《香港傭兵》: [Day 24－三合成立] PART 24
『仁慈...』我望住倒後鏡中嘅仁慈，『我哋而家去解決佢哋...你就繼續踩行油...唔使錫住部車...』
「啱吖啱吖～」仁慈帶住微笑點點頭，「踩爆佢副偈～之但係...你哋搞唔搞得掂？我感覺到...佢哋都唔弱...」
『我哋？』我與綽姿互相對望，『應該掂掛...』
我都感覺到...雖然話冇魂導兵Boss咁強大...但而家從後迫近嘅氣息...一定比起守喺裡面巡邏嘅魂導兵強...
『不過而家唔理得咁多...點都要博一博...』反正都冇得揀...
「嗯...」仁慈點點頭...揸實軚盤...
就喺快要衝向沙田...我同綽姿就一左一右...打開車門...跳出去...
一跳落高速公路上...反手閂返埋車門...我同綽姿立即以忍步向住最前嗰架黑色嘅Chevrolet衝過去...
我同綽姿嚟個差叉走位後...喺黑色嘅Chevrolet裡面駕駛緊嘅魂導兵仲未嚟得切反應之前...我向住司機位方向使出居合拔刀一閃...
而綽姿同時亦跳到空中...垂直三百六十度轉身...拔刀一斬...
“嗡！嗡！吱！！！”喺兩道紅光刀影形成九十度角咁劃過黑色嘅Chevrolet嘅同時...負責揸車嘅魂導兵被軚盤擋住之下離唔開車廂...瞬間被我攔腰斬開上下兩截...
而坐喺車上其餘三個魂導兵就及時跳出車廂...
“吱！依！轟隆！”被我同綽姿合力斬開嘅黑色Chevrolet殘骸隨即失控...後面兩架黑色嘅Chevrolet立即扭軚避開...
“依！砰！轟隆！”失控嘅黑色Chevrolet殘骸撞埋石壆...發生爆炸...
當綽姿喺空中再轉一圈...落返地面之時...三個魂導兵已經圍住我同綽姿...亮出紅光手刀...
而另外兩架黑色嘅Chevrolet同時加速...追住我哋架黑色Benz...
當我同綽姿想轉身...追向兩架黑色Chevrolet之時...三個魂導兵一擁而上...
我同綽姿就揮動手中嘅精神刀...
“嗡嗡！吱！嗡！吱！嗡嗡！”紅光刀影不停舞動...與紅光手刀互碰...擦出大量紅色粒子...
我再揮多幾刀...幫綽姿打開缺口...
綽姿一見有缺口...立即以忍步向住兩架黑色Chevrolet車尾衝過去...
兩個魂導兵立即想追上前...
我就立即一邊追住兩個魂導兵...一邊揮刀...
“嗡嗡！吱！”兩個魂導兵一邊跑...同時一邊向我嘅攻擊作出招架...
我哋幾個黑色身影...就喺高速公路上高速移動...互有攻守...
“嗡！吱！！！”我儲力一刀斬...魂導兵一對紅光手刀一擋...成個飛向身後嘅私家車車頭上...碌咗兩轉再落地...
“咇！咇！”後面架的士立即扭軚避開...
另外一個魂導兵踩上巴士車身...助跑後一跳...跳向我頭頂...
魂導兵由上而下...從天而降咁向我使出雙爪擊...
我立即擺出居合拔刀姿態...儲力...一斬...
“嗡！吱！！！”紅光刀刃與紅光雙爪相格...擦出大量紅色粒子之後...魂導兵俾我一刀震開...
魂導兵攤落地後...喺路面上碌咗一個圈再單膝半跪...
“咇！咇！”後面幾架貨車立即扭軚...一左一右咁避開魂導兵...
我立即喺幾架高速行駛緊嘅私家車之間跑...左穿右插...衝去支援綽姿...
綽姿一邊追住前面兩架黑色Chevrolet...一邊與魂導兵交戰...
嗰兩架黑色Chevrolet就快追到仁慈...而綽姿又被魂導兵牽制住...
