《香港傭兵》: [Day 24－三合成立] PART 49
有如分解成無數藍色粒子...再喺阿月爸爸身後集合返實體嘅師父...已經將刀刃收回刀鞘...擺出居合拔刀一閃姿態...
阿月爸爸已經嚟唔切反應...
師父向住阿月爸爸背脊...使出居合拔刀一閃...
就喺帶住一層薄薄藍光嘅黑色刀刃，快要斬到去阿月爸爸背後嘅刀鞘之時...
阿爸背後嘅刀鞘發動E.R.F.D.S....
“嗡！吱！！！”閃住綠光嘅E.R.F.D.S.就好似盾牌一樣...擋住師父手上嘅黑色刀刃...
黑色刀刃上嘅藍光接解到E.R.F.D.S.之時...E.R.F.D.S.上嘅綠光隨即消失...
E.R.F.D.S.就好似被黑色刀刃上嘅藍光侵蝕咁...綠光逐部逐部消失...
就喺E.R.F.D.S.快要完全消失...被師父斬開之時...阿月爸爸及時向前一跳...再單手前空翻轉身收刀後空翻落地...雙手擺出防禦姿勢...
阿月爸爸站穩陣腳：「係...LILITH化？」
LILITH...化...
師父將黑色刀刃收回刀鞘：「LILITH化...你哋做咗唔少功課...應該收集到有關人體LILITH化嘅情報...」
冇錯...我曾經...曾經都見過...見過有人突然化成藍色粒子...喺遇到綽姿同師父之前...
師父捏一捏自己對手：「之不過...就應該只限於化為LILITH粒子...就未聽過可以好似我咁...可以LILITH化後再集合返實體...」
冇錯...我都只係見過...得師父一個...可以隨意化為LILITH粒子後...再集合返實體...
雖然都唔係見過好多次...
「呢啲就係...我身體嘅變化...」師父冷眼打量住耶穌伯伯，「你唔好扮唔知...你應該好清楚...」
耶穌伯伯帶住慈祥嘅微笑：「係～係～我係清楚～但有啲嘢都係...正如你所講...切身體會會比較好～」
師父冷眼打量住耶穌伯伯：「你就係要我切身體會...一直都係跟住你嘅劇本行...」
耶穌伯伯帶住慈祥嘅微笑擰擰頭：「唔係我嘅劇本～係死海文書～你懂的～」
「哼...」師父冇耶穌伯伯咁好氣，「自以為一切盡在掌握之中...」
雖然我仲係唔明...究竟死海文書係咩一回事...
之但係...耶穌伯伯嘅眼神之中...真係胸有成竹...睇穿一切...一切盡在掌握之中咁...
師父望返住阿月爸爸：「阿風要你嚟向我收集實戰數據...我冇估錯？咁我就好好咁幫你收集數據！」
師父踏前一步...立即向住阿月爸爸衝過去...
阿月爸爸十隻指尖同時發出閃爍綠色嘅光芒...準備以EVE Saber迎接師父迎面以來嘅攻擊...
就喺師父快要衝到去阿月爸爸面前...師父全身突然開始化成藍色粒子...閃到去阿月爸爸身後...
無數藍色粒子飄到去阿月爸爸身後...開始集合返一個...實體...
喺阿月爸爸身後變回實體嘅師父...已經雙手持刀...向住阿月爸爸背後使出袈裟斬...
阿月爸爸及時轉身...以EVE Saber一擋...
就喺帶住一層薄薄藍光嘅黑色刀刃，快要同閃爍綠色嘅EVE Saber相撞之時...師父全身突然又化成藍色粒子...閃到去阿月爸爸左邊...
無數藍色粒子飄到去阿月爸爸左邊身...開始集合返一個...實體...
喺阿月爸爸左邊身變回實體嘅師父...已經立即向阿月爸爸橫斬一刀...
就喺帶住一層薄薄藍光嘅黑色刀刃，快要斬去阿月爸爸左手手臂之時...
