之中...就連黑色皮甲上...都開始有紅色粒子飄出...

越嚟越多...越嚟越多紅色粒子由黑色皮甲表面飄出...

慢慢...成隻斷臂都越嚟越多紅色粒子飄出...成隻斷臂都開始化成紅色粒子...喺空氣中飄散...消失...

我再望返遠處...斷咗左臂嘅魂導兵...佢背住我企喺度...斷口噴出大量紅色粒子...

好...好成功咁對魂導兵造成大量傷害...

跟住落嚟...

突然...魂導兵右手向右邊一伸...

做...做咩呢?

然後...就見到有...紅色粒子...飄向魂導兵右手掌心...

越嚟越多...越嚟越多閃亮住紅光嘅紅色粒子...飄向魂導兵右手掌心...

呢啲紅色粒子...係喺...

我沿住紅色粒子飄過去嘅方向望...就望到...一個大型玻璃容器...有唔少紅色粒子飄出嚟...

一粒粒...無數咁多粒紅色粒子...由大型玻璃容器...由浸喺裡面...赤裸裸嘅小妹妹身上...飄出...

越嚟越多...好多好多...大量閃亮住紅光嘅紅色粒子就由赤裸裸嘅小妹妹身上...穿過大型玻璃容器...飄到去魂導兵隻右手掌心...吸收...

魂導兵...魂導兵正在吸收緊精神能量...正在吸收緊...靈魂...

係想...魂導兵係想借...

唔得...唔可以俾魂導兵繼續...

當我以忍步衝向魂導兵...想向佢展開攻擊...阻止佢繼續吸收靈魂之時...

一股好強大嘅衝力就由魂導兵身上發出...

『嗚...』我就被呢股衝力推後兩步...

同時...魂導兵左邊膊頭斷口...有幾條紅光...紅線...伸出...

越嚟越多...越嚟越密...十幾...百幾...數之不盡咁多條紅線伸展...交織返隻...手臂出嚟...

全隻手臂...由紅光...變返隻雪白幼嫩嘅手臂...再浮出黑色...黑色皮甲嘅左臂...

果然...果然係靠吸收靈魂...將斷臂復原...