要快啲先得...
我以忍步助跑兩步...跳上小巴車頂...再用力一跳...由上而下...從天而降咁向住魂導兵背後使出袈裟斬...
魂導兵感覺到我嘅氣息...立即轉身雙爪一擋...
“嗡！吱！！！”大量紅色粒子就由紅光雙爪與紅光刀刃之間擦出...
綽姿趁機一腳踢開魂導兵...
魂導兵打橫飛開...
“咇！！！一架輕型貨車直衝向魂導兵...
“砰！”魂導兵被撞到飛落地轉咗幾個圈再企返起身...
點解要出腳呢？
點解唔一刀橫斬落去呢？
就係想一腳踢佢去被架輕型貨車撞？
係好成功咁撞中...之但係出刀個效果好似好啲...
唔好理咁多...嗰兩架黑色Chevrolet就快追到仁慈...
我同綽姿立即轉身...以忍步向住兩架黑色Chevrolet車尾衝...
身後三個魂導兵亦緊追住我哋...
我哋五個黑色身影喺高速飛馳嘅車群之間極速狂奔...又跳上車頂...跑上巴士車身...
當我跑到去架黑色Chevrolet車尾...正想橫刀一斬斬埋去之時...身後其中一個魂導兵跑到去巴士車身助跑再一跳...亮出紅光雙爪...凌空轉體三百六十度向我使出飛身交叉爪...
我立即急速轉身一擋...
“嗡！吱！！！”我成個人失晒重心咁向後一飛...
“咇！咇！！！”身邊架私家車及時扭軚避開之時...另一個魂導兵亦喺兩架貨車之間穿過...跑到嚟我面前...紅光手刀左斬...右砍...
“嗡嗡！”我立即再向後一跳...同時有架的士喺我面前高速駛過...車身被魂導兵嘅紅光手刀砍中...
“吱！依！”的士隨即失控...
“咇！咇咇！咇！！！”路面上嘅車輛爭相閃避...
“依！砰！依！啪！砰啪啪！”的士撞埋石壆再打咗幾個轉先四輪朝天咁停低...
望住四輪朝天嘅的士...開始冒出白煙...
殃...殃及池魚...
“咇！咇！！！”公路上嘅車輛都爭相避開我同魂導兵...仲有四輪朝天...冒出白煙嘅的士...
已經唔理得殃唔殃及池魚咁多...綽姿已經被兩個魂導兵牽制住...
而兩架黑色Chevrolet亦差唔多追到仁慈...
我立即跳上私家車車頂...再跳上巴士車身上以忍步助跑幾步...
當差唔多到綽姿同兩個魂導兵交戰嘅範圍...我立即用力一跳...
我喺空中轉體三百六十度...以居合拔刀姿勢儲力...
當我差唔多飛到埋去背住我...正向綽姿使出雙爪擊嘅魂導兵之時...
我儲夠力...向住魂導兵背脊一閃...
“嗡！吱！！！”魂導兵完全嚟唔切轉身招架...紅光刀影由上至下...由右至左劃過全身...
當我一落之時...
“啪！啪！”魂導兵嘅身體就打斜咁分開兩截...跌落地上...
“咇！咇！依！”一架私家車及時喺我面前扭軚...避開咗我...
但架私家車就衝向另一個正要向綽姿攻擊嘅魂導兵...
架私家車向魂導兵衝緊埋去...已經嚟唔切扭軚...
就喺架私家車要撞向魂導兵之時...魂導兵一跳...跳上架私家車頭...
“依...轟...”魂導兵再用力一跳...成個車頭就俾魂導兵踩扁...而成架車亦同時向前一翻...
“轟隆！依！”成架私家車就翻轉貼住喺公路面...打住圈咁滑行...
一架貨車收制不及...
“咇！咇！依！砰啪！”貨車直撞翻轉嘅私家車...再撞埋石壆...
與此同時...魂導兵由上而下...從天而降咁向我使出交叉爪...
我就喺地面擺出居合拔刀姿勢...同時儲力...