阿月爸爸左手手臂發動E.R.F.D.S....
“嗡！吱！！！”閃住綠光嘅E.R.F.D.S.就好似盾牌一樣...擋住師父手上嘅黑色刀刃...
喺黑色刀刃與E.R.F.D.S.相碰嘅剎那之間...師父全身突然又化成藍色粒子...閃到去阿月爸爸右邊...
無數藍色粒子飄到去阿月爸爸右邊身...開始集合返一個實體...
喺阿月爸爸右邊身變回實體嘅師父...已經雙手持刀...向住阿月爸爸腰間使出迴身抽刀斬...
阿月爸爸完全反應唔切...只係轉咗少少身...
就喺帶住一層薄薄藍光嘅黑色刀刃，快要斬去阿月爸爸腰間之時...
阿月爸爸腰間發動E.R.F.D.S....
“嗡！吱！！！”閃住綠光嘅E.R.F.D.S.就好似盾牌一樣...擋住師父手上嘅黑色刀刃...
喺黑色刀刃與E.R.F.D.S.相碰嘅剎那之間...師父全身再次突然化成藍色粒子...閃到去阿月爸爸背後...集合返一個實體...使出牙突...
阿月爸爸連轉身都轉唔切...背後嘅E.R.F.D.S.就好似盾牌一樣...擋住師父手上嘅黑色刀尖...
越嚟越快...越嚟越快...師父LILITH化嘅速度...飄移集合變回實體嘅速度...向阿月爸爸攻擊嘅速度都越嚟越快...
師父就以超高速化為無數咁多藍色粒子...集合變回實體...攻擊...不停圍住阿月爸爸...超高速化為無數咁多藍色粒子...集合變回實體...攻擊...
阿月爸爸完全反應唔切...完全跟唔上師父嘅速度...就只有雙手持刀...擺出反刀防禦姿勢...以E.R.F.D.S.抵擋住師父嘅連環攻勢...
“嗡！吱！嗡！吱！嗡！吱！嗡！吱！”E.R.F.D.S.嘅綠光就喺阿月爸爸全身四方八面閃過不停...
究竟...阿月爸爸可以點化解呢？
師父嘅速度持續加快...
已經快到...只係見到藍色粒子極高速圍住阿月爸爸身邊飄...
而阿月爸爸全身都閃住E.R.F.D.S.嘅綠色光芒...
之但係...喺阿月爸爸身上嘅E.R.F.D.S....綠色光芒越嚟越暗...越嚟越暗...
唔單止暗...仲好似...出現裂紋...
係因為...長時間發動...抵擋師父同時間嚟自四方八面嘅連環攻勢...開始頂唔住？
雖然我並唔了解E.R.F.D.S.嘅原理...之但係...就咁睇都似...似係頂唔住...
究竟阿月爸爸仲可以頂幾耐...又有乜對策呢？
“嗡！吱！嗡！吱！嗡！吱！嗡！吱！嗡！吱！”師父完全冇手軟...
而喺阿月爸爸身上嘅E.R.F.D.S.就越嚟越暗...越嚟越多裂紋...
睇嚟...睇嚟就快...
突然...
“吱！！！”阿月爸爸身上發出極刺眼嘅綠黑光...
同時...喺阿月爸爸身上嘅綠黑光線飄出大量綠色粒子...
就喺綠色粒子快要接觸到LILITH化嘅師父之時...
無數咁多藍色粒子極速飄開...喺我面前集合變回實體後...師父已經將刀刃收回刀鞘：「一次過釋出EVE能量嘛？」
阿月爸爸全身閃爍住極刺眼嘅綠黑光芒...
師父上半身向前傾...右腳向後踏...左手放喺刀柄上...擺出準備姿勢：「竟然係咁...你嘅能量唔可以維持得幾耐...就一招決勝負...」
阿月爸爸背後嘅刀鞘移動到腰間...同時上半身向前傾...右腳向後踏...左手放喺刀柄上...擺出準備姿勢：「求之不得...」
師父開始儲力...