當魂導兵正要向我雙爪一揮...
我亦同時儲夠力...向魂導兵拔刀一閃...
“嗡！吱！！！”紅光刀刃與紅光雙爪撞擊嘅一剎那...擦出大量紅色粒子...
同時...魂導兵俾我震飛到空中...
我立即用力一跳...向住半空中嘅魂導兵飛上去...
當我飛到埋去魂導兵面前之時...我就喺魂導兵身上斬五刀...
“嗡嗡嗡！嗡嗡！”五道紅光刀影喺魂導兵身上劃過...
當我落返地之時...魂導兵墜落之際...剛好有架大型貨車撞向魂導兵...
“咇咇！砰！”大型貨車撞到魂導兵散開晒...身體殘骸慢慢化成無數嘅紅色粒子...喺空氣中飄散...消失...
解決咗兩個...身後仲有一個衝緊埋嚟...
而綽姿已經追緊兩架黑色Chevrolet...
兩架黑色Chevrolet已經追到仁慈...喺黑色Benz後面...一左一右咁撞一撞...再撞一撞車尾...
仁慈一俾油...黑色Benz再一衝...努力嘗試同兩架黑色Chevrolet拉開距離...
而亮出紅光雙爪...勢凶夾狼咁衝緊埋嚟嘅魂導兵一跳...跳上巴士車身助跑兩步再跳...跳向隔離架貨櫃車貨櫃身再助跑兩步...向住我一跳...
魂導兵凌空自轉三百六十度...紅光爪影圍住佢身邊轉一圈...再轉一圈...飛到埋我面前一爪再爪...
“嗡嗡！吱！嗡！”我立即以紅光刀刃一擋...再擋...
我一邊向後退...一邊擋住魂導兵嘅攻擊...
唔得後退都唔夠快...追唔上綽姿...追唔到嗰兩架黑色Chevrolet...
唔可以俾魂導兵牽制...
“嗡！嗡！吱！！！”我擋兩爪再一刀橫斬...斬向魂導兵...
魂導兵向後一個小彈跳避開...我就立即轉身以忍步喪奔...
喺幾架私家車之間極速奔跑...再喺幾架貨車同巴士之間穿插...
綽姿差唔多追到上兩架黑色Chevrolet...而我就仲有一小段距離...
要再加速...
但我以短距離加速唔夠幾步...身後嘅魂導兵又跳上的士車頂...再用力一跳...
”依！依！！！“成架的士車頭就被魂導兵踩到失失哋控...左搖右擺...
魂導兵亦已經跳到空中...再一次由上而下...從天而降...凌空自轉三百六十度...紅光爪影圍住佢身邊轉一圈...再轉一圈...向住我背脊飛落嚟...
我立即短距離極速加速...再一跳轉身...擺出居合拔刀姿勢...儲力...
儲力...儲力...當魂導兵差唔多飛到埋嚟我面前...向我使出交叉爪之際...
我亦已經儲夠力...立即一百八十度一閃轉身...
“嗡！吱！！！”紅光刀影圍住我身轉一百八十度...將兩隻紅光利爪斬斷...同時有道紅光刀氣由紅光刀影飛出...劃過魂導兵條腰...
魂導兵就被紅光刀氣攔腰斬開兩截...
唔止魂導兵中刀氣...就連身旁架的士同輕型貨車都受波及...
“依！依！！！”的士同輕型貨車車身連輪胎都被紅光刀氣斬爛...失控...
“咇！咇！依！”後面嘅車輛雖然及時避開...
“轟轟！砰！依！”但的士同輕型貨車都各自炒埋石壆...
算你哋唔好彩啦...
我而家唔得閒理車上面嘅人有冇事...我有冇害死人都好...總算解決咗三個魂導兵...
而家...
幾架七人車喺我身邊擦過後...我繼續向前跑...再望返上前...
我望到...綽姿已經追到兩架黑色Chevrolet...
而同時...兩架黑色Chevrolet都打開後座兩邊車門...同時各自跳出兩個黑色身影...
又多四個魂導兵...要解決...