而阿月爸爸亦都一樣...胸口中間嗰一個拳頭咁上下大嘅圓形物體...發出綠黑嘅光向充滿住黑鋼片夾具嘅刀鞘流動...閃爍...閃爍...
呢一招...大家都使出全力嘅一招...一定會...分出勝...大家都係想以呢一招分勝負...
我一定留心...聚精會神...睇清楚...
突然...師父同阿月爸爸向前踏一步...向住對方衝埋去...
好快...超快...比起頭先任何一招...都要快...
比剎那之間更快...就已經衝到去對方面前...
師父儲足力拔刀...同時...阿月爸爸腰間嘅刀鞘亦彈出刀刃...
兩人同時左手拔刀...向對方使出居合拔刀一閃...
“嗡！吱！！！”喺帶住一層薄薄綠光嘅黑色刀刃，與帶住一層薄薄藍光嘅黑色刀刃相格嘅一瞬間...大量綠色粒子與大量藍色粒子互相觸碰...抵消...消失之時...
兩把黑色刀刃互撞之間...開始出現裂紋...
裂紋擴散速度好快...一瞬間...
“砰！”兩把黑色刀刃同時斷開...
斷掉嘅刀身喺空中打轉...打圈...打再幾個轉又幾個圈後...
“砰砰...”跌到落地上...
師父同阿月爸爸面對住對方...後退兩步...
師父望住手上半把黑色刀刃：「幾好嘢吖...冇人可以斬得斷我手上嘅刀...你係第一個...」
阿月爸爸面上塊黑色倒三角金屬面罩，由中間工整咁向左右兩邊分開，面帶笑容：「係你讓我姐...」
師父將手上半把黑色刀刃掉落地：「俾啲信心自己...妹夫...」
「哈...哈哈～」阿月爸爸摸摸頭傻笑...身上嘅Sacred-Armor慢慢分散成一粒粒...一粒粒黑色...大細不一...有如石油一樣嘅黑色粒子...黑色圓球體飄到空間之中...喺阿月爸爸身邊慢慢消失...
唔止喺阿月爸爸身上嘅Sacred-Armor...就連喺地上...阿月爸爸嗰半把黑色刀身都慢慢分散成一粒粒...一粒粒黑色...大細不一嘅黑色粒子...
師父冷眼望住半把黑色刀身分散成有如石油一樣嘅黑色粒子...飄到空間之中...慢慢消失：「好似...我蝕啲喎...」
阿月爸爸行到去師父身邊：「嗯？」
師父皺一皺眉：「我把刀就斷咗...你嗰把就變返做ADAM粒子...再召返出嚟嘅話...又變返完完整整一把High-frequency EVE blade...」
阿月爸爸摸摸頭：「唔緊要啦～而家呢件都係試作型嚟姐～等阿風拎埋啲數據去研究，量產到就大家都有得著啦～」
師父冷眼打量住阿月爸爸：「我先唔要著阿風造出嚟嘅玩具...」
阿月爸爸諗一諗：「唔係吖～幾型吖我覺得～」
師父無奈咁擰擰頭...
呢場比試...究竟算係邊個贏呢？
兩個把刀都斷咗...之不過阿月爸爸嗰把可以復原...
但對戰本身就係一場還一場...
單計今場嘅話...雖然兩把刀都斷...之不過...如果論續戰力嘅話...其實師父係冇必要同阿月爸爸鬥一擊必殺...
假如師父拉長嚟打...阿月爸爸身上嘅能量應該好快就耗盡...
能量耗盡...用唔到Sacred-Armor...阿月爸爸就唔會係師父嘅對手...
咁講法...或者真係...真係師父讓阿月爸爸呢...
不過佢哋兩個邊個厲害啲...其實都唔算太重要...
更重要嘅...反而係...Sacred-Armor...
阿月爸爸嘅Sacred-Armor...只係試作型...並未係完成品...
到佢哋口中嘅阿風研究完成...量產出完成品後...又係唔係真係可以...將地獄變成天堂？